晃記餅家

Open Now

Now Closed

香蕉糕：從未食過咁好食的香蕉糕，香港大多數的香蕉糕的味道好假，又硬，估唔到呢到的香蕉糕既香且滑，十分軟身煙靱，富有傳統的香蕉糕味，好想再食。南乳牛耳：薄薄的十分香脆，唔會太油，好香南乳味。一小塊一小塊地食唔停口，果然係呢度的招牌貨。蝦米卷：十分香脆，少少辣。

今天是星期日, 去到官也街最多人買手信的店鋪除了鉅記,也是名氣響噹噹由清潮光緒時代已營業的晃記,也是有過百年歷史, 全部都是人手的製餅方式卻一直留存,從搓皮,製餡,造餅到焗餅,都只是在晃記店鋪內製作, 雖然是人手製作, 但賣的款式都真是包羅萬有, 本店有出名的老婆餅也是新鮮製作,也有鹹有甜而且出爐的時間都是每天不同, 更有芋蓉餅,綠茶餅,紅豆餅, 雞仔餅.....阿蘇都拜訪過讚好, 明星效應也非常熱烈,已經有人龍的出現了.....因為只是二人同行的關係, 都不敢買太多手信(因為都好重),此店我選擇了四款手信有原粒杏仁餅, 肉切酥, 肉鬆紫菜蛋卷和合桃餅.....晃記的杏仁餅, 依足傳統手法在杏仁餅中心夾了豬油,所以食落會好香口, 滋味依然仍是好有咬口, 粒粒的杏仁碎我也不停咀嚼,可是開了一晚後到第二天, 餅物變硬了沒有剛開袋出來的杏仁餅那麼鬆脆, 口感較好粉, 一般水準不及鉅記好食.....肉切酥是也是本店的招牌, 材料就是麵粉加上豬肉,也加了一些南乳, 薄薄的片塊時食入口仍然香脆,就算食不消用密實袋放了一天仍然咬起來依然肉香四射又脆口,又不會好油而且好香南乳味, 薄薄的口感好似食薯片

九月十二日(星期日)每次到澳門都會到官也街無論是小食也好,大餐也好,買手信也好早在阿蘇介紹之前,都已經拜訪過晃記餅家比較喜歡的不是其肉切酥,反而是雞仔餅加上媽媽喜歡吃,所以是必到食店之一雞仔餅鬆脆,尤其是剛出爐的餅較乾身,不太肥膩,吃極不覺漏大家也不彷一試~

每次到馬交, 總要又食又拎, 肚子滿載而歸! 除了例牌的蛋卷和杏仁餅, 紅豆餅和黃糖光酥餅也在每次的To buy list內, 可知其地位之崇高! 晃記可是用實力打天下的老店, 店面零裝修, 更無貌美姐姐硬銷產品, 從名不經傳到大排長龍, 就是靠美食會友! 是次到訪,除了必買的紅豆餅, 還有新品金桃酥, 前者水準依舊,鬆化的酥皮包著紅豆餡, 酥皮厚薄適中, 豆饀少甜有豆香, 好味好味! 金桃酥用上合桃酥的外皮, 非常鬆化, 餡料煙韌清甜. 但吃不出桃味, 反而像吃有餡的合桃酥, 有趣! 不知道下次再訪,會不會又有驚喜?

澳門行程第3日，預定下午返香港，要買手信比屋企人，朋友就要買埋同事嗰份。屈指一算派比朋友食都係晃記餅家好，貪佢有散裝賣，合乎經濟效益。我自己買咗2包杏仁餅，2包紅豆餅，2包肉切酥同1包豬油糕。杏仁餅$16--食過幾次，發覺啲杏仁大細粒無標準，炒得係幾香；餅身綠豆粉太重，細咬有杏仁味，較甜亦容易碎。紅豆餅$24--紅豆蓉少咗，餅皮厚咗；個餡其實幾好食、好有紅豆味，酥皮比以前更酥、可惜酥皮依然有硬塊。肉切酥$10--招牌貨，夠脆有南乳香，不過好似細塊咗。豬油糕$12--一般行貨，又唔見晃記標籤，應該係非自家製成品。今次係老闆娘幫我地執柯打，好快手同有禮貌。雖然係早上，都有人排隊買餅架。

