晃記餅家

Open Now

Now Closed

星期日晚上路經見佢肉切酥賣晒，弟2朝一早去買點知佢話要訂，算啦唔趕訂左4盒到下晝去攞。。。轉頭再返去諗住買杏仁餅問佢一盒點賣佢(應該係老闆娘)就成碌杏仁餅掉係枱面話22蚊。。。接住果句就係下一位!!駛唔駛咁呀問下都好似徙佢時間咁最後都冇幫襯佢最差嘅就係有個女人同樣想買肉切酥，佢當然同人講要訂啦。。。個女人諗左陣老闆娘再問佢訂唔訂。。。個女人話趕船唔訂喇倒轉頭老闆娘叫佢等2分鐘即有(我朝早11點幾去買都要等到1:45分先有得拎)唉都係做生意嘅手法。。。可能唔優做，居然一間小店可以咁。。。下次我都唔會再幫襯如果你地好恨試，下次記得話趕船唔駛花時間等等就唔值!!

中午時份食飽飽諗住係時候去買手信啦～～～知道官也街有間好出名既百年老店咪諗住去幫襯下囉～～～ｏ個日成３４度．．．真係好鬼熱．．．．．去到既時候已經排左差唔多成廿人係度諗住咁多人買實掂擋啦～～點知就出事啦蛋黃杏仁餅：超甜無杏仁味　食完既感覺係好似食完舊片糖又硬又甜紫菜肉鬆蛋卷：　一開黎食成盒都”林”哂　完全唔似蛋卷　係連香味都無囉～～！！！我自己覺得好難先可以做到咁難食～！！！！！！腰果曲奇：　又係未開就已經”林”　哂　又係咩味都無～～　真係自己整都無咁難食～！！！！光酥餅：　又係又硬又無味雞仔餅：　唯一覺得係可以食落肚　佢ｏ個味真係好特別．．．．唔油仲好脆添係澳門是是但但搵一間都整得好食迥佢啦～～～！！！！！仲要係３４度排左成半個鐘買埋啲咁既嘢番黎永別啦　　　　　　　　　　晃記～！！！！！一定無下次～～！！！！！

2個傻皮去左氹仔行下想買下d野食回港作手信..基本上鉅記香港都有一d都唔吸引我去買.行行下見到有間餅店又寫係百年老店又見到一條大人龍..八婆既我見人排我又排死都唔執輸...八婆仔聽到前面小姐話這裡既肉切酥同雞仔餅好出名.雖然都唔知咩係肉切酥, 但都已經想買來試.點知肉切酥無貨要苦等2小時後先有貨取...咁麻煩更係唔要...最後買左杏仁餅, 雞仔餅等其他小食就算.回家開左包雞仔餅來食..真係估唔到咁好味..平時係香港食既雞仔餅食一塊已經覺得好漏, 又多肥膏..此店既雞仔餅完全唔多肥膏唔算好香濃既南乳味, 岩晒我口味...另外佢地既蛋黃杏仁餅同樣出色..唔會太硬又鬆脆...唔怪之得個個去氹仔都會幫襯這間餅店.

因到澳門演看唱會才來一趟，同行朋友大力推介晃記肉切酥，真是好吃，有如又簿又脆的雞仔餅，味道是一樣，更是不油膩，真的是一大發明！金桃酥味道像是o磨o羅酥+麻薯，反而我更愛她的肉心及蛋王杏仁餅。但購買的人實在太多，中午過後人龍長極了。建議早一天付款訂購，取貨不用排隊。

就是因為阿蘇都過讚過好，所以先至多咗人排隊,以前影都唔多個早幾年已有去晃記幫襯,但近來食物質素越來越唔掂,杏仁餅又硬又難食,完全一點杏仁味也無雞仔餅又普通又油,面仲要焗燶咗眼見排隊的人數1~2個,但效率奇慢,今次買野最後卻換來一肚火,一個上咗年紀大叔不知是否老闆態度好衰,幫襯仲要受氣超無禮貎態度惡劣,好似唔想做你生意咁,但又唔知点解佢仲要係到做?如果好食多人排隊都無所謂,最慘唔好食仲要受氣提提大家:買野真係要CHECK 下呀,仲要對清楚條數先好走,

平時去開鉅記、咀香園買手信既我，今日路過依間晃記見門口好多人排隊，聽聞又好好味，所以我都排埋一份，想不到一等要等成半個鐘先排到。我選了各款杏仁餅 - 味道一般，唔夠鬆香可口，質感好實。

就是因為阿蘇都過讚過好，行經官也街晃記便買了蛋黃杏仁餅和招牌的肉切酥各一包試試。肉切酥還可以，雖然偏硬但仍可給7分。蛋黃杏仁餅則是不知所謂，杏仁餅竟然比客家人農曆年的炒米餅更硬，炒米餅口感是實而鬆而有米香，這裡的杏仁餅則是硬硬邦邦的，而且沒有一點杏仁味。餅面一片簿薄的所謂蛋黃完全沒有任何味道，真懷疑是否塑化劑蛋黃！我極懷疑老闆有否試過自已的產品，食而不知什麼味竟可自稱為蛋黃杏仁餅！根本現在飲食業水準日漸下降的原因是從業者對自已全無要求！

之前買左芋蓉餅, 發覺佢又唔甜, 又唔咸, 唔O岩自己口味.今次買紅豆餅, 打開同同事一齊食... 點解咸既?! 放工走番去問老細, 老細都話唔會架喎, 佢仲問D 伙計呢包咩餅, 伙計話D餅有一橫既咪紅豆餅囉... 之後老細就好快手咁包番盒餅比我...既然係咁, 唯有走啦食到最後幾塊, 卒之食到紅豆餅....... 呢盒餅有7 塊咸, 3塊甜... 食完再睇下個包裝, 點解寫住老婆餅架........ 即係紅豆餅盒, 老婆餅袋, 入面就又紅豆餅又有老婆餅.....紅豆餅係OK既, 不過咸老婆餅..... 食落有D豬油味, 少少甜旦又咸咸地, D 皮又包唔晒D 涵.... 咸老婆餅唔O岩我口味成件事, 我覺得老細係知道既, 旦佢仲同我講所有餅都係同一個包裝袋...... 激氣呀, 所要我要出呢個食評, 提下大家:買野要CHECK 真D呀!!!!

