Brew Bros Coffee (石塘咀) (Closed)

週日，瞓到自然醒，諗住去屋企附近新開嘅Brew Bros Coffee 新店食個 Sunny Brunch。離遠都見到好 Blue 嘅舖面啦，西環店比上環店多咗份文青嘅感覺，唔知係咪近 HKU 嘅關係哩！時間尚早，店內人唔算多，搵咗個角落位坐低慢慢享受吓陽光與早午餐。 - Flat White（$38）試咗哩杯 Flat White，奶泡打得好幼滑，飲落嘅口感好豐滿，咖啡豆香味濃，點讚！！ - Avocado Eggs（$78）個 toast 嘅賣相靚到好似成件藝術品咁，真係唔捨得食咯！啲 avocado 份量啱啱好，同啲 nuts 一齊食個味好夾，仲好有咬感又健康。最值得一讚嘅係個 toast，係我去過嘅 cafe 當中嘅 toast 最軟熟、最煙韌、最易咬、最易切嘅。拮開個 poached egg ，啲蛋漿就好似熔岩咁流曬出嚟，好有蛋味，煮嘅時間控制啱啱好，唔會過熟，正啊！