漢堡王 (Closed)

我係一個包精，晏晝好多時一个人食飯都會食麵包，見到免費報紙內廣告介紹Burger King全新小華堡，雖然間店離開我公司頗遠，急步行都要15分鐘，但都去買嚟試吓。中午時份好多人，我12:45pm去到己經坐無虛席。買咗一个紐約芝味小華堡$16，个外賣紙袋印有一个色彩繽紛漢堡包圖案，幾靚。个包肉汁豐富，仲有一片薄薄的煙肉和芝士，除咗个醬汁有啲酸之外，整体上不錯。 可惜俾錢時只可以用現金，沒有八達通機，喺今時今日，大部份快餐店都有八達通付款模式，希望店鋪負責人要與時並進，為消費者提供方便。途經皇后像廣場，見對面擺咗座八仙龍船彩灯，陽光下顯得金光燦爛，拍下與食友門分享。