添發碗仔翅美食

Open Now

Now Closed

預咗去添發要排隊等 但完全唔明白點解可以一個人排一班人嘅位 排隊過程中不斷有人插隊 愈等愈耐 好喇 有職員落order 點咗濃湯翅 隔咗陣 發現佢出面個餐牌黐咗沽清 仲滿心歡喜自己應該係最後個幾碗 再排多15分鐘 安排入座前一秒 佢就話無 要轉其他 個一下火都黎 無又唔一早出聲 原來落咗order係無嘅 仲要一直係出面排隊 佢就解釋入面有人嗌咗最後一碗 本身已經一肚氣 唔明一個排十個嘅道理 點知佢入面有個職員出黎串串貢問咁仲食唔食！喱間咁嘅垃圾 中意受氣嘅 就去！

真係谷到一肚氣！特登慕名而去，見條龍唔係好長，得十多人係前面，好有耐性地排隊，都差不多排到時，添發個掌門阿姐問咗我地食邊款魚翅，我地Order 咗2客濃湯翅（$110那款），點知排下排下前面啲大6人又多啲，一陣又多啲，一個人變10個人出嚟，都算，到真係入座時阿姐竟然話賣哂濃湯翅，我地話明明我地order時都仲有，佢聲大夾惡幫住啲大6人話人地1個人排隊，9個人嚟食就係咁㗎啦，之後仲有個男人出嚟罵，無奈下叫咗紅燒翅，$100都係得啲「獻」，所謂大翅又小又硬，根本唔值呢個價，奉勸大家都係唔好去呢間店，佢只係在乎大6人，受氣都受飽！

已經多年無食啦！今日重遊舊地，當然要“回味”下啦！情況依舊…………排長龍價錢仍然親民，唔使$100已經可以食到，海參花膠翅！而份量同當年比確實係少左，但今時今日經濟都明白既，好彩味道仍然保持水準

今日去到澳門新馬路福隆新街食翅，我覺得這個係去澳門必食的佢有好多款翅供客人選擇，雞絲竹笙碗仔翅$35豪華碗仔翅$50海參花膠煲仔翅 (細翅)$75海參花膠大隻翅 (大翅)$100海參花膠特大魚翅 (特大翅)$230瓦煲花膠翅$110我地揀左海參花膠大隻翅，正呀d翅熱辣辣，新鮮煲好，好大塊翅，但佢d海參好小，切到一細片咁，d翅好香翅味，大大塊好爽口，好有口感客人亦可以自行加醋或胡椒粉，但我就冇加到，因為要原汁原味

那是在我們吃完午餐祥記麵家後，想要散個步、消個化後，必到！每次都推薦吃$230那種，有魚翅、花膠及海參，相當和味，外面完全食唔到哩種價錢，哩種質素，不管是哪一個價位的魚翅味道都是一樣的，只是用的配料和份量不同罷了。添發碗仔翅在澳門只此一家，別無分號！

澳門有兩款食品係必食！第一係葡撻，第二係魚翅！講到澳門魚翅，又點可以唔提添發呢？近年去澳門，一落船，馬上去瑪嘉烈或陳光記，之后就係添發。每次去添發，佢地都係踏正中午12：00先開始上翅，今次幫襯發現早咗喎，11：45已經上翅喎，對於辛苦排隊嘅食客黎講，當然係好事啦！望望個餐牌，𠵱，加咗價喎，但無計啦，山長水遠黎到，唔計得咁多囉。講服務，添發絕對滿意，今次幫襯，老闆眼見大熱天時d食客係外面排隊辛苦，專登囉風扇出黎，又囉大葵扇，哩種服務香港都俾唔到啦！今次點咗濃湯花膠魚翅同紅燒花膠海參大隻翅。濃湯味道感覺係用老雞淆制咗好耐嘅雞湯，紅燒湯底感覺係蠔油或鮑魚汁煮嘅湯，兩款都係我中意嘅味道，不分高低，同樣喜歡！可惜嘅係，價錢貴咗，魚翅分量卻少咗，比我多年前幫襯時少咗四份一，一大梳翅嘅情景已經完全消失，唉...... 失望，可惜！

重遊舊地，除左食客比以前更多更人頭湧湧外，內籠及門面依舊，好易認唔會盪失路啦！忘記點行添，好采附近有班學生妹貌似旅遊大使可讓遊客問路或查詢呢，多謝指點迷津，找到了。整條街古色古香，仿如置身於神州某處，以前好似不是這樣呢，修建過？菜色不變，價錢就略有向上調整，款款依吸引，一幻想就想要喇！不愛甜食的我，這裡的甜品始終無法打動到我啦。小店裝修格局跟香港蛇舖差不多，非常有懷舊風情。最初想點 $350 蚊乾鮑，無緣已經只賣剩 $400 或 $600 蚊乍，我口快快答左唔要，仲點埋翅喇。諗諗下其實只差 $50 蚊乍喎，唯有下次啦，都唔知幾時先下次呢！海參花膠砂鍋魚翅，鬼殺咁嘈、吱吱喳喳上檯，剛剛滾起出晒煙，氣勢磅礴！不能心急，好容易讓雙脣甜頭燙傷呢，冷靜地等一下，再吹兩下，殺呀！香噴噴材料盛得滿滿的，超足料無欺場，滑滑的花膠、彈彈的海參，還有爽爽的翅針。厚厚膠黏的湯汁晶瑩剔透，香甜味濃的老雞湯膽，使我回味無窮，不停有添食的衝動！價廉物美 $85 蚊，養顏補身骨膠原，平靚正！花膠雞絲翅，湯黎架？完全誤會晒咯，兼價爽爽薄身花膠桶，打邊爐咩！魚翅就好足料既，還有滑嘟嘟雞絲襯托，湯汁雞味濃郁清甜可口。翅味

