Video
Read full review
2018-04-22
233 views
同朋友 happy friday, 佢 book 左呢間。餐廳位於牛頭角宜安街，成條街都係餐廳，絕對係一條隱藏的食街。每次去觀塘or牛頭角，只會去apm或者工廠區的樓上Cafe啫，朋友唔講，我完全唔知呢條街嘅存在 ，地膽果然係地膽！舖位門口細細，但入面比想像中大。晚餐時間都好 full 吓，好彩有訂枱。晚餐 order 主菜加 $40 便有沙律，餐湯同餐茶，梗係加啦！三文魚沙律 ，三文魚大大件，配上黑醋汁，唔錯喎。餐湯是椰菜花忌廉湯，未飲已經聞到好香濃，好大碗飮唔曬，初初飮 ok, 慢慢又覺得偏咸。餐包是有芝士饀的，幾特別。主菜我地叫左兩款 share, 分別係君度酒菠蘿極黑豚，同埋軟殼蟹龍蝦汁天使麵。君度酒菠蘿極黑豚$158，呢味真心推介。極有豬味的厚切黑豚，煎到好香，唔會羶唔會韌，咬落夠 juicy 。佢再用上大量菠蘿碎舖面，同黑豚肉的味道好夾。旁邊小杯係薯蓉，味道不過不失，如果可以焗香D會好味D。伴碟小番茄好可愛，又夠甜，仲有墊底蔬菜都好入味，感覺健康。另一主菜軟殼蟹龍蝦汁天使麵$118， 一上枱似一坐小山夠吸睛。軟殼蟹炸到熱辣辣又酥脆，天使麵有好多海鮮同磨菇一齊煮，好足料，味道
同朋友 happy friday, 佢 book 左呢間。
餐廳位於牛頭角宜安街，成條街都係餐廳，絕對係一條隱藏的食街。每次去觀塘or牛頭角，只會去apm或者工廠區的樓上Cafe啫，朋友唔講，我完全唔知呢條街嘅存在 ，地膽果然係地膽！
舖位門口細細，但入面比想像中大。晚餐時間都好 full 吓，好彩有訂枱。
晚餐 order 主菜加 $40 便有沙律，餐湯同餐茶，梗係加啦！
三文魚沙律 ，三文魚大大件，配上黑醋汁，唔錯喎。
餐湯是椰菜花忌廉湯，未飲已經聞到好香濃，好大碗飮唔曬，初初飮 ok, 慢慢又覺得偏咸。
餐包是有芝士饀的，幾特別。
主菜我地叫左兩款 share, 分別係君度酒菠蘿極黑豚，同埋軟殼蟹龍蝦汁天使麵。
君度酒菠蘿極黑豚$158，呢味真心推介。
極有豬味的厚切黑豚，煎到好香，唔會羶唔會韌，咬落夠 juicy 。佢再用上大量菠蘿碎舖面，同黑豚肉的味道好夾。旁邊小杯係薯蓉，味道不過不失，如果可以焗香D會好味D。
伴碟小番茄好可愛，又夠甜，仲有墊底蔬菜都好入味，感覺健康。
另一主菜軟殼蟹龍蝦汁天使麵$118， 一上枱似一坐小山夠吸睛。軟殼蟹炸到熱辣辣又酥脆，天使麵有好多海鮮同磨菇一齊煮，好足料，味道亦不錯。
餐飲我點左藍色多瑙河，其實係果味梳打，加上粒粒飽滿的藍苺粒，清新夠 refresh 。夠凍又正，轉個頭已經俾我飲曬。
朋友就叫左玫瑰伯爵茶慢慢歎，佢話味道偏淡，但是其實玫瑰數量都不少，俾D耐性焗長D時間便出味了。
最後當然唔少得甜品，我地叫左黑芝麻窩夫配雪糕$68。擺盤都靚，但上枱的時候雪糕溶左了，窩夫亦唔夠熱，影響口感，呢 part 扣左D分。
還好服務不錯，侍應有禮同常常主動加水收碟，好細心。加上餐廳都算好坐，幾啱放工 hea 吓。
Post
