Video
Read full review
2013-08-25
5243 views
細個既時候每次經過半島酒店都會被佢懾人的氣勢嚇怕，主觀地認為一定「貴到嘔」，唔係我地呢D平民百姓可以afford到既地方，所以唔敢去見識見識。長大後，可能係因為那種對殖民地的情意結或者係以前美好時代的眷戀吧，一直都好想去「朝聖」。繼The Vernandah之後，今次我終於有機會借Anniversary之名去酒店既28樓拜訪一下那個panorama海景！同半島酒店其他餐廳不同，Felix的入口位於大堂的一角，由落的士的foyer行過去必須經過那個classical的lobby，先要穿過那陣英式下午茶的香氣及那優雅脫俗的大堂，慢慢往靠近後門九龍酒店那邊的獨立入口。由地下坐電梯上去，沿途的燈光漸漸昏暗，好像為我那緊張的心情加添一份神秘感。Reception位於走廊既末端，Waitress非常細心，一去到已經知到我叫乜野名，然後帶我倆去我們指定要求的Seaview seats。一坐低的感覺，「唔…怪怪的」？再望望張櫈，原來那雪白的椅子係用ergonomics既人體工學設計，於兩腿中間既位置有小小突起既部份，唔通咁樣就會坐得舒服D？過左一陣，Waitress送黎兩部iPad，裏面資料非常齊全，
同半島酒店其他餐廳不同，Felix的入口位於大堂的一角，由落的士的foyer行過去必須經過那個classical的lobby，先要穿過那陣英式下午茶的香氣及那優雅脫俗的大堂，慢慢往靠近後門九龍酒店那邊的獨立入口。由地下坐電梯上去，沿途的燈光漸漸昏暗，好像為我那緊張的心情加添一份神秘感。Reception位於走廊既末端，Waitress非常細心，一去到已經知到我叫乜野名，然後帶我倆去我們指定要求的Seaview seats。
一坐低的感覺，「唔…怪怪的」？再望望張櫈，原來那雪白的椅子係用ergonomics既人體工學設計，於兩腿中間既位置有小小突起既部份，唔通咁樣就會坐得舒服D？過左一陣，Waitress送黎兩部iPad，裏面資料非常齊全，除左一般menu之外，double click入去重可以見到每個dish既相，仲有short description介紹背景資料好似食材、烹調方法等等，非常特別。而喺wine menu裏面，更加可以見到酒既年份、酒莊資料、甚至口感同埋適合於某種main course，非常細心。只可惜既係佢只係「read only」，order既時候都仲要再一次同waitress order，失去左用iPad既原意，似係用黎點綴多於實際意義既花巧野。
Order左無耐之後侍應首先奉上麵飽。蕃茄飽入口感覺非常特別，淡淡既蕃茄味同麵飽新鮮軟熟既口感混埋一齊，酸酸甜甜既感覺十分特別。相比之下，另外一個就相對失色不少，極其量只可以叫做比一般水平優勝而已，不提也罷！
幾分鐘後waitress返黎比左一張新鮮打印出黎既「上菜紙」，將我地當晚order既Felix Experience全部印晒出黎，非常細心。喺微微既燈光、醉人既紅酒同埋維港催燦既夜景襯托之下，呢一刻真係好想時間立刻停頓，好讓我去慢慢享受呢個美麗既畫面！由於事前早已夾好時間既關係，可以睇晒成個「幻彩泳香江」既show，一百八十度既panorama view就好似喺海旁一樣咁震撼！
"Beach" Sweet Shrimp Tartar, Chilled Tomato Gezpacho, Cucumber and Bell Pepper Salad首先出場既appetizer非常特別，用左粗鹽再加少少調味料染色去模彷沙灘上面的沙的感覺。圖中既木頭同埋石頭當然係真材實料，絕對唔食得落肚！但最特別的要算係那塊wakeboard。用prawn cracker去營做滑浪板既感覺固然特別，而上面的芒果粒更加有一種特別夏日既感覺。Testtube 裏面的那個sauce用了少少辣椒汁去做，感覺上有少少Tabasco既感覺，當佢倒落個杯度，同裏面既鮮蝦同埋蔬菜混合出黎既感覺，spicy得黎又可以食到蝦chunky同埋甜甜既鮮味，非常特別！
Deep-fried Crab with Malon Coulls, Lemon-balm Crea, Almon and Yello Endive Salad蟹球炸得十分鬆脆，不單食到蟹既味道，更加連蟹肉一條一條既texture都食得出，果然係一分錢一份貨！至於另外那個用cream做成既球體物質，坦白講個人黎講覺得只係一般，口感偏濃同埋有少少酸味，應該係跟足正宗方法去煮，所以一般亞洲人唔係咁容易接受到！至於蜜瓜方面就食得出食材既質素，正所謂「less is more」，喺「無添加」既情況下反而更加帶出水果既鮮味，同外脆內軟既蟹球簡直襯到絕！
Confit of Chicken with Braised Fennel in Bag, Baby Spinach and Potato Salad, Black Truffle Oil顧名思義，「慢煮」的雞肉巻連埋個薄薄既袋一齊上碟，waiter會喺你面前介紹烹調手法同埋剪開個膠袋，非常細心。由於用左慢煮既關係，雞肉巻能夠做到鎖住肉汁，唔單只juicy之餘，亦唔會好似坊間一般煮法令到表面水份流失，影響口感。
