泰玖

Open Now

Now Closed

泰好味😋泰高質😋泰高CP😋泰國菜好耐無去泰國旅行，泰掛住正宗好食泰菜，今次終於黎到呢間泰玖，又估你唔到既大件夾抵食，仲要泰國廚師主理，兩個人食都係$400連野飲，差啲食唔哂，建議大家睇定自己胃容量慢慢加餐，哈哈哈。泰式軟殼蟹配海鮮汁:餐廳推介之一! 一份六件嚇親我，外觀好似食甜筒咁款，生菜夾住勁脆軟殼蟹，有食炸物的口感但加上生菜的中和，咁先唔會太油膩，記得配埋海鮮酸甜汁口味勁開胃，做前菜，我比10分!泰式乾炒牛河:用正宗泰式河粉炒，Q彈感覺，河炒呈半透明，夠火候，唔油膩，牛肉新鮮夠味。泰式馬拉盞炒通菜:未黎到已經聞到香氣飄逸🤤好食到飛天，鹹香勁惹味，火喉拿挰得好好，爽口掛汁。泰式炸雞卷:最尾忍唔到口又叫多份雞卷，外脆內軟，配泰式辣醬勁香口。