Burgeroom (美麗華廣場1期) (Closed)

蜜味辣雞翼，雞翼本身大小隻隻都差唔多。外層脆卜卜有少少甜，好有蜜糖味，內層肉質相當入味雞肉肉質又夠滑。馬蘇里拉芝士條，外脆內暖，芝士咬落去能夠拉到一絲一絲好有驚喜。入面有6條好夠分。香脆魚柳蛋漢堡，份量相當大，麵包夠鬆軟。魚柳肉質都幾厚幾滑，外脆相當鬆脆，芝士好濃味好易溶。我地2個人叫左一份漢堡包，加幾款小食都夠晒飽。鮮奶抹茶，黎到杯野係微溫較容易入口。鮮奶比例較重，飲到一半先發現原來好足料，個底有好多抹茶粉，混合後抹茶味較濃口感更佳。蜜桃冰茶，出霍天氣咁熱，朋友就叫左冰茶。黎到冰涼透心解渴一流。