祥記麵家

Open Now

Now Closed

今日起身我已經準備好食乜，尋晚訓之前我已經同老公講一定要再去祥記麵家食，因為上次食過返尋味薑蔥灼魚皮是一定要試，原本怕會腥，但一d都唔腥，配合薑蔥非常爽脆招牌蝦子撈麵係我最愛，唔識點去形容，真的super delicious😋😋而我老公好鬼like叉燒，所以叫左薑蔥叉燒撈麵，佢話好食，但我try左一啖，我就感覺一般。仲有一樣不得不叫，也是澳門出名既食物之一就係金沙炸鯪魚球，有一點令我好奇的係澳門d鯪魚球冇骨，所以我like爆

我認識祥記應該最少有10年，係朋友帶我嚟，朋友話係佢老細介紹食嘅，我次次嚟都會食佢哋嘅招牌蝦子撈麵同埋蘿蔔，仲食過豬手都好夠味。祥記嘅蝦籽撈麵真係無得輸，食完哩間跟本出到去食嘅完全全無得比。蝦籽夠多，啖湯夠鮮甜，次次都會1滴不漏咁完全飲哂😂😂祥記嘅蘿蔔同埋豬手好夠淋身同入味，簡直係有阿媽嘅味道記得有1年過嚟食完後好想買幾個麵餅返香港，個收銀話師傅手痛做唔到咁多唔會外埋麵餅。之後我都唔會再問這個問題，因為心知手麵會好辛苦。希望師傅有時間的話要好好休息😘😘

朋友試過祥記蝦子麵回味無窮，帶我地黎試下係咪真係咁好食先！不過我地到達時有小人龍，所以去左附近食少少小食再黎，即刻入得果然好多蝦子加上蔥香，真係好吸引，仲貼心咁剪開兩份方便share然後叫咗個炸雲吞同炸鯪魚球，雲吞唔太大粒，入口剛好鯪魚球平時怕腥唔鍾意食，炸左之後真係好好食仲有一份爽魚皮，爽口又唔腥，送麵一流綜合黎講全部都好食，只係價錢略貴。

去澳門都會必去祥記麵家，餐廳地方不大，每次也要在門外排隊等候，今次大約等了15分鐘便入座蝦籽撈麵- 竹昇麵唔會太淋太硬，再加上好香既蝦籽，一流不過蝦籽既份量好似一次比一次少。右邊既豬手撈麵- 豬手好淋好入味左邊既香酥呑球- 必食之選！每粒雲呑都有至少兩隻蝦，而鯪魚球外脆內軟，魚味十足再加上送既蜆介醬薑蔥灼魚皮- 份量較少，不過簡簡單單的煮法，已經很美味

去完添發食魚翅，向前行就係祥記麵家。食過幾次，第一個感覺係份量太少！但無所謂啦，反正食完翅，份量少d留肚食其他野。雖然份量少，但每款食品味道都唔錯。係香港一向唔食麵，好怕果種鹼水味，但哩到d竹升麵，一d鹼水味都無，蝦子鋪係麵上面，可能蝦籽貴左啦，感覺蝦籽份量唔夠，自己中意食蔥，如果多d蔥花更好。炸鲮魚球外脆內軟.水準之作！不過蜆介醬要另外加錢。缺點係店鋪唔大，多幾個朋友坐會有難度，價錢唔算平，份量唔大。

第一次黎唔洗排隊，好滾動呀😆親愛的話依間係每次黎澳門必食，我就梗係跟著食啦😙老店鋪地方唔多，所以逼逼地溫馨啲坐啦😂必食招牌~招牌蝦子撈麵😍 麵底唔太乾，亦都唔太濕，岩岩好。竹昇麵由人手打做所以好彈牙爽口，冇咩鹼水味，食到有啲麻油花生香，而且蝦子超級多，撈埋就perfect👍後記: 今日食野見到有檯人真係好無禮貌，坐底冇5分數就係禁喺度嘈🙈 其實見到啲員工都忙到踢曬腳，比少少耐性等一等都可以姐，淥麵時間都要啦😪而且啲員工年紀比較大，偶爾做漏一樣半樣嘢在所難免，比少少耐性，自己又食得開心，人地返工都開心啦👼

The place has been on the Michelin Bib Gourmand list for a few years so I was excited to go try. Boy was I disappointed...... I kept asking myself how can this be on the list.... Wontons were so small and the soup had no flavor. Noodles were too soft lack of the crunchiness what egg noodles should taste like. Disappointed.

