瑪嘉烈蛋撻店

Open Now

Now Closed

嚟澳門一日遊，一定要食嘅就緊係葡撻啦！位於新馬路嘅瑪嘉烈蛋撻店（我覺得佢應該改名做瑪嘉烈葡撻店）位置非常之方便，由附近賭場行去大三巴中間必經位置。今日有少少落雨，所以冇人排隊，一嚟就可以即買即食，不過可惜唔係好夠熱。1個10蚊，買兩個淨係問係可唔可以分開裝都已經俾人問候，強調係只係問下，不過服務態度比香港嗰啲算好少少，做開狗冇計。佢地葡撻幾好食，中間嘅部份好甜，餅底就好鬆脆，不過餅底就唔算特別喇。

今次難得與眾表兄弟姊妹一起於假期過澳門🇲🇴1日遊，因為假期期間想在澳門租住酒店太昂貴了⋯大家就決定早出晚歸！出發👏🏻去澳門必定令人想起葡撻⋯聽說這間店的葡撻在澳門好好食～所以今次再度光顧試試看⋯比較上次試的是否一樣🤔於是我們決定跟著人潮排隊等候了大概15分鐘左右便成功買到戰利品😏價錢方面依舊也是葡幣10元/個⋯55元6個！我們當然買了6個齊齊分享✌🏻味道方面覺得酥皮層次分明非常鬆脆、撻表面既焦糖好香加上蛋濃郁而細滑的味道，令葡撻香氣四溢⋯加上新鮮出爐令人感到非常滿足！果然是明不噓傳、不得不試！一試便愛上😍值得推薦給粉絲們前往品嚐當中的美味👍

第2次食啦人好多 分左兩條隊排 一條係俾錢嘅 另一條係俾左錢拎野食嘅每條分別排左10分鐘我同朋友一齊黎 一人排一條 所以都算快但係間鋪位置係細巷入面雖然出面有凳坐有大風扇但人真係太多呢個位又熱又冇風 夏天黎真係幾辛苦不過葡撻係新鮮出爐嘅 拎到手仲好熱好辣手不過我本身就唔係特別中意食鬆脆嘅野食食落口感都唔差 個皮好香 個餡又唔會太甜趁熱食都好好食 價錢亦唔算特別貴但係到排咁耐隊淨係為一個葡撻真係唔太建議夏天黎 或者一次過買多啲會比較值得

我地排隊買葡撻，店員只係同我地講半小時後才可以拎葡撻，之後係單上蓋了個時間。他們沒有確實講要企喺鋪頭面前等到那個時間，所以我地行開咗之後再返來拎，返到去見到有人排隊，我地就跟住排，等左半個鐘終於有，佢竟然同我地講過咗時間冇得拎(其他人手上的是另一個時間的單據)，然後即刻退錢給我們。重點是我們給的是港幣，但他們堅持退葡幣給我們，用一個極差的態度説我們自己走去逛街所以遲左冇得拎。重申，我們有在那個他們要求的時間回來店外排隊等候。二個字形容，失望

為左打呢個評語，特登要開個帳戶黎講!!!黎到澳門，都打算黎食個葡撻先走。見呢間好似幾出名就過黎，點知最後一肚氣。由落單嘅時候已經好混亂架啦，等左一陣之後先有店員出黎講要去落左單先再拎飛係指定時間拎撻。咁冇問題啦，你講明規則後，我都跟你規則去做。點知係拎撻方面都好混亂，收到單之後店員只係講一句：「XX時間可以返黎拎撻」，從未講過要留係原地排隊等夠鐘。同一時間，其實都有幾班人都會買飛後離開，然後再返黎排隊等拎撻。而我係指定時間前返返去排隊等，過左拎撻時間之後仍然要等，但唔緊要，我咪繼續排隊等下。過左成半個鐘，到拎個陣，個女人竟然用極惡劣嘅語氣及態度指，要refund。如果你係用一個友善嘅態度同我講，亦係之前講明如果冇留係原地等就安排唔到葡撻嘅話，我會安然接受退款。但個邊個女店員好似唔憂做生意，一句得埋黎，我唔係冇付出時間等，亦唔係如此無理。但如果你有道理，refund係冇問題，弊在你地真係好有問題。同埋真係要refund。點解我比港紙，但你退款一定要找澳門幣？道理在哪？個人而言，我真係諗唔到仲有咩原因要黎呢間服務態度如此惡劣嘅舖頭消費真係要blacklist呢間舖頭