至於伴碟的那個Spinach 同埋Potato Salad Side Dish，坦白講感覺一般，不過都做到爽口同埋有一種好fresh既感覺，與濃烈既sauce剛好調和一下，不致於有鹹到嘔既感覺出現，算係中規中矩。
Roasted Australian Lamb with Orange-Vandouvan Chutnet, Mushroom, Bacon, Onion, Potato in Smoked Pod主角Lamb 煮得啱啱好，同我request既medium-rare一樣，有少少血水之餘又唔會有過生既情況出現。不過，可能係因為用左澳洲品種既關係，羊入口既口感比我想像中為羶，呢度要扣少少分，始終羶味係可以通過烹調手法去改善！Gravy雖然味道濃烈，但亦都唔會搶走肉本身既質感，洽到好處。最特別的要數木匙上面的Orange-Vandouvan sauce，酸酸甜甜既感覺可以刺激味蕾，令胃口大增。
遠處那個用玻璃樽裝着的是豆角。由於用了煙肉同埋洋葱等材料一齊烹調而成，所以口感方面會俾一般side dish略為濃左少少，不過卻十分惹味，與gravy同埋lamb rack一齊既配合絕對係上佳之選！
Slow-cooked Halibut, Saffron Jelly, Poached Mussel and Clam, Gnocchi魚方面可以話係全晚最失望的一個course。由於用左slow-cook既手法，所以口感方面基本上同食緊條蒸魚係無分別。雖然用左個相對濃烈既sauce，但咁樣反而食唔出魚既鮮味，有D失望。至於mussel 同埋clam方面，感覺有少少overcooked，兩者都因為收乾晒水而縮晒水，亦都因為無晒水份而令到口感韌得好緊要，幾乎咬唔開咁濟！
特別要提一提既係Gnocchi，可能因為食唔慣既關係，第一口咬落去既感覺好似係食緊一舊擦紙膠，再加上完全無調過味，難食到差唔多要吐出黎咁濟！
Selection of Cheese要留意係要加$80 supplement既。雖然係咁，但係食物質素絕對無令我失望。麵飽鬆軟得黎卻帶點crunchy，感覺近似餅乾，作為食芝士既最佳拍檔可謂襯到絕！芝士方面，雖然唔可以稱得上係咁耐以黎食過數一數二既質素，但都真係要讚下佢喺選料方面既工夫，三種唔同味道既芝士配搭剛剛洽到好處！
Mini Rum Syrup, Baked Almond Cake, Mascarpone-vanilla Whipped Cream Cane Sugar Ice Cream, White Chocolate Disk甜品方面繼續維持半島一貫既高質素。Almond Cake杏仁味好足，口感亦都十分鬆軟。放喺白朱古力上面更加可以「軟硬兼施」，一啖軟一啖硬，入口既感覺真係非常特別！而那個Cane Sugar味道既雪糕都十分特別，只可惜味道比較濃烈同埋甜左少少，對於平時鍾意食相對清淡既水果味雪糕既我覺得over左。
最特別的係strawberry上面既Anniversary Tag。仲記得訂位既時候都冇刻意同佢地講Anniversary，只係食飯前幾日「係咁易」email佢地，提起有冇D乜野特別既野可以加落去。佢地email咗我之後我都冇左件事冇覆佢地，但點都估唔到佢地咁細心，記得我地呢個特別既日子之餘，仲要好low profile咁整左個tag俾我地，佢地既窩心絕對要比個「讚」佢！
Petit Fours已經飽到差唔多食唔落咁濟，只係淺嘗左macaron同埋chocolate。Macaron方面麻麻地啦，都係一般貨式，個人黎講我覺得LBT會比較好食。而朱古力方面既可可同埋牛奶都落得好足，只係實在太飽，加上已經食左差唔多3個半鐘，所以心急的我已經再冇閒情逸致去慢慢細味，衝衝埋單走人，歸家去了！
Overall以5星級酒店既餐廳黎講，Felix絕對交足功課。無論喺選材、食物既烹調手法、waitress對食物既認識，甚至相對應既餐酒既知識都可以叫做非常唔錯。唯一要批評既係人手方面既問題。由於坐喺餐廳食正維港海景既「角落頭」位置，Waiter好多時都睇唔到我既手勢，以致要叫好多次先至搵到佢地，呢度以5星級既標準黎講要扣少少分。重有就係點解餐廳有個咁靚既view但係竟然要落百葉簾遮住佢？簡直糟塌晒最剎食既180度維港港景！坦白講，同好多comment一樣呢度絕對係食景多過食飯。可能因為跟足正宗歐洲煮法既關係，對於食慣豉油西餐既自己感覺總係格格不入，覺得呢度同Morton's之類主打牛扒既餐廳既感覺總係差少少。不過，以$3000都唔駛既價錢(2個set，兩杯酒、一枝still water)就可以有咁既服務又唔可以叫做好貴！
P.S. 見到$388既early dining menu真係好吸引，下次有機會一定要再黎試吓呢個超值之選！
Post
