Video
Read full review
2023-05-02
796 views
舊年同朋友幫襯過沙華dee泰，雖然係到會，但同場朋友一致讚好。到今年話開舖，朋友相約去吃，今次真係一試難忘。首先利申﹕我地都係鏡粉同錯粉嚟，但係今次真係乜粉都幫唔到。原本預約七點，食之前果日，朋友話舖頭希望我地改早半個鐘，理由係「有人book七點」當時大家已奇怪，有人book七點，同叫我地改早關係響邊？唔會係想我地食半個鐘嘛？後來大家諗，可能想做兩轉啩？比起預約還早到達，約六點半度未齊人，被告知用膳時間為90分鐘，明白的，於是快快透過qr code落單，酒精特飲(醉九鳥，menu圖右下角)在餐單上有五款，order餐單得兩款，無問題，照落。拼盤﹕牛雞各兩串，有朋友吃了雞，說﹕係咪蝦嚟？的確，雞有雞味牛有牛味原來有意思，真係食唔出係雞。馬拉盞炒菜﹕有朋友話太濕，我覺得普通一碟炒菜。蟹肉炒飯﹕淡，無味，無味指真係唔知放咗咩入口。生菜包及生蝦刺身﹕全晚最好味咸食，不過生菜多番少少好啲。泰式明爐魚﹕魚都滑，之但係啲湯底係暖，試過食第間，係會滾。冬蔭公湯一定要講…點解冬蔭公湯會係甜？你無睇錯，真係糖水果隻甜咁，好彩我地叫一煲。肉碎蝦膏炒河﹕較炒飯好，正常味道。斑蘭糕同椰汁西米糕係最好味甜品。(有
首先利申﹕我地都係鏡粉同錯粉嚟，但係今次真係乜粉都幫唔到。
原本預約七點，食之前果日，朋友話舖頭希望我地改早半個鐘，理由係「有人book七點」當時大家已奇怪，有人book七點，同叫我地改早關係響邊？唔會係想我地食半個鐘嘛？後來大家諗，可能想做兩轉啩？
比起預約還早到達，約六點半度未齊人，被告知用膳時間為90分鐘，明白的，於是快快透過qr code落單，酒精特飲(醉九鳥，menu圖右下角)在餐單上有五款，order餐單得兩款，無問題，照落。
拼盤﹕牛雞各兩串，有朋友吃了雞，說﹕係咪蝦嚟？的確，雞有雞味牛有牛味原來有意思，真係食唔出係雞。
馬拉盞炒菜﹕有朋友話太濕，我覺得普通一碟炒菜。蟹肉炒飯﹕淡，無味，無味指真係唔知放咗咩入口。
生菜包及生蝦刺身﹕全晚最好味咸食，不過生菜多番少少好啲。
泰式明爐魚﹕魚都滑，之但係啲湯底係暖，試過食第間，係會滾。
冬蔭公湯一定要講…點解冬蔭公湯會係甜？你無睇錯，真係糖水果隻甜咁，好彩我地叫一煲。
肉碎蝦膏炒河﹕較炒飯好，正常味道。
斑蘭糕同椰汁西米糕係最好味甜品。(有命案飛尾送)
再加的椰汁西米露又有小故事，qr code落單是有的(MENU亦有印的)，落單後朋友去洗手間，聽到侍應A話﹕「椰汁西米露點整？」侍應B話﹕「唔知吖！同客講賣晒啦！」芒果糯米飯…唔係想講前事，但係芒果糯米飯響到會時，朋友話過係招牌，果時叫差不多一人叫一個，今次叫咗一個，但…係食剩，紫米有朋友食到(了到中間)未熟。
中間仲有啲小故事，雖然我無打算再去食，但講埋應該會俾其他粉追殺。我真心希望泰九鳥能夠提升番(起碼食物)水準，費用方面，有人係王勁會員有折，所以每人洗費不高，但幾平都好…真心不了。
Other Info. :
到埋單，為方便當然碌卡，當時係侍應攞住部機，我俾咗張卡繼續同朋友傾計，轉頭佢剩俾張單我(碌卡單，剩顯示卡同收錢資料果張) ，我當時無為意收咗，(而侍應無講嘢剩俾番張單我)，到收完朋友錢，忽然發現張卡呢？我驚自己烏龍，再搵下銀包，的確無，於是問侍應，其他侍應有幫手望，攞住部機個侍應轉頭攞番張卡俾我，另一侍應俾番有詳細資料o既單俾我(食物吖，每樣幾錢果張)，亦係乜都無講。
事後諗番，一般都係連卡連單俾，假如果日我地埋完單即走，我咪無咗張卡？再者講句「唔好意思」請問係咪真係咁難？當然如果我話驚你攞我張卡唔知做乜當係諗多咗。
(The above review is the personal opinion of a user which does not represent OpenRice's point of view.)
Post
