Video
Read full review
2018-11-19
24 views
十幾年前去過一次土耳其，最深刻嘅就係當地嘅音樂同咖啡。每間食肆或商舖都會播住土耳其音樂，飲住咖啡，生活節奏唔太急促，當中靜靜地享受一個悠閒嘅下午。今次來到土耳其餐廳，由於係當地人打理，餐廳一桌一椅，都別具特色。餐廳食物質素高，可能好多人會以為土耳其野食未必啱香港人口味，咁就錯了。今次叫左個二人餐，有湯、沙律、小食、意粉、甜品，仲包埋兩杯飲品。土耳其小食— 薄餅配薯條。兩大塊薄餅好薄身，最唔鍾意食厚身嘅皮，薄薄地比較易入口。薯條即炸，熱辣辣，好香脆，仲加入紅黃椒，配埋薯條一齊食，咸咸地又帶有少少酸味，感覺幾健康丫！另一款叫左蕃茄肉碎意粉，蕃茄味香濃，意粉質感咬落啱啱好，香草份量亦配搭得宜。肉碎令整碟意粉味道無咁寡，食落亦好有咬口。因為好好味嘅關係，如果份量可以再多啲嘅話，一定更加滿足！甜品好有驚喜，上碟嘅係土耳其龍鬚糖，土耳其名為pishmaniye。係用白糖、麵粉等材料一絲絲製作而成，好考功夫。入口即融嘅口感令人食極都唔覺飽，大人、小朋友都啱食。不得不提嘅係兩杯飲品：土耳其咖啡同埋蘋果茶。咖啡味道香濃，咖啡豆即叫即磨，然後加入少量brown sugar。土耳其咖啡一般唔會加奶，而糖可以
十幾年前去過一次土耳其，最深刻嘅就係當地嘅音樂同咖啡。每間食肆或商舖都會播住土耳其音樂，飲住咖啡，生活節奏唔太急促，當中靜靜地享受一個悠閒嘅下午。今次來到土耳其餐廳，由於係當地人打理，餐廳一桌一椅，都別具特色。
餐廳食物質素高，可能好多人會以為土耳其野食未必啱香港人口味，咁就錯了。今次叫左個二人餐，有湯、沙律、小食、意粉、甜品，仲包埋兩杯飲品。
土耳其小食— 薄餅配薯條。兩大塊薄餅好薄身，最唔鍾意食厚身嘅皮，薄薄地比較易入口。薯條即炸，熱辣辣，好香脆，仲加入紅黃椒，配埋薯條一齊食，咸咸地又帶有少少酸味，感覺幾健康丫！
另一款叫左蕃茄肉碎意粉，蕃茄味香濃，意粉質感咬落啱啱好，香草份量亦配搭得宜。肉碎令整碟意粉味道無咁寡，食落亦好有咬口。因為好好味嘅關係，如果份量可以再多啲嘅話，一定更加滿足！
甜品好有驚喜，上碟嘅係土耳其龍鬚糖，土耳其名為pishmaniye。係用白糖、麵粉等材料一絲絲製作而成，好考功夫。入口即融嘅口感令人食極都唔覺飽，大人、小朋友都啱食。
不得不提嘅係兩杯飲品：土耳其咖啡同埋蘋果茶。咖啡味道香濃，咖啡豆即叫即磨，然後加入少量brown sugar。土耳其咖啡一般唔會加奶，而糖可以選擇加或者唔加。選擇左加糖之後，就會係沖咖啡個刻加入，而唔會沖完先另加。製作完成之後，一杯香噴噴嘅土耳其即磨咖啡就誕生！沖呢杯咖啡可以話係一門藝術，少一個步驟都會影響咖啡嘅「色、香、味」。
而蘋果茶味道香甜，沖嘅過程唔一定使用真正嘅蘋果製作，好多時候都係採用蘋果香氣或汁嘅精華，加入茶之中，味道祟尚自然。最後要讚一讚嘅係餐廳嘅服務真係唔錯。由選餐到埋單都好有禮貌，餐廳經理會主動同你講兩句，又會比返適當嘅空間客人，鍾意自成一角又得，鍾意熱情嘅款待又得，的確係顧客至上。
Post
