Video
2-min walk from Exit A2, Yau Ma Tei MTR Station
continue reading
Telephone
29899298
29899093
Introduction
This Thai restaurant features yellow and blue colours to create a young and stylish style. The menu is diverse and offers a lot of spicy food. You can enjoy meals in an indoor or outdoor area.
continue reading
Opening Hours
Today
12:00 - 23:00
Mon - Sun
12:00 - 23:00
Public Holiday
12:00 - 23:00
Public Holiday Eve
12:00 - 23:00
Above information is for reference only. Please check details with the restaurant.
-
Online Booking Service Not Available
Offers
噚日（14-12-2024 Sat），同老公忙到傍晚，佢話出信和行兼食飯，好啦，去邊喥食？我就諗到呢間，唔知多唔多人等位呢？我哋嚟到，原來好細間，而都重有位，坐低後睇menu，一頁睇晒。見到有未食過嘅火山骨就覺得要叫，然後見有沙爹串燒，我search過，話呢喥嘅沙爹醬幾濃，於是又要。嘢飲呢，老公手揀$22.00嘅菠蘿汁，我想要$52.00嘅香茅班蘭茶，但話售罄，於是要$48.00嘅翠綠湖。咁嘢食全部都係肉，就要叫個菜喇，原本想要$72.00嘅介蘭，但篤入去睇又話售罄，唯有揀$88.00嘅雜菜，而我因為有杯嘢有可以解辣嘅鮮奶成份，所以揀辣嘅馬拉盞。落完單，最先到嚟嘅就係兩杯嘢飲，老公一飲自己杯菠蘿汁就話好飲，但我一啖都未飲過。我杯翠綠湖呢？成份有椰奶，鮮奶同斑蘭，拎到嚟睇，特別有深綠色嘅液體沉喺底，飲吓，係斑蘭糖漿，完全冇攪勻過就上枱，攪勻咗味道就唔太甜又有椰子味，ok嘅。4.5分馬拉盞炒雜菜份量少得可憐，種類有西蘭花，芥菜苗（？）同菇，口感正常，而呢個都係辣，馬拉盞味道好似唔係好突出。4分$82.00嘅沙爹串燒，揀雞，牛各3串睇見份量同樣唔多，又有啲白色醬淋喺面上，先食雞肉同唔蘸沙爹醬，都仍算juicy亦夠味，再蘸沙爹醬食，有香味但完全唔辣，令我失望。而牛肉就有少少筋，亦係juicy同夠味。3.5分$132.00嘅細火山骨呢個比較耐至到，見到淋上唔少青色嘅粒粒，係咩嚟呢？食落，係辣嘅青檸味，呢種酸辣係可以，不過同馬拉盞炒雜菜一樣，對我嚟講辣，然而火山骨本身仍有肉味，不過有啲肉係嚡咗啲。4.5分環境：一入到去，原來地方唔大，一眼睇晒，但枱興枱之間嘅空間係好夠。而呢晚都幾涼吓，冷氣開得大。價錢：有加一服務費，即任單係$409.00。
continue reading
位於油麻地譽發廣場4樓既呢間泰國菜餐廳🇹🇭裝修以黃色為主💛氣氛超級sharp醒！佈置帶有東南亞民族風情，好適合打卡影相📸店名呢個名亦都充滿玩味，成件事感覺好青春好有趣🤭打開menu，食物選擇多，包括冷/熱盤前菜、飯麵、咖喱、菜類、主食、湯、甜品等等～用QR Code落單，好方便！❥ 蟹肉炒飯 $108份量好充足‼️蟹肉食落鮮甜爽口😚另外仲配上炸蟹鉗🥰炒飯好夠穫氣😍粒粒分明夠乾爽👌😋每啖食到炒飯之餘都食到蟹肉，好滿足！❥ 燒春雞 $178好大隻春雞🐓雞皮脆卜卜，雞肉嫩滑仲有勁多肉汁，食落好juicy✨配埋酸酸辣辣既醬汁，更加有風味！❥ 燒豬頸肉 $82豬頸肉份量好多🤩肉邊有少少焦，燒得岩岩好，有好香既炭燒味 😛🔥食落多肉汁，唔會太乾或者韌😋配埋微酸既醬汁，惹味之餘又可減輕油膩感～❥ 芒果糯米飯 $78雙色糯米飯即叫即製，口感軟糯，配埋椰漿一齊食，好香口🍚芒果肉厚多汁，份量多🥭食落夠清甜！❥ 龍眼冰 $38清甜解渴，仲有唔少龍眼果肉食，正👍❥ 泰式奶茶（凍）$38口感順滑，茶味好香濃，唔會太甜💕
