Catch.

Open Now

Now Closed

呢間澳洲菜餐廳，原本睇佢個餐廳名叫做Catch，以為佢係主打一啲海鮮嘅新鮮食物。但係原來發現佢嘅早午餐係好多人排隊，所以今次只在堂食開返嘅首晚，晚餐時段試吓佢嘅晚餐。Laksa Mussel with Flatbread佢個汁聲稱話係喇沙底，但係食落似係咖喱底多啲，好重薑黃，並冇乜椰汁嘅香味。食青口最緊要係個汁，所以已經有少少失望。不過青口到有清潔好啲雜毛，而且大大粒，食起來都算口感好。佢個份量係好多嘅！Spicy Crab Pasta呢個就係紅爆網上媒體嘅相片，大家都幾乎會擺上網見到嘅。佢個特別之處就係佢個蟹殼。整碟意粉都帶有一茄茄嘅蟹肉，啖啖肉，所以個汁食落特別鮮甜，仲帶有幾分辣勁，特別惹味。個汁都幾好味不過我覺得會比較配襯一啲粗嘅意粉。個薯條就冇乜特別冇調味，而且個醬汁亦都係冇乜誠意嘅普通一個蛋黃醬。連埋飲品兩個人買單都要五百幾蚊，有啲唔抵。