幸好今天不是紅假期不然等待的時間可更長我和母親大人分開去買東西她在排隊買杏仁餅我則到莫義記買了榴槤雪糕吃坐在路中間的長櫈吃著雪糕等著母親大人眼見排隊的人數越來越多厲害的哩母親大人買了肉心杏仁餅和雞仔餅前者一盒有三條, 每條有十塊一咬下去, 脆的哩~ 看到中間那薄薄的豬肉, 哇~有股莫名的滿足感, 而且杏﹝幸福﹞味滿分雞仔餅小小的十塊一小包很普通, 有點過肥了杏仁餅就是要傳統的有豬肉的才最好吃除了《最香》的, 這裏是我的第另一選擇

買過兩種杏仁餅, 一種蛋黃, 另一種杏粒。兩者味道幾好,口感很爽, 杏粒口味多杏仁, 但蛋黃口味就沒有蛋黃味, 略為失色。但店員卻沒有好客之道, 覺得我們抯住佢地做生意, 唔俾我地買前睇有甚麼好食, 要我們到排隊買時先知食咩!

一心來買 "金桃酥". . . . .最後卻換來一肚火如果你想測試自己的EQ, 不妨來這間店子走一回, 老闆會提供 "特訓", 確保你一試難忘!!! 買東西排長龍, 文明人的行為, 沒甚麼大不了眼看在貨架上所有貨品都沒有價錢標籤, 便鑽進小店看看有沒有價目表貼在牆上哈. . . 價目表找不到卻找到一個細列分別大, 中, 小膠袋甚至 "背心袋" 的收費表, 連紙盒也要每個收費2個大洋老闆愛地球的熱心, 我相信在澳門手信界中肯定稱皇老闆呀老闆, 我自備膠盒, 無須貴店的任何包裝是否可回贈我2個大洋以示鼓勵呢?我唯有等候老闆稍為方便時詢問金桃酥的價錢, 老闆即時破口大叫對著我 "怒吼" 並一手奮力向外指 : 出去排隊啦!!!!!!!老闆呀老闆, 我無耳背亦無不禮, 有需要這樣的大聲嗎? * * * *百步之內, 豈無手信! 無謂做一條要花錢買氣受的 "水魚", 速閃. . . . . .慶幸自己不是在晃記打工, 亦不是前來行乞* * * * *今次的經歷告訴我, 消費者要時刻打醒十二分精神, 尤其是明星效應塑造出來的人氣之最若要我說晃記的人氣之最, 應該是這樣:最花時間排隊的

睇到澳門旅遊書介紹書推介諗住同d朋友去幫襯，去到睇到d杏仁餅都好似幾吸引，但沒有標價，諗住問下點賣la，點知個老闆態度好差咁同我講: 到你先招呼你！仲話: 價錢我唔答喎最後我就只好同d朋友好唔愉快咁走

吃過榴槤雪糕，來到晃記餅家買手信，店外大排長龍，我們至少等了30分鐘，但為了買老婆餅回港拜祭媽咪，等多久都是值得的。我買了兩盒老婆餅，一盒媽咪的，一盒自己吃的。老婆餅的心依然軟綿綿的好吃，但餅的直徑細了很多，餡少了許多，已沒我和媽咪第一次吃的那麼好了，有點失望。我亦買了紅豆酥和金桃酥試試，這倒沒令我失望。紅豆酥不油不甜，有些紅豆香，不錯。金桃酥是我覺得最值得推介的，外面菠蘿包皮，內裡是糖冬瓜餡，外鬆內軟，很好吃!大家到了晃記別忘記買盒金桃酥啊!

尋晚食到一肚火, 今日依然繼續搵野食, 去到晃記見到晃記一條龍, 完本都想走, 點知朋友堅持要試下佢d老婆餅, 唯有就范去排隊, 足足排左半個鐘.本來唔想買但朋友話反正都排左咁耐, 咪試下囉. 抱住唔多樂觀嫁心情, 就買左一合甜一合咸老婆餅, 一合牛耳同一合咸切酥. 一出到門口就攞左朋友合老婆餅來試. 本來諗住同其他店一樣出左名就唔方好食得去邊, 點知一試, 咦....幾好食喎, 又唔係好甜, D皮又鬆化, 味道啱啱好, 再試埋個牛耳, 都幾脆喎, 終於有番D心情, 可以繼續我哋嘅揾食之旅..........

來到官也街, 怎也要買點吃的, 人流最旺, 還數這裡. 來到的時候, 已經是七時許, 還要是平日的晚上, 仍然有不少客人.杏仁餅 $17: 7分, 是次的選擇是杏仁餅, 雖然成份包括肥肉, 不過起碼吃落口不會成大舊肥豬肉在內, 當然, 肥肉實是提升了杏仁餅的香味, 但又令人害怕, 實是又愛又恨. 說回這裡的杏仁餅, 幾脆, 鬆化, 不太甜, 有豬油香, 但不夠杏香, 偏粉, 其實還算不俗的.另外買了招牌的肉切酥, 不知味道如何? 留待家人去發掘好了.