一起果醬 (Closed)

以往都鍾意黎呢間餐廳食晚餐，覺得服務雖然唔算好好，勝在食物好味。相隔半年後再黎，估唔到變化咁大，今次既晚餐係極難食，更加完全唔值每人近$300既價錢，以後唔會再黎食。星期日晚，cream7:30入座，裡面一檯客人都冇，已覺好奇怪。叫左4份dinner set，先上餐飲，叫左以往飲開既果醬梳打。首先，冇左以前係客人面前即製梳打，整好先上檯，然後，梳打係完全冇氣既，所以係「果醬糖水」而已。餐湯叫左蕃茄湯，都有少少蔬果粒既，但湯係紅色好水咁，感覺怪怪地，食完d蔬果粒都唔想再飲。Main dish 叫左慢煮牛，同埋慢煮黑毛豬。兩款既肉都係凍既，黑毛豬好韌，而且切得非常大舊，牛既口感都一般，總括黎講係一d都唔好味，凍冰冰。配菜既薯仔，蕃茄同埋露筍都係一致地凍冰冰既。總次就係成個dish都係凍。甜品-以往既set dinner甜品都叫過得去，通常都係 brulee，今次上左個盆栽仔造型既「糊狀物體」，聽講係馬蹄露，心理上覺得好奇怪，噁心，唔敢食。服務都係差，waiter掛住自己食野或傾計或玩手機。而且狂打乞嗤唔掩口唔帶口罩唔洗水。差到一張食物相都冇心情影。