URBAN Café Commune (形點 I) (Closed)

食過Moko同沙田分店，雖然沙田店已結業，但記憶中都係好食既，今次第一次食Yoho分店，就覺得好差。叫左兩個餐：一個芝士漢堡+薯條同一個鵝肝漢堡+薯條先講龍蝦餐湯，稀到水咁兼好咸，飲左兩啖食左件蝦肉就放棄，唔值用腎功能硬接。跟餐牛角包幾香，脆脆地，唔會一按成擔油。主菜上枱，薯條唔熱但都脆既，所以勉強接受，但兩個漢堡包既無烘底，也沒有牛油或者醬汁，連一片洋蔥都冇，漢堡扒又煎到勁dry，加上佢用火箭菜而唔係生菜，變左成個包既唔香又超超超超乾，$178和$188的漢堡，M記個貴包或者荳子都平+豐富過佢。以後應該只會去返Moko個間。