琉金穗月

Open Now

Now Closed

一向都好喜歡懷舊既東西，男朋友特登找了這間特色Cafe，甫入Cafe已經好像坐了叮噹既時光機回到以前既香港，見番好多以前細個住係婆婆家既懷舊傢私及物件，好令人懷念惜日跟婆婆相處既美好時光！抬頭一看，是幾盞色顏鮮豔既掛燈，好靚!! 我地顧住影相差點兒忘記選食物!我地選了雜菌配黑松露忌廉汁意大利麵及香腸拿破崙意粉，先講黑松露意粉，份量足夠，好香黑松露味，有大量雜菌，一D都唔吝嗇材料！鹹味恰到好處，再配上細滑既忌廉汁，令我地都食得津津有味。而香腸拿破崙意粉，濃蕃茄醬配意式腸, 真係開胃又好味。之後我地追加了是日甜品及熱Mocha，是日甜品是層層朱古力蛋糕，由軟綿綿既蛋糕及朱古力醬組成，中層還有小小酒味，令口感唔太乾，底層還有薄脆，甜而不膩！耐心細味著懷舊物件及品嚐用心製作既美食，加上午後明媚的陽光，透過百葉簾照入室內，構成一幅幅美麗既畫面，足以令我地Hae足一個下午！