Tipsy Tap (Closed)

喜歡飲手工啤酒的你，又喜歡與閨蜜好友，老友死黨摸住酒杯底，暢談人生的你，又或者喜歡一個人品嚐下來至世界不同地區的啤酒，都可以去Tipsy Tap ，享受一個酒精與音符交融的晚上。 友人與我都喜歡飲酒，由其係手工啤酒，每個星期都會有一晚找個特別的店鋪聚一聚 ，係無意中發現左係柯士甸路的一間酒吧。 店鋪前門係落地玻璃，入面既裝潢一目瞭然，同樣入面都可以望到街外景色。行入去， 你會望到吧枱上面有一個大型既板，上面列出酒吧入面20款來至世界各地的手工啤酒 ，每種手工啤酒都有個人特色，岩哂想試唔同口味既友人。想認真了解一下當中不同之處，除左可以係佢地既beverage list 睇，亦可以詢問店舖人員，每位都好樂意與你分享或建議。 雖然食物選擇不多，但味道都不錯。我與友人叫左芝士煙肉安格斯牛肉堡配薯條🍟（芝士熔化係芝士面上好惹味，煙肉又唔太咸，牛肉又香口腍身夾埋漢堡一齊食好滋味）；而慢煮煙燻燒烤豬肋條（味道岩岩好，個醬汁唔會太濃味，而烤豬肋條好入味，薯仔又熱辣辣好脆口）同惹味仙豆佐兩杯啤酒 最後埋單連埋加一 每人二百幾 價錢合理 值得再試。😋👍+