Coffee Break (TKO Gateway東翼)

Open Now

Now Closed

今天突然想吃羊架，想起TKO Gateway東翼一樓的Coffee Break的香煎紐西蘭羊架配炒雜菜，之前吃過覺得很好食，於是就約了朋友一起去試下。Coffee Break嘅晚餐可以自由選擇是否加配餐湯或沙律，只需加$28。我哋叫咗羊架，餐廳係用香煎嘅方法，七成熟，羊肉係好淋滑，冇酥味，而且一啲都唔韌，羊架都幾大份，配菜有好多，好似薯仔蕃茄西蘭花。今日嘅餐湯係西蘭花薯仔湯唔錯，仲有凱撒沙律，裏面有啲麵包粒同埋煙肉，好清新。另外又叫咗個香烤波特菇黑松露意大利飯，黑松露味同菇嘅味係非常之合襯，加上Creamy嘅醬汁，覺得好好食。套餐飲士多啤梨綠茶只需加咗$18 ，綠茶酸酸甜甜，仲有好多士多啤梨蘋果粒，好特別。冰凍嘅抹茶latte都係加$12，綠茶味濃郁，十分抵飲。最驚喜嘅甜品 Tiramisu疏乎厘pancake，有三大塊，朱古力醬汁不停咁樣流落嚟，無論賣相同埋味道都係一流嘅，最重要係只需要$42，好推薦大家一定要食。兩個人嘅豐富晚餐只係需要433元，其實真係好抵食。