安德魯餅店

Open Now

Now Closed

第五站 -- 安德魯~wawa~ 原來一落巴士就已經係啦~都幾易搵~~舖頭俾人一個舊舊的感覺但入面賣gei 野一d都唔舊~因為太太太飽加上上一餐一肚氣gei 關係真係即場食唔落...唯有外賣返hk 先食啦~~~葡撻, 係屋企叮返熱黎食~ 熱辣辣, 外層脆卜卜, 入面滑一滑, 正呀!!朱古力撻, 其實好似曲奇皮包住brownies咁lor~ 都幾好食wor, 好香濃gei 朱古力味~ 曲奇皮又脆~ good! 不過, 一定要同人share, 如果唔係會好漏~~ Mud cake, 超濃朱古力味!! 隔住個膠袋再隔住個保鮮紙, 都依然時不時傳來一陣陣的朱古力香~ 個cake 好spongy, 好rich~ 入面有d nuts, 令佢味道更豐富, 正!!大力bar, 好似energy bar 咁, 不過, 甜左d, 呢個麻麻~~貝殼形的曲奇 (定蛋糕呢? 唔知, 唔記得個名~), 呢個出奇地好食wor~ 外層少少脆脆地, 入面就好似蛋糕咁gei texture, 正! 後悔做咩唔買多幾個!!??Lemonade, 即場飲左, 酸酸的, 消暑解渴, 正!!!店員亦都很friendly~會好落力

** 此 食 肆 的 第 十 八 個 笑 **(25-10-08 Sat)同男友食過馬介休好飽,臨走時,佢話一定要食葡撻,於是買o左兩個(怕面檬),重買杯草莓乳酪,佢食o左葡撻先,佢話飽都一定要食,因為真係好正.我食一口,嘩!個皮好脆好脆呀!餡又好滑唔太甜,真係好好食.而草莓乳酪,男友竟然冇諗過畀我試,佢話酸,但我要試,飲落又唔係好酸啫,不過草莓唔多.

7元的葡撻, 簡直是人間享受, 去澳間必定去試! 不知幾多層的和口脆皮, 一點點焦黒面的蛋漿, 吃下去熱哄哄的湧入口中, 充滿甜甜暖意, 必去! 香港已很難吃到好味的葡撻了...

現在去路環，已經唔算難事，由氹仔威尼斯人酒店外面搭21A巴士，easy！如果唔係响市區搭25、26A，依舊要坐得耐d啦！對於安德魯開ge第一間cafe，一直有一份情意結。記得05年去餅店「朝聖」，有幸遇著老闆安德魯（可能佢成日係度），仲發現佢後面轉角對海，有間「安德魯咖啡店」正籌備開張，當時不知幾開心，恨不得新店即開，因為好想好想一邊飲熱咖啡一邊趁新鮮食正宗葡撻，咁就唔洗响對面廣場d公眾石枱度，一邊狼狽吹風飲可樂送熱葡撻。一恨兩年，家陣細咖啡店固然開左，安德魯過身後，佢個妹仲响對住圓環開埋大店「安德魯花園咖啡」。細店安德魯咖啡店好細，估計最多坐到廿人。叫左latte同蜂蜜果茶（有十幾廿種果茶包任你楝，都幾high）配葡撻。朱古力撻佢地話係安德魯特別為左韓國開第一間franchise而創作，俾面買一個試下，以為好甜。點知朱古力足之餘竟然唔算好甜。另外佢個椰子xx餅，就好香椰子同果實味道，我都好like。原本仲想叫三文魚bagle，可惜賣哂！店面向西面的海邊，下午陽光斜斜透過小木框落地玻璃窗進入店內，光影冉冉，滿室ge葡撻、咖啡香，欲靜還動。咁ge情景、咁ge野食、咁ge温度、咁ge時間，

本人是蛋撻的粉絲﹐自從多年前 "安德魯" 在香港旋風式地曇花一現後, 亦愛上了葡撻。只怪港人 "要懂後悔時方恨遲", 有的時候不懂得珍惜, 現在唯有山長水遠走過來澳門﹐還要長途拔涉走到路環﹐才可一嚐高質的葡撻。因此﹐每次來澳門﹐一有機會﹐便會來到路環吃葡撻。每次下車﹐看到安德魯的門口﹐總有一種莫明的興奮。今次到訪﹐發覺物價真的上漲得很快﹐記得上一次來﹐葡撻還是售五元左右﹐如今已變成七元一個。葡撻貴了﹐但味道依然不變﹐這趟還 "有食神"﹐一入門口便遇上剛剛出爐的一批﹐拿上手時仍然熱辣辣﹐差點會燙傷手那種..... 微焦的表層﹐鬆化的蛋漿﹐香脆的酥皮﹐絕對無懈可擊~不奢求 "安得魯" 重返香港, 只求 "他" 在早日在澳門市區開一家分店吧~

我想路環呢間安德魯有正宗既澳門葡撻，不過間鋪唔係咁顯眼，差d miss 左，大家搵呢間鋪要留心小小，不過可能我唔認得路la。除左買左幾個想食好耐好耐o既葡撻試之外，仲試左佢個，好有朱古力味，係一個吃朱古力的新體驗。講番個葡撻，又香又夠熱，而且d酥皮好鬆脆，唔會話好膩，而且都唔太油，蛋漿亦焗得有些夠燶，不止有焦糖的甜香，仲好有蛋香味。如果唔係驚佢碎，真係想買番半打返屋企慢慢嘆。原來佢地仲有cheese cake 賣，不過諗住cheese cake 香港都有bakery整得很好吃，就冇試la。下次要再o黎食過!!

