ZENTRO (Closed)

今日喺上環放工，超肚餓，就喺威靈頓街度揾餐廳食飯。上咗呢間zentro，呢間餐廳主打用備長炭嚟整串燒，原來備長炭有淨化空氣嘅功能～環境幾雅致，座位都幾多，空間咁闊落。我哋兩個人食到好飽飽，超滿足。而家等我逐一介紹邊樣野係一定試㗎啦！前菜就叫咗一碗蘑菇湯，超級creamy，仲有少少黑松露味，超級足料！如果鍾意飲蘑菇湯一定要試！仲有我嘅至愛鵝肝多士，鵝肝入口軟滑，多士超級鬆脆！真係諗起都流晒口水，好想再食啊！主菜就叫咗蟹肉意粉同黑松露帶子意大利飯，份量都好多。蟹肉意粉超多蟹肉！其實佢本身係長通粉，不過咁岩冇晒，所以轉咗做意粉。黑松露帶子意大利飯，啲飯外軟內韌，超creamy! 帶子都好大粒，超厚肉，仲有成三粒咁多！！仲有呢個澳洲頂級安格斯腹心肉，肉質鮮嫩，最正嘅係佢個醬汁！串燒我哋就叫咗雞腎、白鱔同雞肉！串燒嘅份量唔會好多，唔會好飽肚～ 雞腎爽脆香口。白鱔肉質細嫩，好厚身，好多汁(我自己本身超鍾意食鱔，所以一定要食盡周圍嘅白鱔串，呢度嘅白鱔真係值得一試！）、雞肉都幾大塊，上面搽嘅醬汁味道好match！服務員態度有禮，我地超級肚餓，上菜速度超快，值得一讚！