Video
Read full review
2021-12-29
45 views
見今日咁得閒，就約埋朋友一齊嚟試吓地點係旺角夠晒方便嘅樓上💛店。我哋兩個人叫咗一個餐，就包左蘑菇湯同埋南瓜湯，前菜就揀咗香橙柚子煙鴨胸沙律同埋紫菜雞卷，我哋叫咗一個去骨燒春雞加肉醬意粉，仲有BBQ慢煮豬肋骨，嘢飲就叫咗個桂花頂級國寶茶同埋白桃藍蝶花。蘑菇湯可以見到好足料，飲得出有好濃郁嘅蘑菇味，至於南瓜湯，南瓜夠晒甜，係呢一個凍冰冰嘅冬天飲翻一碗熱辣辣嘅南瓜湯真係零舍暖胃。至於個煙鴨胸可以見到厚度啱啱好，食落去好嫩，唔會有騷味，配埋柚子嘅酸甜味真係開胃前菜嘅首選。另一個紫菜雞卷，我朋友食到停唔到口，差啲想淨係嗌呢個雞卷嚟食。因為佢入邊嘅雞非常之嫩滑，食落去完全唔覺得自己食緊雞，再加上夠晒大件，配埋紫菜呢個配搭夠晒新奇，但係又無敵咁夾呀。另外嘅燒春雞同埋豬肋骨真係一定要影晒相先好食，唔打卡就嘥曬喇。燒春雞夠晒入味，淨係食啲雞肉都食到有好香嘅味，因為慢煮嘅原因，雞脾肉嫩滑就一定㗎啦，但係估唔到連雞胸都唔鞋，正呀！仲加埋肉醬意粉就算有幾大食，好似我咁都唔驚食唔飽啦。配埋呢個豬肋骨有重重嘅燒烤醬味，我諗可能面頭加咗蜜糖，所以食落去甜甜地非常好味。非常之推介呀！食完野一定要飲杯茶解下膩嘅。桂花頂
我哋兩個人叫咗一個餐，就包左蘑菇湯同埋南瓜湯，前菜就揀咗香橙柚子煙鴨胸沙律同埋紫菜雞卷，我哋叫咗一個去骨燒春雞加肉醬意粉，仲有BBQ慢煮豬肋骨，嘢飲就叫咗個桂花頂級國寶茶同埋白桃藍蝶花。
蘑菇湯可以見到好足料，飲得出有好濃郁嘅蘑菇味，至於南瓜湯，南瓜夠晒甜，係呢一個凍冰冰嘅冬天飲翻一碗熱辣辣嘅南瓜湯真係零舍暖胃。
至於個煙鴨胸可以見到厚度啱啱好，食落去好嫩，唔會有騷味，配埋柚子嘅酸甜味真係開胃前菜嘅首選。
另一個紫菜雞卷，我朋友食到停唔到口，差啲想淨係嗌呢個雞卷嚟食。因為佢入邊嘅雞非常之嫩滑，食落去完全唔覺得自己食緊雞，再加上夠晒大件，配埋紫菜呢個配搭夠晒新奇，但係又無敵咁夾呀。
另外嘅燒春雞同埋豬肋骨真係一定要影晒相先好食，唔打卡就嘥曬喇。
燒春雞夠晒入味，淨係食啲雞肉都食到有好香嘅味，因為慢煮嘅原因，雞脾肉嫩滑就一定㗎啦，但係估唔到連雞胸都唔鞋，正呀！
仲加埋肉醬意粉就算有幾大食，好似我咁都唔驚食唔飽啦。配埋呢個豬肋骨有重重嘅燒烤醬味，我諗可能面頭加咗蜜糖，所以食落去甜甜地非常好味。非常之推介呀！
食完野一定要飲杯茶解下膩嘅。桂花頂級國寶茶一拎上嚟已經聞到好香嘅桂花味，飲落口一啲都唔苦澀，好順滑，仲有啲花香同埋清甜嘅茶味，正！
Post
