倫記軟滑腸粉

Open Now

Now Closed

澳門來回船票賣百多元，即刻來個快閃半天遊，一邊坐船，一邊上網搜尋美食，找到這個倫記軟滑腸粉。店子很小，只有不足十個坐位，到達時坐滿了人，正在猶疑要不要等時，剛好有人離開，可以即刻入去坐。點了蔥花蛋腸粉$33 ，腸粉是現點現做的，好奇去看看師傅如何製作，正好看到他把兩隻雞蛋搞勻，倒在蒸爐上的粉醬上。不一會，師傅從爐上取出承載蒸粉的布塊，小心奕奕地把粉片完整地刮下來，然後在鋼板枱面上卷成條狀，再切開一段段，蔥花蛋腸粉就完成了，無論堂食或外賣都係用發泡膠盒裝，很不環保哦......金黃色的蛋皮有點青綠色蔥花，顏色吸引，腸粉呈透明，口感軟滑QQ而味淡，沒有米香。 枱上面有齊醬油、麻醬、甜醬和辣醬，可醮混醬以補不足。見隣枱的蝦米腸好香，又點了一個蔥花蝦米腸 $26。師傅手法純熟，落米漿、下配料、稍稍蒸焗、取布刮出、卷成條狀再切成段，一氣呵成。蝦米腸呈白色有米香，加上蝦米蔥花的鮮香，聞到都流口水，入口軟滑味美，加唔加醬都好食。

Fatbrown 係腸粉狂，有時早餐唔想食麵包就會去買份腸粉，港式腸粉一定要撈麻醬、甜醬同豉油，呢個配搭真係冇得輸今次嚟到澳門，就要轉下口味試吓澳門嘅特色腸粉-倫記軟滑腸粉<蔥花蛋腸粉$33 >蔥花蛋腸粉係倫記嘅招牌，即叫即整夠新鮮師傅真係係個鐵板上面即刻卷，然後再切開細份上，製作過程非常透明腸粉外面都裹住一個蛋皮，蛋皮面有小小嘅蔥花，枱上面有齊咁多隻醬料，食客可以根據自己嘅喜好自由添加Fatbrown 急不及待即刻食一啖腸粉，腸粉好淋身同香港嘅完全唔一樣，完全唔使用力咬就可以吞落肚，口感真係好得意Fatbrown 一開始完全食唔停，一口接着一口咁係咁食，食到中間就開始覺得有D厭，始終味道太過單一，好容易食厭，所以建議幾個朋友仔share 一份岩岩好

去了澳門很多次但也沒吃過倫記，今次終於有機會來試試看🙌🏻倫記店內不大，但店主非常熱情，他們家腸粉即叫即做，邊等可以邊看他們的布拉腸製作方法，但價錢貴了點😂大熱的蔥花雞蛋腸 (HKD33)，外層被雞蛋包著成金黃色，看起來好好吃，但完全吃不到蛋味😂值得一讚的是腸粉質感非常軟滑，有米香！但個人更喜歡不是大熱的牛肉腸 (HKD25)。

之前興到嚟香港嘅蔥花雞蛋腸，嚟到就特登搵嚟試下。間餐廳好細一間，老闆會即場收到order就會開始拉腸粉。蔥花雞蛋腸呢度嘅招牌菜嚟，就點咗一份。望住老闆拉嘅時間就覺得應該好好食，但可能期望太高了，岀到嚟成名就冇我想像中嘅味道岀現。完全冇雞蛋味，係要靠佢啲醬汁嚟調味，毫無特別的腸粉。。。

雖然去過澳門好多次，不過真係第一次食呢間腸粉。店內座位唔多，只有3張枱。我同朋友中午左右去到，好彩當時店內只有4個人，否則就要等位lu~~腸粉種類都幾多，除左傳統既叉燒腸、牛肉腸、豬潤腸⋯⋯仲有新款腸粉：黑松露鮮蝦腸👍🏼初黎報到，緊係試左招牌菜先啦🤤葱花雞蛋腸粉($33)非常推薦👍🏼👍🏼👍🏼非常軟滑，又夠薄身，而且有淡淡雞蛋香，我同朋友都忍唔住講左句：真係唔錯喎！☺️不過食腸粉緊係要加醬啦！店內有豉油、甜醬同花生醬任加！正！下次再去澳門一定會再試其他腸，用心製作既小店！

