達榮魚翅湯面

Open Now

Now Closed

今趟澳門之行主要是在氹仔區，早了點出來，食肆大多都要十二點才開門，只有這間達榮魚翅湯面開了，那就光顧這裡吧，讓早起的鳥兒有蟲吃～ 進店內，傳統裝修，坐得舒服，亦貼有很多名人名星光顧過的照片。 點了碗魚翅湯飯($68)，賣相不俗，都甚足料，有金華火腿，還有兩塊魚翅，雖則不是甚麽名貴翅，不過以這個價錢，不會有這個期望，湯底則胡椒味較重，鮮味欠奉。 另外點了魚翅湯麵($68)，味道跟湯飯的無異，只是換了面底，要讚的是麵一點梘水味也沒有，口感有咬勁。 整體上，小妹覺得這裡的食物味道仍有改善空間。

因為幾年前同老豆黎過一次食魚翅，剛剛今次坐金光飛航過來，係Studio City係有大巴黎地堡街呢邊，就番黎食。價錢已經一D都唔平，一碗魚翅湯麵，已經要＄68，我地想食多幾間，咁就係叫咗＄64既魚翅湯。湯底叫甜，白湯，即係雞骨＋豬骨咁果D啦，但係有D腥，要加好多古月粉。最氣頂既係得幾條魚翅邊，真係幾條，以去到另外幾間，白湯黎計，係最唔足料，對面譚記係足料好多。最少見到兩大塊魚翅。

天氣太熱行經這鋪看到很多明星相決定一試，結果有點中伏，叫了淨魚翅湯。翅很少兼很硬，湯底味道不錯但喝到胡椒味很重，蓋了其他味。。相比下添發好味好多。人不多，很多"吉"位但好像趕客，一放低杯即刻執晒d野同左整右整。

整天看電視看電影，那富貴人家的都餐餐魚翅撈飯，沒想到今天終於到我也來奢侈一下小店有魚翅撈飯及魚翅撈麵馬上選擇恐懼症發作左思右想還是撈飯吧，再加點一個炸魚翅丸和凍柑桔蜜登登~有大大片魚翅（跟平時去飲吃到的不一樣＝0＝）好有口感，咬下去感覺是脆脆的湯頭味道頗濃，講不出是否用魚翅熬成，但咸淡剛好。白飯都不會煮到爛爛的，粒粒分明非常好炸魚翅球其實吃起來很像炸陵魚球咬一口後仔細看看構造，也是跟陵魚球一樣所以......我吃到的是什麼凍柑桔蜜......為什麼沒有加冰室溫凍飲其實真的很難入口吃下來一餐其實價錢不貴，讓我這個平民都有機會品嚐到富貴魚翅撈飯下次還會再去

星期六中午時間，入到去幾乎坐滿晒人，有啲仲要搭枱呢~今次嚟到並無叫到招牌魚翅麵,反而點咗以下兩款麵食加一個小食。 唔使3分鐘就有得食喇!原本只係點咗兩個麵，個伙記話招牌野，可以點半份，咁就要半份試吓，外皮炸得非常香口，咬落外層鬆脆而裡面魚肉棉滑彈牙帶點蔥香，唔點醬汁都好食但食唔到魚翅係裡面啦豬排拍得好鬆，咬落都夠腍，老人家都食到，但胡椒粉味太重。幼麵無咩鹼水味，湯底一般。呢個魚餅同個招牌魚翅球味道差唔多，魚肉較腍，味道偏鹹，相比下呢個無乜魚香味。叫咗凍熱奶茶各一杯，埋單盛為$13x份量一個女仔食還👌,男仔肯定唔夠食呢!chopstick

星期六中午時間，入到去幾乎坐滿晒人，有啲仲要搭枱呢~今次嚟到並無叫到招牌魚翅麵,反而點咗以下兩款麵食加一個小食。唔使3分鐘就有得食喇!原本只係點咗兩個麵，個伙記話招牌野，可以點半份，咁就要半份試吓，外皮炸得非常香口，咬落外層鬆脆而裡面魚肉棉滑彈牙帶點蔥香，唔點醬汁都好食但食唔到魚翅係裡面啦豬排拍得好鬆，咬落都夠腍，老人家都食到，但胡椒粉味太重。幼麵無咩鹼水味，湯底一般，呢個魚餅同個招牌魚翅球味道差唔多，魚肉較腍，味道偏鹹，相比下呢個無乜魚香味。叫咗凍熱奶茶各一杯，埋單盛為$13x份量一個女仔食還👌,男仔肯定唔夠食呢!

