新城潮州飯店

Open Now

Now Closed

自宋皇臺站開通後，B3出口行幾步就到嘅老字號「新城潮州飯店」（應該有差不多30年）真心性價比好高 ！門口是長這樣子的，一邊係潮州菜，一邊係茶餐廳，但其實兩邊都係可以食鹵水鵝架啦！九龍城嘅老字號，門面自然就有股懷舊氣息，咁先有風味嘛哈哈！努力切鹵水鵝的師傅，可以咁樣睇清楚D添！炸黃魚，個人就唔鐘意呢啲傳統油炸食物了。墻上有menu，基本潮州菜必備嘅一應俱全。上湯魚麵（$58）：最最最極力推介！鯪魚肉整嘅魚麵非常鮮味彈牙，豬骨湯同豬肉碎都好清甜，簡直令人一般食、一邊讚「好好味啊」！鹵水鵝片（$118）個人覺得鵝片還可以，最好味係花生浸咗鹵水汁後嘅香氣。鮮咸菜豬肚湯（$88/窩）食得出用料好新鮮，咸菜只係相對醃製左較短時間，健康D少少鹹味都不錯！韭菜豬紅（$48）味道偏鹹反沙芋頭（$88）好正宗、糖皮酥脆唔黏口。