騎師日本料理

Open Now

Now Closed

去到澳門食野預左洗錢，但有時錢洗左唔代表食物質素可以有合理回報，玩左兩日酒店食日本料理好嘅得一兩間，最後經本地熟人介紹去左呢間騎師試下，訂左位都仲要等一下，舖頭裝修冇太大特別但坐得都鬆動，但最好係有日式卡位包廂坐落都幾舒服，服務員都ok，睇下餐牌基本上所有日本料理食物都有，價錢中上，食物出品的質素都好味及新鮮，以呢個價錢食到咁嘅嘢我唔敢講超值但性價比超高，連食個燒雞泡魚干都可以做到口感鬆化唔死硬，真係唔錯，酒類好多選擇有貴有平，服務員介紹得好清楚，整體上呢間餐廳有90分以上。

十月一日黎澳門玩，預左多人，唯有搵d少遊客去既餐廳食飯。呢間日本餐廳位處民居，係官也街行過黎5分鐘左右。附近有好幾間餐廳，間間都想試。我地見騎師咁多客，就揀左呢間。價錢唔似遊客區咁水魚，如果想食貴野有幾百到幾千蚊既刺身、日本酒，好似我地想食平野，可以叫壽司、拉麵、焗飯都得。侍應服務都幾好，冇因爲我地食平野而黑面，又主動幫我地換碟。食物質素好好，天婦羅炸得好脆，拉麵壽司正正常常。最好味係炸豆腐，外面脆、裡面好滑，大大舊，好快俾我地秒殺左。

趁住周末，一家人又去搵日本好野食，係氹仔搵日式料理店其實都冇咩選擇，大部份好食GE都起晒去賭場，上次去左中廚（騎師旁邊），今次就試埋旁邊既騎師。無BOOK位，所以都預左要等好耐，入到去竟然即刻有位  心情即刻大好服務員既態度都好好，一坐底就好快倒好茶，然後遞上餐牌。點完之後，約10分鐘，拉麵就上台了哇，快到我都唔信。 先講下 什錦鍋仔拉麵，味道方面，不過不失，拉麵我認為偏硬，但勝在材料豐富，除左有大大隻天富羅之外，仲有蛋，蟹枊同菇。拉麵湯偏濃。好快，日式炸餃子就上碟，依個炸餃子真係好食，外面脆卜卜，但入面D汁全部鎖晒係餃子入面，一咬落去D肉汁流晒出黎，正。土瓶海鮮湯，其實貪好玩見佢個餐單有個壺，就叫一壺黎試下，點知有驚喜 ，這個海鮮湯可以飲超過8小杯，湯清甜，飲完之後打開個蓋，發現有鮮蝦、菇、蟹枊、魷魚、帶子等材料係入面，過癮。海鮮炒飯，由於用珍珠米炒，飯干身而且飯粒分明，加上有魷魚粒，青口粒，蝦肉，食落口好有口感。最後不得不提一下這個 黃金焗生蠔，生蠔焗得啱啱好，食落去唔會太濕或者太干，好味。 最後賣單，3個人550有找，抱住個肚走出門口，騎師質素真係幾唔錯，環境闊落而且干淨

位於(乙水)仔花城附近的騎師燒烤美食，舊址位於南新，亦是澳門較有"年資"日本料理之一．新店的菜式／刺身種類比以前更豐富，尤其是燒物更為多選擇．不過今次暫時先選回我喜歡的刺身吧．．．．嘻．鮮帶子刺身　－　很鮮甜，再配上少許的咸味蟹籽，層次更豐富．劍魚腩刺身　－　一如以往的我喜歡濃味的魚肉，劍魚腩油香濃郁，賣飛佛！什錦手打烏冬鍋　－　又是中規中矩的水平，麵質比一般市面咬口感好．叉燒拉麵　－　湯底香濃，但敗筆之處在於配料放了白菜，原本嘗著濃郁的味覺，　　　　　　　忽然被白菜的菜汁沖淡一下．不如換上兩塊海苔還好．