Cucina

為咗慶祝生日，專登想搵間有海景嘅餐廳🤤 因為有人鐘意食生壕，就揀咗呢間有得任食生壕嘅餐廳啦~~~呢度weekend嗰陣先會有Semi buffet lucnh，頭盤同甜品係自助同任拎，主菜就每人一款~~~可惜嗰日天氣唔好，落緊大雨，個維港景變得矇查查😭😭頭盤有凍海鮮，包括生壕、龍蝦、青口、凍蝦等等都係任食，生壕係法國fine de claire嘅，creamy有海水味，正！師傅都洗得乾淨冇壕碎，係略嫌細隻咗少少姐🙈 其他海鮮就正正常常，不過不失啦。其餘頭盤仲有沙律、麵包、湯、芝士同pama ham等等，不過我地都係主要食凍海鮮🤤 仲有每人一客嘅鵝肝漢堡，鵝肝煎得啱啱好，肥美有油香，好食！可惜呢個冇得encore😢主菜我揀咗慢煮牛面頰，成嚿牛都燉到好淋好入味，係舖喺底嘅配菜一啲都唔好食😂😂😂喺book位嘅時候，因為有request到生日蛋糕，waiter好好人咁幫我地點蠟燭同幫我哋影相，服務態度一流！個蛋糕細細個，好食得嚟又唔使食滯咗🤤