Ufufu Cafe (Closed)

今晚同朋友book 左Ufufu Cafe 食 Dinner，但點知去到話冇留到位，原來係個職員唔記得mark 低，不過都一場來到，唯有等一陣再入坐。餐牌款式幾多下，不過大家都想飽肚D，所以都只係叫左正餐。牛油果大蝦凱撒沙律 - 分量充足，而且都用料新鮮，味道唔錯。豆腐博多明太子 - 明太子分量比想像中多，加埋豆腐口感都唔錯。焗酥皮粟米湯 + 沙律 - 可以加$38跟餐有焗酥皮粟米湯同沙律，味道正常。日式肉汁蛋包飯 - 肉汁加上蛋汁鮮嫩，加上淡忌廉的濃郁乳香，吃起上來有軟滑的口感，相對好味。漢堡扒咖喱飯 - 漢堡扒都幾厚下，但中間位又唔會整到唔熟都確係勁，味道都可以，但個咖喱都幾濃味下，比一般日本甜咖喱來講咸左D。九州風海鮮蕃茄汁意粉 - 朋友覺得蕃茄汁太多太稀，但海鮮都正正常常。整體而言，食物質素可以接受，而且分量都合理，反而下次來應該試下甜品。