魚翅麵係今次假期o既第一站其實本來係想食其他野,但唔知係咪我地太早(12點左右),周圍o既店舖都冇乜客,令人好有戒心見到魚翅麵呢度都有d人食緊,又好似都ok出名,試下啦一路食一路有d內疚,畢竟魚翅都係d好殘忍o既食物...我地要左一飯一麵麵底係幼麵,都ok彈牙唔知係咪因為親戚煮o個d魚翅係高級品,黎到呢度我好疑惑成碗入面我最欣賞d火腿絲,咸得黎剛剛好個湯就胡椒味重左d,有微辣感覺落單時店員有推介魚翅球,不過冇要到

這一天到了氹仔區搵食，其實來到之前都沒有做功課，一心只是走到哪食到哪的心態。所以在沒有目標下，讓我們搵到「達榮」，真是萬分慶幸。事源是由早上十二時，我倆走到這區閒逛，眼見很多店都未有人，怎料見到「達榮」的店內已坐滿了七成客，所以一心打算探個究竟，原來是一間出名的店舖！一進內，就看到古色古香的裝修，而且亦擺滿了魚翅。店內亦張貼了不少自家產品的介絡，有些更是電視節目採訪的截圖。原來這家店，很是有名氣，不少名人歌手都有來過。我們點了的是最出名的湯麵。魚翅湯麵 MOP 59.00湯底是以胡椒泡製，胡椒味好濃，而湯色是乳白色的。胡椒更可以去腥，所以吃到的湯麵都是湯爽的。魚翅雖然只是一些便宜的翅邊，但食落味道很好，而且吃到滿滿的膠質。生麵是沒有太多鹼水，怕鹼味太重的朋友可以放心。而麵質是爽口彈牙的，不錯。另外也要點一點這個「達榮」名物，魚翅球。魚翅球 半份五粒 MOP 36.00平均要七元多一粒，但味道及口感都不錯。表面炸的方法同一般魚蛋的炸法不同，他是沾了點木糠碎，所以吃起上來，是有「吉列」的口感。魚肉都是鯪魚肉，但入面就加了少少魚翅。但魚翅的份量當然不會多啦，一粒只有極其小量。不過，味道是不錯

自從上次澳門之旅朋友介紹我黎食之後,一試難忘,今次過黎更係要再食過啦!由於太早黎GE關係, 鋪頭未開門..唯有係附近食住葡撻先~等到10點半終於開門啦~過到去原來已經有一堆人入左去食緊~叫左魚翅撈麵同魚翅球~本來因為等的時候食得太多野GE關係所以唔太食得落只係叫左碗魚翅麵,不過店員問我地食唔食魚翅球, 我見男友想試我又心思思想食~所以叫左半份~湯頭是很濃很重胡椒味的湯, 而翅係一簇簇的翅邊,雖然唔係真正的翅,但口感都幾爽口~加埋D芽菜,勁開胃~就算岩岩食到好飽,都食得曬~撈麵就不過不失,如果再重味D就好啦~魚翅球好熱好辣口,應該係即叫即炸的~咬落口好脆口~不過食唔到有魚翅,似普通魚蛋多D~總括黎講我覺得價錢冇之前咁抵食~不過得閒經過食下都OK GE~

