Video
Read full review
2018-03-14
363 views
早前和朋友飯敘，提起食素，友人突然問我：「你有吃過印度素菜嗎？最近我去左尖東一間主打正宗南印度素菜的餐館，覺得店裡的餅食，不但造型千奇百怪，而且口味各異，有空不妨一試。」筆者雖然自問嘴饞，經常外出四圍覓食，不過講到印度素菜，又確實較少機會碰上。既然友人有好介紹，就一於嚟個 Vegetarian Wednesday。餐廳位於麼地道永安廣場 UG 層，踏進店，地方偌大，環境乾淨，裝修簡潔，用餐位置寬敞舒服，配上一室啡木色，令整個裝潢滲出一分暖和感。餐牌非常大本，逐頁細看，食物種類勁多，有湯、前菜、炸餅、Kebab、麵食、米糕、煎餅、班戟、麵團、烤餅、飯、蔬菜、飲品、甜品，項目多不勝數。由於從未吃過印度素菜，所以的確有點茫無頭緒，幸好店員非常熱情，會從旁協助及推介。先來一客 Starter 素排 ($40)，這客印度素排，外形看起來有點似薯餅，不過 Size 就比較大。用刀切開，原來是用馬鈴薯泥加上少量蔬菜炸成，食落有點似可樂餅，不過味道就較辣，外層香脆，吃時可沾點碟中央的茄醬，酸咪咪，有助減辣。之後是一客南印度特色菜餚：印度酥油豆粉香料薯餡煎餅 ($80)，煎餅形狀獨特，長短不一，與厚身帶
餐廳位於麼地道永安廣場 UG 層，踏進店，地方偌大，環境乾淨，裝修簡潔，用餐位置寬敞舒服，配上一室啡木色，令整個裝潢滲出一分暖和感。
餐牌非常大本，逐頁細看，食物種類勁多，有湯、前菜、炸餅、Kebab、麵食、米糕、煎餅、班戟、麵團、烤餅、飯、蔬菜、飲品、甜品，項目多不勝數。由於從未吃過印度素菜，所以的確有點茫無頭緒，幸好店員非常熱情，會從旁協助及推介。
先來一客 Starter 素排 ($40)，這客印度素排，外形看起來有點似薯餅，不過 Size 就比較大。用刀切開，原來是用馬鈴薯泥加上少量蔬菜炸成，食落有點似可樂餅，不過味道就較辣，外層香脆，吃時可沾點碟中央的茄醬，酸咪咪，有助減辣。
之後是一客南印度特色菜餚：印度酥油豆粉香料薯餡煎餅 ($80)，煎餅形狀獨特，長短不一，與厚身帶韌性的印度烤餅好唔同；邊緣位薄脆，中間包捲左一層薄薄的馬鈴薯泥餡料，咬下帶點彈性。另外煎餅上桌時會附來兩款沾醬，包括辣醬汁、椰子醬和一小碗傳統南印度的辣湯。
接著是腰果黃飯 ($75) 和咖喱燴蔬菜，印度黃飯用上番紅花及印度香料製成，是印式麵包以外的伴咖喱好選擇。印度米同我地平時食開嘅中國米好唔同，米身較纖長，煮出來鬆散不黏、粒粒分明，用來伴咖喱汁吃，修長的米粒盡收咖喱香，加埋入面可口的腰果粒，非常飽肚。
同黃飯一齊上檯的咖喱燴蔬菜 ($60)，用上紅蘿蔔、薯仔、雜豆及蔬菜，再配上乳酪和多種香料烹煮而成，味道雖然無日式咖喱咁溫和，但整體水準都唔錯，香而不過濃，頗適合香港人口味。
最後一客是鐵板蘑菇 ($120)，蘑菇用鐵板盛上，熱辣辣，分量十足。叉起品嘗，蘑菇粒粒飽滿肉厚，入口微辛，爽中帶腍，一口一粒，超滿足。
飲品點了菠蘿汁 ($35) 和芒果味印度奶昔 ($35)，菠蘿汁味道非常清新，帶天然果香，唯一就是稍嫌唔夠冰凍。Mango Lassi 香味極重，口感濃稠，喝罷芒果甜香久久不散，用來解辣消暑一流！臨走前見鄰桌食客點左個 Paper Masala Dosa，外形像天文望遠鏡，足足有成廿幾吋長，連碟子也容不下，造型別致好玩，下次來要試下。
Post
