新記冰室

Open Now

Now Closed

噚日（23-1-2021 Sat）同老公去如心酒店前食個晏，原本想去荳子，但人多，而呢間冇咁多人，於是試呢間，我哋等6張枱都等咗25分鐘，入到去，原來得9張枱，唔怪得要等咁耐，由於我哋睇定要咩嘢食就即嗌。我哋要咗$60.00嘅卜卜蜆湯烏冬，熱檸茶，同$53.00嘅芝士汁豬頸肉煎蛋撈公仔麵，同熱奶茶。嘢飲到嚟，熱奶茶順滑，唔澀。芝士汁豬頸肉煎蛋撈公仔麵好快到嚟，睇見芝士幾厚，蛋唔太流心;豬頸肉爽口彈牙，重要有燒香過，好好味，份量重唔少;而原本驚芝士唔夠，公仔麵就冇味，但原來唔係，係好夠，食到最後都仍沾滿。卜卜蜆湯烏冬就耐啲到，一上枱已經嗅到蜆嘅香味，食吓，啲蜆又鮮甜，又嫩滑，而且都唔少，好正;不過都食到蒜頭味，淡湯都正。