金桃酥 麻麻鷄仔餅 太"林"肉切酥 好似"憶" 雖然好脆總覺得晃記食品落左好多梳打粉, 認真麻麻到不得了, 唔知果個so far so bad收左人幾錢

呢間野好無禮貌我媽咪問去有無得試食去地一句働埋黎無呀，無セ無羅駛五駛咁惡，以為去D餅好食咁鬼串，一食雞仔餅好鬼難食，都五知阿So点解話好食極失望 中要每小包十元，極搵笨

老婆餅質素差了，好似隔夜咁雞仔餅好不新鮮以後都不會光顧佢真係鉅記仲可以保持個質素，抵鉅記咁多生意，人地有質素

前日臨走去了氹仔官也街買手信，入到卷見到鉅記人頭湧湧，我反而不愛吃。我到了晃記買，掃了雞仔餅…是口感奇妙的餅。雖然是甜的，但是裡面竟然有參雜些豬肉，油油的，甜甜的，食到我不停口，幸好買了一小包，食完就算。肉切穌…我不太欣賞，味道怪怪，乾乾地。買得唔多，費事忍唔到口，一次清哂。

上過電視果然不同，食物唔同，態度唔同。星期六去到已經小人龍出現，朋友為了買到肉切酥，照排。未夠六點，排到去，落左order，比左錢，但七點先有得拎，既然都在附近食晚飯，倒沒所謂，服務未見好，仲有少少串咀，問多一句，回應係：「寫左七點就七點啦！」食飯途中，朋友去拎回肉切酥，嘩！縮晒水，以前都覺得幾抵食架，依家細塊左，數一數，得廿塊，賣10皮，雖然唔係叫貴，但唔值囉！所以應該係最後一次幫趁！

去澳門睇賽車，跟住去氹仔食飯，試左真串串燒，very nice.....!! 去晃記餅家買左肉切酥, 雞仔餅, 肉心杏仁餅, 但無一樣野覺得好食never come back...非常失望(

我成日都拎佢D蛋散黎配茶同埋配電視本身就好鐘意 蛋散 因為佢 脆 香 有口感晃記....既蛋散 比出面既香口 又唔會話焗過左頭有個焦味香其實主要係佢蛋用得夠足料 而且焗得岩岩好 先會夠香夠脆而且蛋散無肉切酥咁油 食多D都唔怕 (肉切酥有肉呀嘛 哈哈)好似都係9蚊定11蚊一包大家都掛住佢D 出名野既同時 其實都可以去試下佢其他既產品

買左一包雞仔餅，的的式式 同街貨式相比，口感較軟身及不黏牙, 南乳味足一包十粒，一口一粒很快吃得完~ 整體上不過不失喜歡食雞仔餅應該會覺得幾好食來想買多包雞仔餅同切肉酥，前面幾個姐姐圍住左間鋪係度傾又唔係買野，搞到入唔到去，結果放棄買，當慳荷包~

幾年無黎澳門, 以前黎親都會幫襯,但今次黎實在太太太多人, 電視效應實在太利害!! 一間細細既老餅店, 我以前黎都未試過大排長龍, 今次直頭排出去幾個舖位以外, 入到去見到店員係就係勁忙, 但又無其他人所講既不禮貌待遇! 反而見到前兩個既香港公主病既客人, 態度超差, 但只係買幾包餅咋喎!講返小妹買返自己同家人最愛既肉切酥, $10.- 包得廿塊, 但保持都係又香又脆, 正! 但老闆一黎已經話要等, 要半個鐘後先有得拎, 但就唔使排隊, 咁都ok丫, 我地拎又真係唔使等, 仲要包好入晒盒(小妹並無要求), 所以要幫呢間小店平反一下!!

不管是飲食節目或是旅遊書都將這店說得天上有地下無, 說甚麼不需讓人試食都大排長龍, 於是妹妹跟綿羊都唯有發揮香港人的排隊精神.... 排隊買紅豆餅 ($24)。還想每人買1盒, 但排到我們時只剩下最後1盒 @0@ 我們可以買1盒share嘛~ 運氣不賴嘛~ 買到最後1盒~ 可以試試有幾出名。 紅豆餅就是老婆餅那類型的酥餅, 豆沙餡密度高, 甜味來自紅豆而非添加的糖味, 酥油餅皮夠薄但未夠香脆。 另外買了合桃酥 ($11), 但合桃酥有陣很強的蛋味, 令這塊合桃酥都像有點蛋的腥臭味... 很難吃^='''