一年會去一次澳門行吓食吓但好似一次比一次差味精重手了料反而少了叫咗一客濃湯瓦煲花膠魚翅 $110味道無想像中嘅濃湯感一客紅燒瓦煲花膠海參魚翅 $75居然只得一片海參我大約12:15pm去到不用等位但當後食完之後門外已經有條長長人龍

昨天剛試完福隆街鋪，＄50豪華碗仔翅，唔介意價錢平佢比少啲翅我，不過唔好成Pat漿糊咁😩唔使俾錢我都唔會再食，想像唔到何來咁出名，厄人厄人厄人，後悔後悔後悔，咪話我唔通知大家

是日去澳門探親，落船已是下午二時許！第一件事當然是去找美食！親友介紹去添發食翅，因為是平日三点幾，一去到很快便安排入座。我們叫了两碗100元的翅，一碗50元的豪華碗仔翅及三碗燕窩双皮奶。我吃的是100元的翅，看上去湯是頗濃的，食料也算多，一啖入口，只吃到胡椒粉味，沒有預期的清甜湯味，失望！以用料計，100元一碗是不貴，但味道就有待改進！燕窩双皮奶一般貨式，45元一碗，價錢一般。總括來說，價錢不貴，但味道略差。

第一次同媽咪黎澳門玩，依度食翅咁出名，一到步就帶佢黎添發食魚翅！我仲記得第一次黎食嘅時候，一食便愛上！魚翅份量唔算少，味道非常濃郁，所以就算無加醋同胡椒粉，已經好好味道！所以有朋友黎澳門都推薦佢哋食！另外梗係點埋出名嘅葡撻 依款係有埋燕窩！

濃湯瓦煲花膠翅 (MOP $100)已經好多年冇黎添發嚕🙈因爲次次黎親都要排隊😂今次黎到都唔例外呀💁🏻依度除左碗仔翅外 煲仔翅都係好多人食🤤仲要係一人一煲!!! 好爽呀😂😂😂個翅滾住黎 夠哂熱!! 湯底未致於濃味 但都幾鮮甜😋岩哂中意飲湯既朋友🙈😍雖然每煲都要$100 但又真係幾足料既😌滿滿雞絲 包你飲哂d湯都未食哂😂-豪華碗仔翅 ($45)

女小編今次到澳門玩，知道澳門食翅出名，而添發係最多人排隊，所以就排呢間啦！鋪內位置大約25人，因為係假日，所以都排左20分鐘先入到去，不過係排隊期間已經可以叫定野食，所以一坐低，好快就有得食，我地一人叫左一煲，招牌海參花膠大隻翅$95招牌海參花膠煲仔翅$70, 其實個分別係塊翅大塊D 同細塊D，一上枱就急不及待試下個湯先，係幾濃味，因為翅同花膠都有膠質，所以好結身，不過湯既味比胡椒粉同蒜味蓋過左，唔係太飲到湯既鮮味😅 可能小編同男朋友都分別飲慣媽咪自家煲既花膠湯，所以都覺得呢個味似乎無咩鮮味呀。材料係足料既，即使係煲仔翅，都唔細塊😆，算係好抵食，同埋好飽肚！

去到澳門就想食翅，雖然無資格魚翅浪口，但都想要去食下呢D翅！當天可能不是紅日，又不是星期五，而且時間又是在晚餐前，所以人不是太多，我們排了兩個字就到了。因為之前來過幾次，都知道自己想吃甚麼了。招牌海蔘花膠煲仔翅 MOP/HKD 95.00這個招牌真的是值得一食再食！因為這個湯真的好濃好濃！超級香濃，口感都濃稠黏唇！因為有好多的膠質！所以嘴唇會黏黏的！花膠是大大的一份，而翅的份量都好夠，有一大片的小翅。最後是一小舊海蔘，口感好爽滑！因為好濃味，其實不用再加甚麼調味！不過如果想要醋及胡椒粉，也是不錯的！以前是兩人，一個吃貴的，一個吃便宜的！現在吃過了便宜的，都會選擇吃貴一點的招牌！因為真的是有差！

店員態店極差，門口等位開始已經好差，全程黑口黑面好似欠左佢一樣，唔想做生意，好似趕客咁，D野食有幾好食都假，D服務態度咁差，我以後一定唔會再回頭，真係想講搵你啊媽食！