東京アグラ (Closed)

東京アグラ Tokyo Agura之前係尖沙咀經營過的, 聞說水準不俗, 但好似因為日籍師傅要返日本,未有機會幫襯前已經轉手變左另一間拉麵店了.因緣際會下知道原來係灣仔重新開返Tokyo Agura, 所以特意前0黎潮拜一下.(其實都重開左好一段時間,係我孤陋寡聞0者) 餐牌好多選擇,最終選擇左特制魚介豚骨沾麵(醬油味),碗麵顏色好靚,有紅,有黃,有啡,有白,睇落好開胃.各款配料都好出色,尤其是筍段,撈過麻油,很香好好食;另外紅色望落感覺好似日本麵屋一燈果塊慢煮叉燒0既叉燒,食落亦不俗,視覺上亦相當突出, 叉燒上少許0既黑椒帶出左個叉燒0既咸香味,恰到好處,相當不錯.麵底份量較少而且略硬,甚至有D生,淥麵火喉控制有點不足,比較少見會有哩個問題.沾麵湯底唔錯,略帶酸,入面有D一粒粒0既肥豬肉好香好好食,不過湯底唔夠熱,雖然已經用左"辣”手0既湯盛載著,不過食到一半已經凍晒,味道大打折扣.整體味道只可以話OK, 唔好可以話好食,連加一索價$105有點略貴,加上食前期望頗高所以有少許失望,下次會試下其他湯麵,希望能挽回面子吧!!!