去澳門食腸粉緊係食最近好紅既 #倫記 腸粉😎 假日排隊等了40分鐘😱 可惜沒有預期的高質😓-最出名既蔥花雞蛋腸呈黃色🥚 賣相的確好靚👍🏻 腸粉十分薄身😋 食落濕潤軟綿🤤 比 #合益泰 的好😏 可惜食唔出蛋味😳 而且裡面無餡🤔 其實最後都係靠甜醬麻醬吊味🙄 反而蝦米腸都有少少味😅 價錢黎講個人覺得相當貴😓 如果要排長龍食就是不值得呢🤔#蔥花雞蛋腸 ($33)#蔥花蝦米腸 ($26)📍澳門沙梨頭沙欄仔街26號泉彩樓地下B號舖👉🏻營業時間: 上午7點至下午1點

「倫記」以即拉即製的腸粉而出名，於香港即叫即蒸布拉腸粉已買少見少了；而且加雞蛋這個配搭更是前所未見。一場來到當然要品嚐一下這裡的招牌「蔥花雞蛋腸粉」！每一份都是現點現做，需要時間等待。老闆手法純熟，用刮板將腸粉刮下來，捲起再切段即完成。腸粉顏色鮮豔奪目，整條腸粉都是鮮黃色，賣相非常吸引。每一條都很飽滿，入口有淡淡蛋香，還有清新的蔥香味。腸粉口感軟嫩，而且十分彈牙滑溜，每一口都是大滿足！醬料是自己加的，桌上有醬油、麻醬、甜醬和辣醬可供使用。

探店前喺網上見到YouTuber話正，心諗有機會過大海一定要嚟一試‼咁啱冇耐就心思思搞咗個澳門春遊，又咁啱行開大三巴附近search有咩食，見到Google Map話行過去先10分鐘路程，梗係去馬啦🤗事實係…大三巴行過去雖然唔算遠但係有啲隔涉，急急腳都真係行足10mins🤐去到已經夜晚7點幾，見到“吓，鋪頭冇人嘅”，膽粗粗入去嗌咗幾聲阿叔先出嚟蔥花雞蛋腸 $33阿叔十分嫻熟咁鋪布倒粉漿打蛋撒蔥花，一氣呵成👍係名副其實布拉腸，見到腸粉身嫩白通透，已經覺得好食！反卷腸粉令金黃色嘅蛋皮喺出面，甚是好睇。食落腸粉真係又軟又滑，令人食完仲想食，蛋皮較薄火候剛好同樣滑溜正！美中不足係我外賣走，食時已經凍咗，熱食相信會仲正！P.S. 蛋腸比其他肉碼價高，我唔係好明 阿叔貼咗個WeChat Pay二維碼，相信平日會有唔少遊客到訪，唔想排隊可能稍夜時間去食會比較好

喺網絡平台睇到呢間小吃店，見到好有特色嘅雞蛋腸粉，就同朋友一行幾人黎試下。呢度啲腸粉應該係即叫即整，所以好新鮮。雞蛋腸粉，果然好滑，加埋旦槳，米香之餘又有旦香。同埋佢加左旦槳之後無咁容易散，口感提升。除左雞蛋腸粉，我地仲試左蝦腸同埋辣魚旦，一樣咁好食。臨走時，老闆話好多謝網絡各平台同佢宣傳，令到佢多左好多客人。佢話連馬拉旅客都找佢吖。呢度食到嘅唔單止係好滑嘅腸粉，仲有好濃厚嘅人情味。

