Video
Read full review
2014-01-19
20234 views
一月之星生日, E5小組又要搞吓飯局... 年關將至, C9級忙得不可開交, 大家都可以夾到日子出來相聚, 難得, 難得...壽星想食Tea Buffet, 揀咗美麗華酒店入面的Yamm... 其實我今日係第一次來, 久聞Yamm的大名, 當年剛開業時好想要2個月前訂枱, 當時都好想一試, 後來聽很多人都說差了, 我亦打消念頭... (朋友今日提醒我, Yamm舖位的前身我地有食過, 講講吓又有點印象)Tea Buffet 3:30PM開始, 我早了5分鐘到, 門外塞滿人, 有2條人龍分支, 亦有些人企得亂作一團... 我向Receptionist表示已訂枱, 佢話Buffet未開始, 叫我排隊, 但現場超級混亂, 不知那一條隊才是真的, 不想被現場人士誤會我想打尖, 唯有逐一問問, 經我一問, 大家都驚覺自己排的位置有風險, 一瞬間, 混亂的雙人龍拼湊成一條簡單的人龍... 數分鐘後, 魚貫入場...被安排到半圓形梳化就坐, 朋友叫了出來... 正!!! 其實不是太正, 我明明坐係梳化邊, 方便出去取食物, 不知何解, 回來時被壽星霸了... 咁... 人地係壽星, 無計, 讓下佢喇
壽星想食Tea Buffet, 揀咗美麗華酒店入面的Yamm... 其實我今日係第一次來, 久聞Yamm的大名, 當年剛開業時好想要2個月前訂枱, 當時都好想一試, 後來聽很多人都說差了, 我亦打消念頭... (朋友今日提醒我, Yamm舖位的前身我地有食過, 講講吓又有點印象)
Tea Buffet 3:30PM開始, 我早了5分鐘到, 門外塞滿人, 有2條人龍分支, 亦有些人企得亂作一團... 我向Receptionist表示已訂枱, 佢話Buffet未開始, 叫我排隊, 但現場超級混亂, 不知那一條隊才是真的, 不想被現場人士誤會我想打尖, 唯有逐一問問, 經我一問, 大家都驚覺自己排的位置有風險, 一瞬間, 混亂的雙人龍拼湊成一條簡單的人龍... 數分鐘後, 魚貫入場...
被安排到半圓形梳化就坐, 朋友叫了出來... 正!!! 其實不是太正, 我明明坐係梳化邊, 方便出去取食物, 不知何解, 回來時被壽星霸了... 咁... 人地係壽星, 無計, 讓下佢喇... 進出要2旁的人起身就已經夠不方便, 枱面太低梳化太高令我移出來時舉步為艱才是大問題...
食物選擇不少, 壽司、即制薄餅、即制粉麵、即制三文治、即切燒雞、即制炒雪糕 、沙律、甜品、生果、熱葷...
煙肉意粉、雞翼、雞軟骨串、紐倫堡腸都好味, 漢堡扒乾爭爭味道不太好...薄餅好鹹... 即制三文治好好味, 麵包脆身, 鹹牛肉同青瓜同羊奶芝士出奇地夾...
三文魚壽司OK新鮮, 冷麵麵身太腍, 湯汁太鹹...
炒雪糕幾特別, 我混咗熱情果芒果+咖啡, 都OK夾喎... 有客人路過問炒完係咪仲係凍的, 廚師呆一呆答"當然係凍"... 好好笑, 唔通佢會覺得可以熱食?!!
甜品中以Tiramisu同朱古力梨批最出色... Tiramisu真係用手指餅做, 口感既鬆軟Cream又幼滑, 咖啡酒與朱古力粉味道平衡得好... 椰汁桂花糕全是椰汁味, 怕怕... 朱古力蛋糕味道香濃, 口感細密...
生果以菠蘿較出色, 果香濃郁, 甜度相當高... 玻璃杯盛載的南瓜凍湯鹹鹹的, 好怪...
沙律到我取時已所餘無幾... 選擇不多, 亦沒有特別出色的...
再來一Round雪糕, 要快!!! 唔要慢慢炒!!! 朱古力味及咖啡味均超級香濃, 好好味... 熱情果芒果真係酸到震...
最後一Round的甜品, 味道不成, 不吃也罷...
Buffet時間未完, 店員已迫我地埋單, 付好款後, 仍未夠鐘的, 已全場關燈, 更連環催趕, 好絕呀!!!食物沒有一樣是好好好味, 必必必吃的, 價錢不便宜, 時間亦不足, 無理據支持我重來...
Post
