Video
Read full review
2010-08-04
19 views
星期日, 來到大埔墟食下午茶, 沒有上街市. 我倆就在街市對面呢一間茶餐廳坐低. 為的, 是外母曾經推介的蘋果批. 在門口, 已貼上各大報張飲食雜誌的報導, 櫥窗內亦有一隻完整既大批. 兩個人, 就為了食批而特登入黎.的而且確, 我們是專登為了食批而來, 店內個個食餐, 熱食, 飲野. 而我們, 就只叩兩隻批, 茶都唔叫一杯. 用$18來霸佔一個下午茶既卡位. 點批時, 店員問我們要圓批定切角批. 心想, 大批會比較呎料, 切角出來應該更好味, 點下的蘋果批同雞批, 都是從一份可開6六件的大批中切出. 另有細隻圓批 (事後買給外婆吃的).批皮極之酥脆, 蘋果批, 充滿了原粒既蘋果肉, 而且果肉新鮮非常. 如果有人覺得麥記既蘋果托無人能及, 那個人的食歷一定很淺了. 除蘋果肉外, 內裡還有其他甜果如車厘子之類, 感覺不單調, 甜味適中. 若我不是要一人吞隻半批. 蘋果批是可能返call的.雞批, 因為內餡是咸肉的關係, 剛才在蘋果批中吃不到的味道, 在這是吃得出來. 因為蘋果批甜, 批皮的味道同樣是甜的, 味相同, 所以很難留意得到. 托皮是帶甜味的, 非常之酥化. 雞肉餡, 帶點咸香,
的而且確, 我們是專登為了食批而來, 店內個個食餐, 熱食, 飲野. 而我們, 就只叩兩隻批, 茶都唔叫一杯. 用$18來霸佔一個下午茶既卡位. 點批時, 店員問我們要圓批定切角批. 心想, 大批會比較呎料, 切角出來應該更好味, 點下的蘋果批同雞批, 都是從一份可開6六件的大批中切出. 另有細隻圓批 (事後買給外婆吃的).
批皮極之酥脆, 蘋果批, 充滿了原粒既蘋果肉, 而且果肉新鮮非常. 如果有人覺得麥記既蘋果托無人能及, 那個人的食歷一定很淺了. 除蘋果肉外, 內裡還有其他甜果如車厘子之類, 感覺不單調, 甜味適中. 若我不是要一人吞隻半批. 蘋果批是可能返call的.
雞批, 因為內餡是咸肉的關係, 剛才在蘋果批中吃不到的味道, 在這是吃得出來. 因為蘋果批甜, 批皮的味道同樣是甜的, 味相同, 所以很難留意得到. 托皮是帶甜味的, 非常之酥化. 雞肉餡, 帶點咸香, 白汁打得非常之靚, 足以令我回想起英國批既味道. 這個批, 不只是似模似樣, 更有過之的地方. 中國人做的酥皮, 往往比起外國的做得好.
我倆, 只吃批, 不吃其他, 連奶茶都冇飲. 佔著個4人卡位, 實在是有點不好意思. 不過, 淨兩種批已經能吸引到食客專程而來, 相信一個週末, 不只我倆入來, 只吃批, 不吃其他.
Post
