Video
Read full review
2019-08-18
191 views
Le Rêve(即係英文The Dream)，用法文唻命名嘅餐廳應該係食法國菜？如果事前冇做好功課就訂枱，咁可能分分鐘會發錯「夢」。餐廳位於Zing!，喺Times Square附近，睇完龍珠展覽行過去食飯就啱啱好。確認好訂枱資料後就安排坐好，每枱有指定嘅店員去照顧。首先介紹咗餐廳嘅背景、名字由來，裝修概念...聽人講故事都幾有趣，估唔到個故事同之後用餐竟然互相關聯。5個喺英國讀書嘅後生仔喺歐洲食盡好西，夢想將來都可以擁有自己嘅餐廳，提供高級精緻嘅餐飲...就喺哩個夢，成就咗哩一間「夢」。Le Rêve係以最高法式規格嘅法國X日本餐廳，主要用高級嘅日本食材配以法式烹調同格式嘅fine dining。Le Rêve除咗係5個老闆嘅夢，亦都想俾唻用餐嘅食客有夢嘅感覺。牆上同枱面都用咗羽毛去裝飾，輕盈，虛幻，枱上亦唔跟傳統用蠟燭，用咗蒲公英水晶球燈。唔計唻飲酒食Shisha，晚餐只有set可以選擇，分別係4 courses嘅light menu，6 courses menu同8 courses嘅signature menu。店員知道我哋第一次唻，唔係焚化爐，所以建議我哋叫中間嘅6 cours
餐廳位於Zing!，喺Times Square附近，睇完龍珠展覽行過去食飯就啱啱好。確認好訂枱資料後就安排坐好，每枱有指定嘅店員去照顧。首先介紹咗餐廳嘅背景、名字由來，裝修概念...聽人講故事都幾有趣，估唔到個故事同之後用餐竟然互相關聯。
5個喺英國讀書嘅後生仔喺歐洲食盡好西，夢想將來都可以擁有自己嘅餐廳，提供高級精緻嘅餐飲...就喺哩個夢，成就咗哩一間「夢」。Le Rêve係以最高法式規格嘅法國X日本餐廳，主要用高級嘅日本食材配以法式烹調同格式嘅fine dining。Le Rêve除咗係5個老闆嘅夢，亦都想俾唻用餐嘅食客有夢嘅感覺。牆上同枱面都用咗羽毛去裝飾，輕盈，虛幻，枱上亦唔跟傳統用蠟燭，用咗蒲公英水晶球燈。
唔計唻飲酒食Shisha，晚餐只有set可以選擇，分別係4 courses嘅light menu，6 courses menu同8 courses嘅signature menu。店員知道我哋第一次唻，唔係焚化爐，所以建議我哋叫中間嘅6 courses menu，而主菜因為想試多款同鍾情和牛，所以其中一份加錢升級咗做鹿兒島和牛。
Bread
12 views
0 likes
0 comments
每個course都extra包咗Amuse Bouche同麵包。麵包用布袋包住，未開已經聞到好香嘅麵包香味。一啖過嘅Amuse Bouche都睇得出大廚佢哋嘅用心。
Pan Seared Hokkaido Scallop
13 views
0 likes
0 comments
帶子用上刺身級嘅北海道帶子，輕輕香煎過嘅表面令帶子更香，但中間嘅帶子仍然保持彈牙爽口。貝殻底竟然係開心果crumble，擺碟真係非常用心去令每一道菜都非常精美，而當中好多「飾物」都食得落肚。配以一隻小巧嘅日本小澤蟹，香脆可口。
緊接嘅兩道菜係大廚按時令安排嘅兩碟surprise dishes。先係宮崎白海膽配牛肝菌豆腐mosse，海膽殻下係竹碳曲奇碎，又一次善用唔同嘅食材，堆砌出一道道精美嘅美食藝術品。另一個神秘嘅驚喜係，龍蝦殻下竟然係松葉蟹肉配以白桃、魚子、日本蛋嘅一件凍蛋糕。同夢一樣，你以為自己捉到，點知原來係觸不到。
Lobster
11 views
0 likes
0 comments
上一道菜用咗空嘅龍蝦殻去做驚喜，起咗出唻嘅龍蝦肉，亦都係之後嘅夏日主題龍蝦美食。濃縮龍蝦汁配番龍蝦肉、脫水啤李同蓮藕，加埋芒果，冇得頂。
Japanese Cod Fish
8 views
0 likes
0 comments
主菜之一係日本鱈魚，香煎到半生熟嘅刺身級鱈魚保持嫩滑，配番用金奇異果、蘋果、蕃茄同檸檬嘅醬汁去中和魚油。
加錢升級嘅另一味主菜係鹿兒島A4和牛牛柳配雞油菌加上黑松露燒汁。大廚揀用牛柳，取其幼嫩同肉味，咬落成口牛味但唔會成口都係油。
Sesame Stone
12 views
0 likes
0 comments
甜品芝麻石頭睇落好似一粒石頭喺一個沙地上，有樹枝有葉同花，話係一個盆景擺設都絕不過分。咁當然沙石、花草樹枝全部都食得，芝麻石切開仲有蛋糕同雪糕喺入面，唔到你唔服。
最後仲有餐飲同Mignardises。一頓豐盛嘅fine dining正式落幕，兩個小時嘅夢亦正式完結。
Post