澳門好多地方都有翅食, 經朋友介紹初試達榮中午時間黎到都唔使等位, 仲可以坐到卡位座由於未試過, 所以只點一碗魚翅湯麵+豬扒麵+半份魚翅丸食物未上檯, 就周圍望下, 周圍都貼左好多名人黎光顧過, 食家肥滔滔, 曾志偉等店內放滿一排排的乾魚翅比客人購買另外不少得招牌菜, 魚翅麵既介紹除左麵, 都有飯供應, 仲有撈麵最初以為都貴, 點知....價錢平得很, 很平民化其他食物都唔貴我嘅魚翅湯麵終於黎到啦, 面頭仲有火腿絲個湯都幾清, 店鋪說明是無加味精的大約都有4-5片魚翅雖然唔係去飲食果D魚翅羹, 唔會一梳梳的但都係叫魚翅嘛, 口感都幾爽, MOP$59真係抵既我都飲左唔少湯, 應該真係無味精, 之後我都無非常口喝另外的秘製豬扒麵都唔差, 都係MOP$30不過呢個魚翅丸就一般啦 MOP $36/5粒(半份)似炸鯪魚球多d, 入面無一條條既翅, 不就佢係新鮮炸既, 食既時候就小心燙口

根據非正式統計,一百個人去澳門,九十個都會去試過既達榮魚翅湯麵,因為食神韜韜都讚好.而呢九十個人入面,相信有九成半既人,食完都會係心入面諗----什麼,這是什麼魚翅...到底在食什麼,好伏其實,呢碗野六十蚊,都好難會有咩翅,以我既經驗來講,呢舊野應該係翅骨/翅邊,食落好脆的.湯頭味道就是胡椒湯~千萬別太高期望....不過佢地個撈麵就好香,豉油調得好味,好像有豬油香的,麵條亦好彈牙.佢地個小食魚翅球就千萬不要點,你會後悔的

差唔多成個氹仔都食晒.....又唔太肚餓突然老公就諗起, 不如食魚翅吧, 反正官也街有2間, 就試達榮(鋪外睇, 好似幾正咁)入到去坐, 叫左2碗魚翅飯, 一碟魚翅球咁一邊坐一邊望下隔離枱食乜, 望下D 魚翅, 望下名人的相都幾多名星相喎~~諗住今次正呀!!!試到平靚正的魚翅飯~~先來魚翅飯, 因為魚翅球係後加....同埋制作需時, 所以食住個飯先LA一邊食個飯...一邊覺得呃錢個湯底麻麻, 唔落調味料就無味翅唔係好多條....總知就好似湯撈飯咁...SORRY!!! 我真係唔識欣賞呢碗魚翅飯差唔多食完, 魚翅球都來諗住呢個會好D....一放口, 熱辣辣, 攤下先再食咬第一口...感覺似炸鯪魚球....入邊有一兩條魚翅仔....唔多...不過感覺呃錢....我都知魚翅好貴, 但....這個應該唔係我想食下次唔會再幫襯LU

每次回憶澳門，除了賭場外，就是美食，終於趁着週末假期再次到澳門一遊。假期的澳門總是人山人海，要尋覓一家美味小店也必需經歷排隊這一情節，而達榮更是當中表表者，所幸排隊所得的是美味的回憶魚翅球非常金黄香脆，配上店家自制醬汁酸甜味道更是一绝魚翅湯又是另一種風味。濃郁湯味和配菜起了化合作用，放進口裡後有種難捨難離感覺澳門真是令人難已忘懷的地方

天寒地凍又肚餓，見佢不用等位又有滔滔推介，斷估唔會死錯人卦。點知2014年最後幾日都要中伏，見到實物不禁倒抽一口涼氣。老公叫了魚翅湯一碗，我叫了一碗魚翅湯麵，所謂的魚翅其實係裙邊，兩碗加埋得5條仔，以每碗59蚊計，老闆個口同鯊魚個口一樣大。湯，胡椒味濃到呢。麵，硬身。翅裙邊，hummmm魚皮咁無味。花了118蚊食呢啲咁嘅野，食老麥好過。強烈建議，唔好幫襯！

盛惠五十五大洋的魚翅湯麵，金華火腿的湯底鮮甜，幼麵爽口，魚翅入味，只是份量少得可憐，兩箸可吃完，感覺份量較三年前少，就算當下午茶也很不足夠。另外逹榮的細支裝可樂要12元，較香港一般餐廳或麵店貴。