continue reading
位於油蔴地及旺角交界的這間由藝人開的泰菜都經營了一段時間，選址方便所以週六晚來食晚餐。餐廳面積偏細，一眼就望完，打算來用餐的建議先訂位，檯數少walk in未必有機。餐廳的裝修鮮豔搶眼，並使用類似藤椅的凳，營造簡單的泰式風情。首先上菜的是沙嗲串燒($82)，豬、牛、雞肉都是軟淋的又熱辣辣，沾上美味的沙嗲醬都不錯。泰式蝦炒金邊粉($88)有點太濕，以致金邊粉的質感偏淋爛，味道上還好。在泰國的遊客區不難見到這道很受遊客歡迎的招牌火山骨(豬脊骨)(細)($132)，今次還是我第一次吃。細版有三條骨，其實是我們用來煲湯的豬骨，菜式附有刀叉但其實是很難就這樣用餐具切開的，不論是肉質還是豬的結構，建議直接用手拿著食。火山骨主要是靠酸酸辣辣的調味，也有一定的辣勁，而豬骨不是做的很夠淋，吃起來特別是骨與骨之間的軟骨讓是硬的需要放棄，因此也浪費了不少；這道菜式沒有甚麼特別，也不算做得好，不太建議。雜菜($88)是濃味的，有幾款蔬菜在裡面感覺豐富一點。最後我們還點了一客菠蘿海鮮炒飯($128)。炒飯的調味適中，有青口、蝦仁和魷魚在裡面，加上菠蘿的香甜令人一口接一口的吃，唯獨份量偏細一點。總括來說以味道來說價錢則進取了點，不過也不差的，但要一提的是這裡的服務態度。餐廳面積細，門口有一個所謂的reception坐著低頭專心做自己的事，有客人來也不會理會，直至客人主動說出自己的預約。用餐期間留意到餐廳好像沒有「正式」的樓面：該名reception看看心情有時候會在餐廳裡「散步」，收三兩隻客人食完的碟，收完再坐回座位，而其他出菜和主要的收碟、回應客人的要求等都是在廚房進出的員工，而他們長時間都在廚房裡，若客人有任何需求其實都要趁著他們出來的一刻提出，實在困難。因此，在這裡用餐好像是半自助式的似，亦當然需要收取加一服務費啦，強烈建議改善一下。離開時見到lunch menu都吸引，可考慮一試，但晚市就未必會再來了。
continue reading
餐廳一入去充滿異國風情味🤩菜式多選擇，好吸引😋老闆娘超友善，餐廳服務態度好好，好有水準😍真心推介俾大家🥰餐廳成日會爆滿，記得過嚟前預約😌鮮胡椒豬肚包雞煲 $328超特別有驚喜😍老闆娘親自諗出嚟嘅雞煲，一塊完整嘅豬肚包住成隻雞😱鮮胡椒香氣和豬肚嘅滑嫩口感好夾，雞肉鮮嫩多汁👍🏻湯底濃郁，忍唔住飲埋啲湯🙂↕️仲有好多白果、蘿蔔、粟米、紅棗做配料🙌🏻正，冬天食暖笠笠秋葵生菜包 (豬肉) $88秋葵豬肉生菜包第一次食😋食到秋葵清脆嘅口感，加上少少辣嘅豬肉好鮮美，新鮮生菜包住豬肉一齊食口感豐富😳感覺清新且不油膩，是一道健康的選擇🤩蟹肉炒飯 $108超級多蟹肉‼️大大啖，又新鮮💯份量好足夠，炒飯炒得有鑊氣，米粒分明，食落好香口，仲鋪滿蟹籽😋好有口感，味道豐富椰汁西米糕 5件 $38西米糕清甜可口，椰汁香氣濃郁，西米口感Q彈😆啱晒做結尾👅📍油麻地彌敦道560號譽發廣場4樓
continue reading
諗住好評咁多點知又伏，最伏係個男員工，態度差到爆，超級無禮貌。成個用餐體驗令人超級失望。一進門都冇人理會，前台根本沒人招待，諗住入去望下有冇人，先見到有個店員行出嚟，態度超差，指示住出返門口，感覺好似趕我地出去，完全沒有基本的服務態度。等食物的時間倒是還可以，但端上來之後真的很普通。香草肉碎的味道沒甚麼味道，完全吃不出泰國菜應有的香氣。雞蛋煎都ok。整道菜吃起來感覺很單調，調味也沒有層次。埋單個陣問佢有咩payment嘅方式，個男員工都好不耐煩。這次的用餐經歷讓人十分失望，服務態度差已經影響了第一印象，食物的表現也未能挽回局面。以這樣的服務和食物質素來說，餐廳的性價比極低。如果餐廳希望能吸引更多顧客，必須從服務態度到菜式質量全面改進，否則實在難以推薦。
continue reading