Mokumoku Yakiton (永光商業大廈)

Open Now

Now Closed

朋友仔介紹過呢間串燒店😀話佢哋好食得來又唔會太貴，佈置靚同日本冇太大分別，有居酒屋格調。一坐低職員已經拎咗蒜子蕃茄沙律俾我哋，上面嘅孫子係精粹平時食嗰啲蕃茄，有少少辣辣地嘅感覺，好好食！佢哋個汁我用咗嚟點串燒🙈更加好食。芥辣八爪魚份量合適有咬口。食日本餐一定要有刺身，赤蝦、三文魚、帶子，赤蝦好大隻成條啖啖肉非常新鮮。佢哋嘅煎三文魚頭好食，因為炸得透所以有啲骨都可以食埋，側邊有啲魚肉，都幾香滑。雞軟骨油脂香十足，用嚟送啤酒真係一流！唔少得雞翼，佢哋嘅雞皮燒至香脆，火候剛剛好裏面仲係好滑，非常推介雞翼！豚肉秋葵我都非常推介，豚肉本身有啲脂肪，包住秋葵拎去燒，豚肉嘅油脂滲出來，配上健康嘅秋葵，感覺唔錯。