2月24號黎過想食, 點知多人到唔夠時間排隊等就走去睇 "狂電派"25號再黎過! 真係星期一少人D!?! 等左2個人左右就叫得野食啦!叫左蔥花雞蛋腸. 老闆純熟既手勢真係睇到人眼花, 明明係好普通既步驟, 出黎既效果特別有驚喜!連餐廳內既電視都係播緊老闆教人點整. 等左10分鐘左右就整好啦.一盒既雞蛋腸份量都好多, 同男朋友兩個人食都會多得濟,腸粉好嫩滑, 好有香蔥味架! 包住既蛋唔會太老又唔會太juicy.不過我自己本人就一定要點返D豉油/甜醬, 如果唔係會愈食愈無清淡. 唔會有愈食愈好食既感覺.味道黎講係新鮮既, 不過份量黎講就多得濟, 其實可以3-4個人share食都得. 

今次一場黎到澳門🕍，倫記門面是用膠幕做門⛩，一不留神就會過左見唔到。店裡很少😧，但全間店都坐滿人，而全部人都係食同一個腸粉😲—————蔥花雞蛋腸粉🌟🌟✨金黃色的蔥花雞蛋腸粉🤓（$27）老闆即叫即製😍，非常新鮮🤤，先嘗一口冇加任何調味，腸粉真的是超級的嫩滑😽，不用咬已經可以滑入喉嚨，雖然沒有蛋香個腸粉的質感真的高質🤤👍🏻👍🏻枱上仲有5️⃣種調味：麻醬，甜醬，辣醬，豉油，老干媽都可以任俾你加上去😝，甜甜咸咸令滑滑的腸粉更上一層樓🎉🎉

澳門🇲🇴特色小食同老婆👱🏻‍♀️拍拖13周年～澳門🇲🇴吃喝玩樂之旅老婆出發前，上網搵澳門必食小食，推介左倫記，係到澳門必吃小食之一，所以慕名而來係酒店附近行左陣就搵到，可能近夜上來到，冇人幫襯緊、初初以為要排隊排好內，入去見舖頭都好舊，咁就叫左個蔥花蛋腸粉外買（一陣book左位去食卜卜蜆）見店員即整即拉腸粉，好香好吸引，好快就整好比我地食落熱辣辣好好食腸粉好滑好有蛋香味果然係到澳門必食小食之一

叫左一個蔥花蛋腸粉，即叫即整，每個腸粉落兩隻雞蛋，老闆就在你旁邊整腸粉，整果陣聞到陣陣蔥味，以布拉腸粉黎講，賣相十分好看。食落味道很單調，和一般腸粉沒什麼分別，口淡淡的感覺，蛋味比較淡，麻醬、甜醬太稀，醬料確實一大敗筆！質感亦沒有特別軟滑，不知道是不是蒸腸粉的時間太長。店內只有老闆一人工作，遇上老闆外出送外賣，就要摸門釘了。坐位：大約有10個堂食座位環境：十分擠迫、殘舊人流：星期六下午大約二時去到，等了大約5分鐘即可入座

倫記軟滑腸粉沙欄仔街26號泉彩樓地下即叫即拉腸粉非常軟滑蔥花雞蛋腸在未落任何醬料前試了一塊原味的蔥花及蛋味很香醬料放在枱上任落好好味呀29蚊真係好抵食如果可以跟朋友一起來便可以試多幾款了店內只有老闆一個，腸粉即叫即拉所以需要等一會兒。

雖然嚟過澳門無數次，但每次嚟之前都要搜尋下美食，上youtube 見好多youtuber 都介紹呢間倫記腸粉，而咁啱佢又好近我住嘅酒店，所以喺南屏雅敘唔食太多而留返個肚小小位置試下呢個蔥花雞蛋腸粉好彩嚟到唔係太多人，都係等兩個，之後人潮就陸續湧現老闆忙碌整腸粉米槳蒸熟之後清澈透明腸粉望落非常軟滑Q彈，加上雞蛋及蔥花顏色好美，除咗芝麻，豉油甜醬同辣椒🌶️醬仲有老干媽供應🤔腸粉米槳非常香濃反而雞蛋味道唔重非常推介嚟試試