Video
Read full review
2021-11-20
207 views
今日同一班舊同學一齊行山🥾，去到赤柱搵咗呢一間餐廳👩🍳食飯，結果非常之後悔！😒原本呢一間餐廳睇落幾有赤柱異國風情🏖，咖啡茶座☕️前就係一望無際嘅南中國海🌊，門口笑面迎人😊，但入到去另一種態度！我朋友問關於飲品嘅問題，佢答到愛理不理咁樣：你鍾意飲就飲，唔飲就唔飲。🙄我朋友後加左幾杯嘢飲，等咗勁耐先可以上桌。我哋幾個人嗌左All day breakfast ，幾份麵包一隻碟上桌，叫我哋點樣分？牛油果醬俾得好少🤭。店員上菜嘅時候，問邊個食乜嘢野，我朋友就舉手啦，但係佢竟然係擺低叫我哋傳過去😅😂，中間隔左幾個人，真係傻的嗎🤓唔講服務態度，我哋講吓嘢食質素：All day breakfast $128一份最基本嘅英式全日早餐，係好應該有茄汁豆🥫！我唔知點解佢係冇提供，就好比焗豬扒飯冇咗上面嘅菠蘿咁！啲材料又唔豐盛，我係屋企都煮得好食過佢！🤭Rib eye steak $158平心而論，我覺得塊牛扒🥩煮得幾好食，外皮煎得啱啱好，能夠鎖住肉汁，牛扒嘅質素都唔差，有濃郁嘅牛味。至於配菜薯條方面，佢用咗連皮刨嘅薯仔🥔，口感完全同麥當勞嘅不能相提並論，真係幾值得Encore🍟Fish and chips
原本呢一間餐廳睇落幾有赤柱異國風情🏖，咖啡茶座☕️前就係一望無際嘅南中國海🌊，門口笑面迎人😊，但入到去另一種態度！我朋友問關於飲品嘅問題，佢答到愛理不理咁樣：你鍾意飲就飲，唔飲就唔飲。🙄
我朋友後加左幾杯嘢飲，等咗勁耐先可以上桌。
我哋幾個人嗌左All day breakfast ，幾份麵包一隻碟上桌，叫我哋點樣分？牛油果醬俾得好少🤭。
店員上菜嘅時候，問邊個食乜嘢野，我朋友就舉手啦，但係佢竟然係擺低叫我哋傳過去😅😂，中間隔左幾個人，真係傻的嗎🤓
唔講服務態度，我哋講吓嘢食質素：
All day breakfast $128
一份最基本嘅英式全日早餐，係好應該有茄汁豆🥫！我唔知點解佢係冇提供，就好比焗豬扒飯冇咗上面嘅菠蘿咁！啲材料又唔豐盛，我係屋企都煮得好食過佢！🤭
Rib eye steak $158
平心而論，我覺得塊牛扒🥩煮得幾好食，外皮煎得啱啱好，能夠鎖住肉汁，牛扒嘅質素都唔差，有濃郁嘅牛味。至於配菜薯條方面，佢用咗連皮刨嘅薯仔🥔，口感完全同麥當勞嘅不能相提並論，真係幾值得Encore🍟
Fish and chips $158
魚柳🐟炸得香脆金黃，炸粉亦都唔會好厚，味道亦都唔錯，點埋佢特製嘅沙律醬就一流！
雖然嘢食亦都加返唔少分，但係服務真係惡頂，絕對唔會再幫襯！🚫🙅♂️
——————為食分界線——————
Spiaggia (赤柱)
赤柱赤柱大街92B地下
推介指數 🤰(1/5)
好味指數 🤰🤰🤰(3/5)
抵食指數 🤰🤰(2/5)
環境推介 🤰🤰🤰🤰(4/5)
服務水平 🤰(1/5)
人均消費： $180
#mariofatfat #hkfoodie #Foodie #劣食 #赤柱 #Stanley #Alldaybreakfast #ribeyesteak #steak #fishandchips #service #terrible #今時今日咁嘅服務態度 #肉汁 #魚柳 #沙律醬 #不如我做埋你嗰份
Post