蝦子撈麵$40依間係我每次去澳門必去既地方，而佢既招牌蝦子撈麵亦係我必食既菜式！依度既麵全部用人手用竹壓製成既竹昇麵，竹昇麵比較幼身，咬落去比較爽口，口感唔錯，而且即使浸係湯裡面既麵唔會好快'淋'哂，唔錯唔錯～👍🏼👍🏼雖然份量唔多，成碟野得蝦子同麵，但係蝦子好鮮味👍🏼唔會太淡味亦唔會太重口味！難怪係佢既招牌菜haha搞到我每次去澳門麵食佢！

咁鬼多人排，以為好食。點知又係伏....好失望。叫食雲吞撈面(MOP 32) ，不知所謂。雲吞超細隻，完全食唔出係嘜料，可能連原隻蝦都冇，食不知味。面團發得極漲，目的想整飽人，但係面既份量又少到離譜，夾兩下就冇左。落左醬油，唔知係嘜油，醎又唔醎，唔知想點，用黎調色又唔好睇....點整都係衰。整碟油菜(MOP15 )，份量好少，好唔值。坐又迫，又趕人走。仲衰過返工俾老闆鬧。真唔明點解話好食。越出名越難頂。

來過此店多次一般我都會選擇食佢既蝦子撈麵, 無他佢地既蝦子真係好香配埋個清湯..中午見到店內仲未多人就走入去食個午餐, 今次選左蝦子薑蔥撈麵,好彩麵同湯分開, 同樣做得出色。淨雲吞冇香港永華咁好食，芥蘭好甜豬油好香，同香港果啲都好唔同！

澳門食午餐ge 選擇好多，經搜尋一下就決定食呢間出名蝦子撈面ge 祥記。餐牌簡單確，一張雙面。薑蔥灼魚皮 $15由於係小食ge關係比較細碟，味道用簡單豉油熟油調味就已經好美味。呢碟魚皮係熱食，所以魚皮質感無甘爽口。豬手撈麵 $32 豬手唔入味，比較硬身，難似咬斷，味道一般。撈麵麵體本身就不錯。金沙吞球 $42炸雲吞同炸鯪魚球雙併。不愧為招牌，炸雲吞皮酥脆無油溢味。蝦仁都有2-3粒鯪魚球好彈牙，有魚味，點蜆芥絕對是絕配。左邊蜆芥 右邊甜酸汁叫左支可樂盛惠102蚊

每次必吃的蝦子撈麵變了，一上枱竟然有花生香味，仔細一看蝦子混合了很多不知明的東西，看似花生末，很失望。幸好，麵的質地仍然很好，彈牙之餘沒有醶水味。希望祥記堅守優質傳統獲味。

澳門必食第一彈 - 祥記面家招牌菜: 豬油撈面招牌菜- 蝦籽豬油撈面, 撈面爽、滑、夠味呢碟係一碟令人食唔停口的撈面南乳豬手 - 豬手炆得入味, 鬆化, 軟綿綿咁的, 十分十分之好最後一味 - 淨雲吞! 比起香港麥奀記有10萬8千里的距離, 完全唔合格下次再黎我淨係會食撈面………

每次黎到澳門行經新馬路呢邊一定會幫襯呢間老字號,米芝蓮車胎人已經唔係宜家先知喇!星期6, 日黎呢度食真係好多人幫襯, 一定要排隊先可以食到. 今日幸好係平日而且唔係食飯時間所以少好多人(必食推介)招牌蝦子撈麵, 每次我都會食呢個招牌撈麵, – 佢唔係平時香港人食開既雲吞麵麵底, 而係『竹昇麵』招牌蝦子麵 MOP 32『竹昇麵』以人手製作, 食落好香蛋香味, 而且冇任何既鹼水味, 口感彈牙不黏口配埋呢度老闆親先炒既蝦子一齊食再加添一份香味, 真係超正!薑蔥灼魚皮 MOP18今次另外叩左佢個魚皮, 新鮮既魚皮食落同一般來貨既明顯好唔同, 口感好QQ,新鮮關係會食到有魚脂味, 而且魚皮好厚身, 只有新鮮既大魚先可以做得出, 正!老字號而且保持水準！

祥記的蝦子撈面聞名，每次經過也見到門外大排長龍，的確還記得4-5年前首次到訪時真的是食過翻尋味，是夜到訪大三巴後，來到新馬路一帶追尋昔日久違了的味道.......由於已近10時，接近打烊，幸好還可以入店進食，不過全店只剩下我們一台人，有點不好意思。雖然有其他麵供應，不過到訪的目的主要就為了招牌蝦子撈面MOP$32，二話不說即點了一客。蝦子撈面精髓當然盡在上面的蝦子，近鏡望望，滿滿的蝦子鋪在麵上，非常幼細，望落有點似魚糧，賣相可不錯。雖然鋪滿蝦子，但味道平平無奇，還記得初次來的時候，吃得出很香的蝦子味，而今時今日的麵條亦稍遞，雖然硬得來比較爽口，亦沒有鹼水味，但太過乾身，難以咀嚼，幸好沾上旁邊的湯，稍為濕潤易入口M這次到訪，水準有不如以往之勢，只能說味道不過不失，沒有以前的味道，以失落的表情走出店舖。