上海佬餐館 (Closed)

今日夜晚去左上海佬食開年飯，老闆比錢，我地哽係要比面啦。公司total 30個同事去，坐房，好熱鬧。因為實在太多餸，所以我就揀我覺得好食果D出來講下。第一樣 葱油海蜇頭呢個葱油海蜇頭真係好脆好爽口同埋好滑，加上小小蔥花，我一邊飲茶一邊食，唔驚唔覺一個人食着半碗海蜇頭，唔好意思阿。 第二樣 小籠包老闆叫左每圍3籠。我發現佢地整嘅小籠包入面好多汁，雖然D皮好薄，算OKAY。 第三樣 酥炸排骨菜飯 我好鍾意食排骨，呢都果D都唔錯,不過唔記得影相.. 第四樣 梅菜千層肉配火方餅 呢個係我全場至愛，超正阿，梅菜一D都唔鹹，因為我唔係幾鍾意食咸嘅野，千層肉唔會好肥，又唔會好瘦， 送飯簡直係一流。同事都食好幾滋味下。 第五樣 黃金高力流沙球 食飽之後就咁係要有甜品啦，呢個個様黃黃地，好Q好得意，上面又有好用糖呀，勁好食，入邊嘅豆沙軟軟香香，同啲糖搭配一齊食簡直係正到爆，食完之後再加多一碗酒釀圓子，今年就一定可以開工大吉啦，哈哈哈哈。。。。。 今日真係滿足呀，老闆果然係食家，以唯一係唔太容易搵，後尾同事打比我話係果棟紅色building我先知。公司請，所以唔知道價錢，好似$4000 一圍到。