Y Pasta (Moved) New Location

銅鑼灣西餐廳選擇都唔少，當中y pasta 既意粉都幾高質，值得同朋友黎食下。餐牌好多野揀，重可以揀轉唔同種類既意粉，有選擇困難添。最後叫左忌廉龍蝦汁露筍大蝦扁意粉 $152未食已經聞到濃烈既龍蝦汁香氣，果然冇令人失望，意粉軟硬度怡到好處，帶Q彈又掛汁，蝦大大隻煎香味道亦唔錯。泰式冬陰公香辣肉碎寬麵 $142第一次食冬陰公意粉，冇諗過竟然幾match，冬陰 公微酸味道非常清新，帶辣既後勁，配粒粒肉碎口感豐富。茄蓉鼠尾草雞軟骨肉丸 $58豬肉丸食得多，雞軟骨就第一次，相當有嚼勁，最鐘意係佢個茄蓉醬汁，香濃得黎又唔會搶去雞肉既味道。