Amina Modern European (Closed)

最近工作繁忙，生意多到不得了。忙忙碌碌的工作，快被壓到透不過氣。每次工作辛苦的時候，我都會找間好餐廳慰勞一下自己。今天便與姐姐來到Amina吃fine dining啦。我們來過好幾次，每次都吃得好滿意。三月又有新餐單，所以我們又預約啦。先有餐廳的自家製麵包，有蕃茄香草、芝士薄脆和軟包。麵包自身已經好好食，再塗上杏脯牛油🧈，更有香氣呀。鵝肝凍的造型好特別，用麝香啫喱和竹炭脆片襯托，軟、彈、脆結集，好有層次感。三月新菜單之中，最推介是牛肝菌忌廉湯及羊肚清湯。不論濃湯和清湯都一樣有驚喜，又濃又香又滑，正。慢煮牛肋條布里歐，好有童話感覺。麵包底下是牛肋肉和花膠，旁邊的紅蘿蔔是橙汁味，好特別。西班牙豬柳有三塊，全部慢煮，肉質好軟熟，煮得不錯。特級西冷，面層有好多蕃茄碎，解膩又提鮮。旁邊的芥末籽薯仔卷，好少見😳，薯仔控更愛呀。最後到甜品，有酥皮柚子忌廉和自家製朱古力。又凍又酥又軟，好得我歡心。