胡爐 (Closed)

經常黎尖沙咀食野,H8好近MTR又好野食。呢間胡爐仲要有半放題,我叫左個黑白胡椒卜卜蜆銅,可以食晒D蜆,同埋飲一碗湯先,然後店員會加湯比客人打邊爐。呢個餐跟時令海鮮拼盤,有海蝦、元貝同埋鮑魚、手工丸餃拼盤就有黑松露墨魚丸,好香好濃既黑松露味,手打蝦丸有啖啖既蝦味、芝心丸、鮮蝦雲吞、帶子餃同魚皮餃都好正!呢D丸都係海鮮,好味道。而牛拼盤同樣高質,有澳洲和牛、牛舌蕊、黑毛豬豚肉,份量唔多但勝在夠精美。跟住我就用QR CODE點任食既野,有生菜、肥牛、支竹、牛柏葉等,好抵食!粟米仲係鮮甜添!我加38蚊任飲汽水啤酒,咁既質素、環境,咁既價,抵!