Video
Read full review
2016-04-19
9458 views
BOOK左12點食「相撲手午餐」(即午市放題)，比預定時間早咗少少到，門口已聚集咗約６人。間鋪亦十分準時，12點正開門迎賓。入到去見裝修好靚，柔黃嘅燈光亦非常有情調。接待處附近見到有「米芝連推介食肆2015」，應該幾 咁喎，點知 。味道好坦白講，冇咩係燒得好食。幾本上餐單有嘅野八成都食過，但都係麻麻哋甚至唔好食。唯一欣賞係燒銀鱈魚，肉質好嫩滑亦好juicy，隻銀鱈魚燒汁同條魚嘅味幾夾，就咁食已經十分好味，試過配埋（應該係）沙律醬反而冇咁好食。 聽聞之前銀鱈魚都係任食範圍內，但依家就只限一份。假如佢可以任叫，我會淨係叫燒銀鱈魚，因為其他菜色真係 。喺講 菜色前，講返Ｄ我認為係正常嘅選擇先啦。首先係燒羊架，唔會燒得好"鞋"，可以做到嫩滑多汁，羊騷味唔會過重。其次係燒蝦，隻蝦本身都幾大隻，大蝦用嚟燒就最正，肉質爽口亦有蝦味，但燒烤味太重，食一兩隻已夠。第三已經係熱烏冬同僅限１次嘅刺身（有三文魚，吞拿魚，仲有唔知咩魚每人各一片）=..=，普普通通正正常常咁囉。 嘅實在太多，咁我講重點 啦。出街普通餐廳鋸扒叫七成熟黎十成，叫五成熟黎三成是常識吧？ 估唔到依間米芝連推介食肆
味道
好坦白講，冇咩係燒得好食。幾本上餐單有嘅野八成都食過，但都係麻麻哋甚至唔好食。
唯一欣賞係燒銀鱈魚，肉質好嫩滑亦好juicy，隻銀鱈魚燒汁同條魚嘅味幾夾，就咁食已經十分好味，試過配埋（應該係）沙律醬反而冇咁好食。 聽聞之前銀鱈魚都係任食範圍內，但依家就只限一份。假如佢可以任叫，我會淨係叫燒銀鱈魚，因為其他菜色真係 。
喺講 菜色前，講返Ｄ我認為係正常嘅選擇先啦。首先係燒羊架，唔會燒得好"鞋"，可以做到嫩滑多汁，羊騷味唔會過重。其次係燒蝦，隻蝦本身都幾大隻，大蝦用嚟燒就最正，肉質爽口亦有蝦味，但燒烤味太重，食一兩隻已夠。第三已經係熱烏冬同僅限１次嘅刺身（有三文魚，吞拿魚，仲有唔知咩魚每人各一片）=..=，普普通通正正常常咁囉。
嘅實在太多，咁我講重點 啦。出街普通餐廳鋸扒叫七成熟黎十成，叫五成熟黎三成是常識吧？ 估唔到依間米芝連推介食肆都冇擺脫依種「常識」，點咗燒牛肋骨，侍應問幾成熟我答七成，點知得幾舊嘅中間部份算係七成，極大多數嘅都係十成勁鞋嗰Ｄ。 講開「鞋」，我都唔一個一個咁講佢Ｄ選擇喇，總之其餘Ｄ豬呀雞呀都燒到好鞋，好攞命。
仲有飲品方面，每個人都包一杯飲品，有汽水系列例如可樂、雪碧；亦有「特色飲品」：青蘋果／桃／提子梳打。同行二人有一個同我都叫咗青蘋果梳打，都表示十分難飲，另一個就雪碧。
甜品方面試咗芒果糯米糍同牛乳奶凍。糯米糍裡面有忌廉，幾得意，芒果都算新鮮而且唔酸。牛乳奶凍奶味香濃，質感比食開嘅較硬，較「傑」，反而咁樣更好食。
環境
裝修好靚，柔黃嘅燈光亦非常有情調。座位舒適。亦可能因客人不多，唔會好嘈吵。
服務
侍應有禮，會主動換碟同埋主動加(茶)水。唔小心跌咗餐具亦好迅速同主動咁拎過新嘅比你。
衛生
情況良好，唔見有小昆蟲，洗手間尚算乾淨。唯一不足之處係食材盤會疊上另一堆食材之上，雖然Ｄ食材會拎去燒，但成個盤疊上去好似唔係幾衛生。
總結
真係唔知到底係食材定師傅手勢關係，食物都係麻麻地，好「鞋」又十分油（雖然係燒，但Ｄ油太誇張）。唯一好食嘅銀鱈魚又冇得任食，咁嘅價錢嚟講真係唔抵食。
Post