朱敏記桑拿菜 (Moved) New Location

同班朋友附近玩完wall game,到附近土瓜灣朱敏記桑拿菜食晚飯,入到去地方都幾大,枱面擺設似酒樓感覺,呢度好多菜式都有,我地對中式有興趣d,所以今次就叫左粵菜試下先!醬汁炆蠔豉蠔豉大大隻脹卜卜,炆得好淋好入味,一d都唔腥,完全冇電油味之類,配埋特別烹調既醬汁同青瓜一齊食,加上賣相相當吸引,食落特別滋味惹味!韭菜餃伴魚肉卷餃子炸得好香口好脆,食落口直情卜卜聲,餡料亦好多肉好香韭菜味,味道亦教得好好,魚肉卷唔腥彈牙,點埋伴碟既醬汁一齊食會更好味,唔會咁單調!金黃偏皮雞似炸子雞口感,雞皮炸得岩岩好炸得好靚好香口,雞肉幾嬾滑,加埋伴碟既沙律一齊食,口感好特別感覺幾開胃!蚌刺身有朋友想食就叫黎試下,又唔錯WO,好爽口好鮮甜,一碟份量都幾多,配埋幾個白飯,加多幾杯汽水,真係正!