Video
Read full review
2024-12-15
1119 views
噚日（14-12-2024 Sat），同老公忙到傍晚，佢話出信和行兼食飯，好啦，去邊喥食？我就諗到呢間，唔知多唔多人等位呢？我哋嚟到，原來好細間，而都重有位，坐低後睇menu，一頁睇晒。見到有未食過嘅火山骨就覺得要叫，然後見有沙爹串燒，我search過，話呢喥嘅沙爹醬幾濃，於是又要。嘢飲呢，老公手揀$22.00嘅菠蘿汁，我想要$52.00嘅香茅班蘭茶，但話售罄，於是要$48.00嘅翠綠湖。咁嘢食全部都係肉，就要叫個菜喇，原本想要$72.00嘅介蘭，但篤入去睇又話售罄，唯有揀$88.00嘅雜菜，而我因為有杯嘢有可以解辣嘅鮮奶成份，所以揀辣嘅馬拉盞。落完單，最先到嚟嘅就係兩杯嘢飲，老公一飲自己杯菠蘿汁就話好飲，但我一啖都未飲過。我杯翠綠湖呢？成份有椰奶，鮮奶同斑蘭，拎到嚟睇，特別有深綠色嘅液體沉喺底，飲吓，係斑蘭糖漿，完全冇攪勻過就上枱，攪勻咗味道就唔太甜又有椰子味，ok嘅。4.5分馬拉盞炒雜菜份量少得可憐，種類有西蘭花，芥菜苗（？）同菇，口感正常，而呢個都係辣，馬拉盞味道好似唔係好突出。4分$82.00嘅沙爹串燒，揀雞，牛各3串睇見份量同樣唔多，又有啲白色醬淋喺面上，先食雞肉同唔蘸沙爹醬
我哋嚟到，原來好細間，而都重有位，坐低後睇menu，
一頁睇晒。
見到有未食過嘅火山骨就覺得要叫，然後見有沙爹串燒，我search過，話呢喥嘅沙爹醬幾濃，於是又要。
嘢飲呢，老公手揀$22.00嘅菠蘿汁，我想要$52.00嘅香茅班蘭茶，但話售罄，於是要$48.00嘅翠綠湖。
咁嘢食全部都係肉，就要叫個菜喇，原本想要$72.00嘅介蘭，但篤入去睇又話售罄，唯有揀$88.00嘅雜菜，而我因為有杯嘢有可以解辣嘅鮮奶成份，所以揀辣嘅馬拉盞。
落完單，最先到嚟嘅就係兩杯嘢飲，
老公一飲自己杯菠蘿汁就話好飲，但我一啖都未飲過。
我杯翠綠湖呢？成份有椰奶，鮮奶同斑蘭，拎到嚟睇，特別有深綠色嘅液體沉喺底，飲吓，係斑蘭糖漿，完全冇攪勻過就上枱，攪勻咗味道就唔太甜又有椰子味，
ok嘅。
4.5分
馬拉盞炒雜菜
馬拉盞炒雜菜
$88
25 views
0 likes
0 comments
份量少得可憐，種類有西蘭花，芥菜苗（？）同菇，口感正常，而呢個都係辣，馬拉盞味道好似唔係好突出。
4分
$82.00嘅沙爹串燒，揀雞，牛各3串
睇見份量同樣唔多，又有啲白色醬淋喺面上，先食雞肉同唔蘸沙爹醬，都仍算juicy亦夠味，
再蘸沙爹醬食，有香味但完全唔辣，令我失望。
而牛肉就有少少筋，亦係juicy同夠味。
3.5分
$132.00嘅細火山骨
呢個比較耐至到，見到淋上唔少青色嘅粒粒，係咩嚟呢？食落，係辣嘅青檸味，呢種酸辣係可以，不過同馬拉盞炒雜菜一樣，對我嚟講辣，然而火山骨本身仍有肉味，不過有啲肉係嚡咗啲。
4.5分
環境：
一入到去，原來地方唔大，一眼睇晒，但枱興枱之間嘅空間係好夠。
而呢晚都幾涼吓，冷氣開得大。
價錢：
有加一服務費，即任單係$409.00。
Post
