Video
Read full review
2010-01-23
3 views
要於限定的時間內搵倒一間適合與友人慶祝生日既地方食飯真係一D都唔容易, 好彩LEE個網站可以收窄搜尋範圍, 最後我選擇咗LEE間雖然只有16個食評但全是好評的"御宮日本料理"正如食評人所講, 餐廳內既客人真係一D都唔算多, 但係食物質素及服務態度都很有水準先講菜式...(是日柯打菜式如下...但並未盡錄, 因為有D菜式唔記得影底所以忘記咗)廚師推介的"海膽炒飯"魚皮燒得脆卜卜的"鹽燒青魚" & "多春魚"沒有竹籤串著的"竹串三文魚壽司" (但賣相依然一留, 仲好好味添)各款火炙壽司及手卷 (超肥美又新鮮)酒味香濃的"酒煮蜆" (我哋連湯都飲埋)凍食味濃的"花螺" (唔好以為佢細細個碗載住, 其實都有好多粒花螺架啦)得奬菜-"健康三文魚, 牛油果, 日本紫心蕃薯沙律" (LEE個較為清淡, 真係好沙律FEEL)一板海膽 (尚算新鮮且肥美)贈送一份精美且特式的甜品"意大利雲吞配朱古力蛋糕" (給壽星仔/女ONLY~但朱古力雪糕超讚)跟住係服務態度. 不得不讚一吓各侍應及經理都非常有待客之道及細心(大概受了劉華的感染)特讚一:一行七人到餐廳食晚飯, 其中兩位有事外出一陣, 侍應將我兩位友人的
正如食評人所講, 餐廳內既客人真係一D都唔算多, 但係食物質素及服務態度都很有水準
先講菜式...(是日柯打菜式如下...但並未盡錄, 因為有D菜式唔記得影底所以忘記咗)
廚師推介的"海膽炒飯"
魚皮燒得脆卜卜的"鹽燒青魚" & "多春魚"
沒有竹籤串著的"竹串三文魚壽司" (但賣相依然一留, 仲好好味添)
各款火炙壽司及手卷 (超肥美又新鮮)
酒味香濃的"酒煮蜆" (我哋連湯都飲埋)
凍食味濃的"花螺" (唔好以為佢細細個碗載住, 其實都有好多粒花螺架啦)
得奬菜-"健康三文魚, 牛油果, 日本紫心蕃薯沙律" (LEE個較為清淡, 真係好沙律FEEL)
一板海膽 (尚算新鮮且肥美)
贈送一份精美且特式的甜品"意大利雲吞配朱古力蛋糕" (給壽星仔/女ONLY~但朱古力雪糕超讚)
跟住係服務態度. 不得不讚一吓各侍應及經理都非常有待客之道及細心(大概受了劉華的感染)
特讚一:一行七人到餐廳食晚飯, 其中兩位有事外出一陣, 侍應將我兩位友人的熱茶收走了, 換上一個新杯子, 原來係要等兩位友人回來時再斟一杯熬茶(GOOD)
特讚二:經理見我哋嚮到影相自娛, 竟自動上前問我哋要唔要來一張大合照(VERY GOOD)
特讚三:其實我於訂座前只說有友人生日, 但冇講邊位, 但到晚餐尾升, 經理/侍應們還未收倒我的SIGNAL, 就已主動地清理好枱面, 將那份特式甜品送到壽星女面前, 還跟我哋一起唱生日歌(不過我由頭到尾都冇提過壽星女係邊個) (WELL DONE)
LEE餐飯我哋各人都食得好開心, 最開心係...食咗咁多嘢(飽都飛起), 除埋壽星女嗰份埋單每人都唔洗200百(因為冇加一服務費)
我從來都唔會嚮OPENRICE寫食評, 因為要登記做會員好麻煩, 不過我真係好想讚吓LEE間餐廳, 亦希望佢可以努力經營下去, 所以就獻上我的第一次了...嘻嘻
Post
