Channel 3 Tapas Bar & Restaurant

Open Now

Now Closed

每逢波季都會約朋友嚟到太子嘅酒吧街睇波飲嘢。同班朋友一邊食嘢一邊傾偈仲可以睇波，一樂也。特別鐘意呢間channel 3，有吧枱，高枱位置，餐前小食仲係無限添加。廚房同酒吧都是開放式，餐廳空間感十足。墨西哥傳統牛肉餡餅餡餅厚薄適中，焗得夠香，餡料嘅牛肉香料味好重好惹味，仲有少少芝士幫手融入哂整個餡餅，口感更加完整。西班牙海鮮炒飯西班牙菜必叫項目，未上檯見到廚師煮嘅時候嘅功架就知一定好食，飯粒索哂味又煮得啱啱好，海鮮除咗有大蝦同青口，仲有嘅雜錦海鮮同飯一齊煮，啖啖都有齊飯同海鮮，好滿足。西班牙啤酒炸雞配薯角炸雞嘅口味特別，外皮炸得夠乾身，啤酒嘅香味係雞肉裡面肉汁滲出嚟。所以雞肉唔會太乾。半隻雞嘅份量，兩個人食啱啱好黑松露炸薯條薯條首先用黑松露撈左先上，唔係普通炸薯條配醬，誠意十足。另外選用較粒大嘅薯條，可以每條都有黑松露同點較多嘅醬咁食，咁食正好多。