去安德魯, 人人都會吃葡塔但除葡塔外, 它的芝士餅亦很不錯, 本人試過blueberry 味, 質感實, 不易散, 面層的blueberry 粒加醬令cheese cake 味道融合得十分好, 葡塔加cheese cake, 絶對是完美配合, 一個很好很飽的下午茶p.s. 我是去轉角的安德魯咖啡店的, 店小但人亦較小cheese cake另有其他味道可選，如原味, 香橙朱古力等

拿, 澳門最正宗最始祖既安德魯葡撻, 就係路環呢間了, 唔係車我同太座去路環譚公廟既的士司機講 我地都唔知,行完廟, 沿路出番去餅店. 希望一試正宗葡撻係點啦.於是就買左兩隻葡撻一隻朱古力撻試下.葡撻 好油?原來唔係KFC既"植物牛油" 仲好有牛油雞蛋香味添 熱辣辣簡直係享受.朱古力撻 好香朱古力, 但一點都唔滯 甜度剛剛好.除葡撻 朱古力撻外 呢度仲有好多特別飲品, 可惜我腸胃唔好,唔敢試. ^^

話說嚟個食評應該係1年前打......嗰時小弟跟阿爸阿媽過大海,3日2夜,食過佢老婆(瑪嘉烈)嘅葡撻,都唔錯,今次要試下個老公雖然地方偏僻d,但d野食真係好好食葡撻:超正!係小弟食過最好食嘅葡撻Latte:正!個樣好掂,飲落仲掂煙三文魚bagle:個飽硬左小小而且個環境真係好靚,去馬交有時間就去嚟度relax下!人生一大樂也!

第一次到澳門試過瑪xx葡撻, 覺得很好吃而已第二次試過安德魯... 之後每次到澳門, 都一定會來一趟雖然店的位置比較隔涉... 但一試難忘, 成為了情意結酥皮十分十分酥脆, 看上去很厚, 其實內裡的皮很薄, 很多蛋~ 牛油香而不覺膩, 蛋漿滿滿的, 十分滿足個人覺得安德魯比瑪xx 的少油, 吃完手指頭不會滿是油的買了些回家, 用焗爐翻熱, 仍是很美味... 朱古力撻內是類似brownies的蛋糕, 皮是曲奇餅皮外面硬而裡面軟, 朱古力蛋糕表皮是薄脆的, 感覺很特別朱古力味濃, 不是假的甜味, 愛朱古力的人士應不會失望

本身係諗住去試瑪嘉烈既葡撻 , 上網睇人地介紹個個都話安德魯比瑪嘉烈更好食 , 咁我地當然就聽取食過既人意見 , 去試呢一間更好味道既。 葡撻 ~ 單賣售價MOP7.00 / per 1 , 四十蚊就有半打 , 以呢個價錢買一個咁好味道既葡撻都算好抵 , 雖然食個陣唔係熱辣辣 , 但係層撻皮仲係好脆口 , 蛋漿亦烘得夠"火農"而且又唔會太甜 , 我相信如果係新鮮出爐會更加冇得彈 , KFC個d葡撻真係可以當做垃圾回收啦 , 簡直係差天拱地點同人比 , 不枉我地山長水遠專登入路環總店一試。

話說放大假, 冇乜銀兩......坐新渡輪豪華位過大海去馬交行下.......去完大三巴, 即刻坐巴士去路環.落車, 首先走去教堂影下相, 之後行番轉頭, 見安德魯冇乜人, 趕快入去買兩個葡撻加杯凍檸茶, 嘩, 正......雖然個撻有少少凍左, 但不失蛋味, 酥皮烤得剛剛好.同香港KFC冇得比.

山長水遠入到黎就係為左個葡撻~~ 有咩咁吸引? 梗係因為好食啦~ 厘度D葡撻好多人買, 所以成日都可以食到剛剛出爐熱辣辣既葡撻! 個葡撻D穌皮好鬆化, D蛋上面好似有層糖衣咁, 真係超好味~ 食完一個會想食第二個~ 一流~ 之前都食過瑪嘉烈的, 都唔夠厘度既好食~ 黎澳門唔食番個有水準既葡撻而點得呢?

嘩！真的好好味，雖然買時熱，但有好濃的蛋味，我買了半打同朋分享(因為四十元，平二元)，過地點就太遠了，不就腳！

我係路環人, 所以呢間o野我都食o左好多年, 我係寫佢餅店, 唔係寫cafe. 我覺得佢d芝士蛋榚最好食. 朱古力BROWIE都好正. 其他果d都無咩特別. 蛋tart不如響香港KFC買, 重好食! 佢D好鬼油, 油到離曬譜. 豬仔包都過得去, 三文治勁普通. 特別提醒大家, 佢D飲o野超貴, 你過對面馬路行二十至三十步有士多, 差好遠價錢嫁!