Video
Read full review
2023-02-01
361 views
聽聞話呢一間舖頭好有性格，店主開唔開舖睇心情睇時咁啱早收工六點前去碰一下運氣。好好彩一去到有開仲要有位即刻衝入去坐埋最後一張枱。成間鋪唔大得三張枱坐到六個人。剩係得店主一個人打理間鋪。心諗點樣維到皮呀。啲面平均到$100一碗唔算平。但見佢夠膽咁樣開舖開個咁嘅價錢就試試佢。可以揀嘅選擇唔多今日有三款分別有海蝦濃湯，金華火腿雞湯，同期間限定，今期係忌廉蠔湯。今次就試吓佢個期間限定同埋個海蝦睇吓會唔會有驚喜。好好彩嗰張枱坐正喺廚房出面可以欣賞到店主煮嘢食嘅情況。見佢好細心咁樣將佢預先準備好嘅牛肉擺好盤，調味，再用火槍炙燒。未攞出嚟都已經聞到好香。頭頭尾尾店主用咗二十分鐘到去處理好晒我哋嘅order。D主角同埋嗰隻燒牛肉出到嚟嘅時候全間鋪都好香牛味。海蝦麵加左炒香左既櫻花蝦係面，一上到枱就聞到好香好香嘅蝦味。個橙紅色湯底加埋個氣味令到你食慾大增。將伊麵放落口真係食出濃郁嘅海蝦味，絕對唔係馬虎去做出嚟嘅一個湯底。個味道可以話係比一啲出名嘅雲吞麵湯底更加之出色。喜愛度(5分為滿分): 4.5至於個忌廉蠔湯伊麵奶白色，第一啖試個湯底有好鮮甜既蠔味，蠔肉新鮮唔腥，加埋個忌廉個感覺就係飲緊一個好濃郁嘅周
可以揀嘅選擇唔多今日有三款分別有海蝦濃湯，金華火腿雞湯，同期間限定，今期係忌廉蠔湯。今次就試吓佢個期間限定同埋個海蝦睇吓會唔會有驚喜。
好好彩嗰張枱坐正喺廚房出面可以欣賞到店主煮嘢食嘅情況。見佢好細心咁樣將佢預先準備好嘅牛肉擺好盤，調味，再用火槍炙燒。未攞出嚟都已經聞到好香。頭頭尾尾店主用咗二十分鐘到去處理好晒我哋嘅order。D主角同埋嗰隻燒牛肉出到嚟嘅時候全間鋪都好香牛味。海蝦麵加左炒香左既櫻花蝦係面，一上到枱就聞到好香好香嘅蝦味。個橙紅色湯底加埋個氣味令到你食慾大增。將伊麵放落口真係食出濃郁嘅海蝦味，絕對唔係馬虎去做出嚟嘅一個湯底。個味道可以話係比一啲出名嘅雲吞麵湯底更加之出色。
海蝦濃湯
10 views
0 likes
0 comments
喜愛度(5分為滿分): 4.5
至於個忌廉蠔湯伊麵奶白色，第一啖試個湯底有好鮮甜既蠔味，蠔肉新鮮唔腥，加埋個忌廉個感覺就係飲緊一個好濃郁嘅周打蠔湯。一個類似西式嘅餐湯估唔到用一個中式嘅做法配埋伊麵竟然係咁夾。可能因為我自己本身鍾意飲周打海魚湯同食伊麵，所以真係私心推介。
忌廉蠔湯
23 views
0 likes
0 comments
喜愛度(5分為滿分): 4.5
用完餐個感覺真係好滿足兩個面都帶到比味蕾好大嘅衝擊。行去買單嘅時候店主會好主動咁問你個麵好唔好食，有冇咩評價，就睇得出佢好緊張佢嘅出品。見到有d comment話個店主串，上菜慢等等。咁嘅質素，我又覺得咁佢又真係串得起喎。下次一定會返去試埋佢另外嗰個金華火腿雞湯。
Post
