富聲魚翅海鮮酒家 (Closed)

Check 返Openrice 米芝蓮 list 見到呢一間推介富聲魚翅海鮮酒家（湾仔），一於同父母試下 weekend 點心。地方環境 traditional，樓底比較底，一般酒樓 set up。見到點心纸有好多撰擇，有D眼花亂。睇左一輪，最後叫左以下：鮮蝦豆苗餃。（好好味，D餃皮唔太黏，蝦同豆苗比例剛好）酥皮叉燒餐包。（熱辣辣，D皮薄，饀既味度甜味剛好）馬拉糕。(幾好，幾鬆，不過我食過更好）臘味煲仔飯。（臘味尤其係膶腸好香，臘肉同臘腸都唔错，D飯可以再煲多一陣，會再多D飯）海蜇花青瓜。(D葱油好香，好食）椒鹽九肚魚。（炸得剛好，外脆內軟）紅豆砵仔糕。(有少少陳皮味，甜味剛好，非常好）結論係，Surprisingly good 點心！係無期望之下有非常驚喜既水準。比有D星級既米芝蓮有過之而無不及。最後佢地每人送左楊枝甘露，實在非常滿意。下次要再幫襯試下D小菜。Highly recommend!