嚟到澳門，唔可以唔試一下呢間葡撻舖 。排隊都唔算排好耐，條隊睇落有啲長，但係排落個人流去得好快。我地好似排左15分鐘都無就已經到我地。入到去我哋就叫咗一打葡撻， 店入面已經有一排整好既葡撻，熱辣辣睇落似岩岩出爐咁。原本以為係一口size，但攞到手個葡葡撻都幾大，要好幾口先食得曬。個酥皮有多幾層，餡料係甜，但中意食甜既我就覺得都幾夾。但真心講，如果我住係附近應該唔會成日過黎食，但去旅行食一兩次係okay既。睇背景你會見到我地係街邊食既，環境衛生認真麻麻。位唔太多，都係街度set up既枱櫈，堂食同takeaway無分別

噚日(15-6-2019 Sat)天晴,又覺得唔係太熱,老公就提議去澳門行吓掃街,去到,第一間要食嘅就係上年12月食唔到嘅瑪嘉烈葡撻,我哋去到嘅時間同上次一樣,但今次人龍短啲,排咗7-8分鐘我哋就買到,用咗$20.00買兩個,Size唔算好細,熱騰騰,因為佢哋一直擺喺櫃內,但今次嗅唔到香味(上次由條巷行入去時已嗅到,唔知係咪因為當時天冷同大風),食落酥皮脆,蛋漿甜同滑.價錢係買6個就$55.00.環境係 2.5分

葡撻個餡叫做正常嘅、不過不失，但係個皮係淋嘅。佢keep住新鮮出爐，但係都可以整到個撻皮係淋嘅，完全理解唔到囉。最伏嘅佢杯奶茶。從未飲過一杯咁難飲嘅奶茶。淡到一個點。茶冇茶味，奶唔奶味。我都唔知自己飲緊咩。

澳門應該係距離大陸最近嘅葡式蛋撻發源地，於是乎過嚟嘗試，結果同大陸嘅口味冇咩唔同，雞蛋味咪好濃，外皮亦都唔算酥脆，整個口感都係平均水平，咪順路嘅唔使特登過來食啦……

兩日一夜嘅澳門之旅除咗要必食豬扒包之外，仲一定要食葡撻。安德魯以前都食過啦，今次就試吓食瑪嘉烈葡撻🥳🥳離遠就見到一條長長嘅人龍排緊呀⋯⋯除咗睇到長長嘅人龍之外，仲聞到陣陣香味，係葡撻嘅香氣啊💕葡撻$10一個，我哋四個人一叫人一個，葡撻嘅皮的確係幾香脆，但係整體上我覺得有啲油膩，食到成隻手成個口都係油😂其實味道都唔錯嘅，但係KFC $6一個好似抵啲🤣🤣🤣不過$10呢一個係大個小小嘅，啲餡多過KFC嘅✌🏻

哈哈哈，朋友推介，去澳門必試，見人流不太多，排下買啦幾時到我呢，快啲快啲買到啦好快接近收銀位置，就快買到買6個蛋撻會抵些，而且有盒裝上買到啦好期待啊，熱騰騰，外形吸引，咬一口，好熱啊味道偏淡，但都好香，酥皮好松脆這間總店好附合老闆娘的風格如果想食濃味就要去食老闆另一間分店啦，濃味分店由老闆娘的老公開啊食完飲杯凍咖啡，冰涼清爽，休息一下，非常開心下午茶好彩我們早買完，我們買完後半小時，見到超多人排隊打蛇餅

和朋友旅遊澳門兩天一夜，第一站當然必要來到聞名已久的瑪嘉烈蛋撻店。店內也有林林總總烤焗的出品，例如有三文治麵包等等，不過人們總是會叫這裡著名的葡撻。單價為十元一個不算是很便宜，可能因為人流多如潮湧，收銀員的服務有點惡劣。鋪外設有戶外座位，但清潔衛生不是很理想。葡撻蛋黃味十足，但外皮比較廷身，不夠爽脆。

只不過短短兩年時間冇去， 今次再去呢需要大排長龍。 多了很多日本人及韓國人來光顧。 老實講我比較喜歡食安德魯， 味道甜些皮也香脆 些。 價錢方面 十蚊一個都算合理的。 唯獨是要企喺條冷巷食， 有點狼狽。

Queued for the pasteis de nata, worth the wait !The queue actually goes quite fast so don’t be afraid waiting, these tarts taste like heaven on earth. Careful if you are or go to Macao on sunday, not many food places or restaurants are opened. You might just grab a set of 6 natas for your lunch. Oh and try to get the vendors to smile, it’s not that easy.

I was visiting a friend from Macau, and she recommended the Portuguese tart from this cafe! Apparently this cafe is known for their tarts. There was barely anyone here when I came at 10am 😮 so we were lucky we didn’t have to wait. Usually there’s a longggg line (according to my friend). It was fresh and hot when I got it. I LOVE the puff pastry tart 😍 (Better than the cookie tart in my opinion lol). The Portuguese tart wasn’t too sweet, so I really liked it! Kinda messy to eat though cuz of the