南屏雅敘

Open Now

Now Closed

久聞南屏三文治的大名。 特地來試試。 三文治的確很吸引。 所謂南屏三文治， 是叉燒火腿蛋治。 饀又大又厚， 新鮮制的， 當然好食。 第二美食是沙翁。 這些懷舊沙翁， 真的買少見少， 年青一軰， 一定要試。但講到第三樣呢？ 慘， 詞窮了。 試了辣魚麵， 又鯹又咸又唔辣。 想講下菠蘿油， 又凍又硬牛油又細薄。 咁不如講下咖啡， 同出要快餐店差唔多， 無咩好講。 咁先發現， 原來是沒有其實好食了。不過一定要讚的是員工，有老牌風格。 一開口就叫你落單要一次過講， 唔好逐樣叫， 浪費佢嘅時間。 但你講得快佢又甩單， 所以去呢啲嘅餐廳， 一定要配合佢哋嘅節奏， 不則盞畀人鬧。

之前已經試過這間茶餐廳，食物一般般，不像傳聞中的那麼好食。這天打算買個麵包做早餐，自問已有禮貌地說「唔該」，起初以為那位戴眼鏡的大叔聽不見，再說多聲「唔該」，然後他才慢悠悠加語氣不好的說「唔該什麼」，我說要一個小波蘿包，他夾了放進袋子後便拋在桌上，波蘿包差一點就掉出來，他給我找續時也是態度很不好的。另外，以這間茶餐廳的早餐價錢來說，是不值的，附近有一間（繼續直走到尾）比它更好食的，服務也比它好！！

慕名而來，失望而回。出名的沙翁完全不覺得有什麼特別。要等了10多分鐘，但來到的卻是冰冷的，不鬆化的沙翁。😱想叫蛋橽但她説沒有，但過了10分鐘隔離枱在食及店員大叫有蛋撻。☹️南屏治及奶茶比較正常。落單從不記枱號，食物到時店員就大叫譲大家各張枱去搶，說遲了就不是你的。食物質素真係非常普通，任何一間正常的茶餐廳都在你水準之上。碰到的不知是不是幾十年前茶餐廳古舊風格，但恕我不懂欣賞，也不會再來。如果來懷舊或體驗一下，拍拍照或飲杯奶茶便可以。

南屏雅聚南屏三文治(27)只可以來影相，食物一文不值食完安德魯最正葡撻，去網上介紹的老店南屏雅聚懷舊一下。鋪外面和內面都系老裝修，廚房仲有一部好舊的上下層運輸用的運食物電梯，連伙計都系有番咁上下年紀同脾氣，睇你中吾中意啦！我就吾系來受氣啦！廁所就系廚房旁邊，又水汪汪，衛生可想而知啦點左個網上推介的南屏三文治，其實系火腿叉燒蛋三文治，用來影相都可以呢下，食落就乜都吾掂，麵包，火腿，叉燒，蛋都無味。杭菊茶一飲就系用粉開水，無意思嘍。

南屏雅叙位於十月初五街一個簡單又美味的早餐十年前食過他們的叉燒蛋治便念念不忘十年後原本想再重拾記憶誰不知叫錯了腿蛋治下次再嚟的話我會食南屏三文治特別的三文治餡料超厚，白麵包夾滑蛋和义燒跟火腿，平價又好吃

呢兩日嚟澳門玩住近十月初五街，呢邊太多美食，夜晚仲有康公夜市，超方便🤣一睇呢個門面就知道係好有歷史嘅餐室啦門口放滿各式包點，大大個絕對唔係空心包，而且價錢都係$4-$8，尤其沙翁好多人都食連menu 都懷舊過人🤨食到一半財神到，侍應老闆急忙上前接財神今次叫咗個南屏通粉，有火腿雞蛋同义燒，講真味道屬正常，唔會有好大驚喜，不過就係食呢種情懷吧！奶茶茶濃幾香滑，見到餐室人來人往隨咗慕名而來嘅遊客其實更多係附近老街坊

《南屏雅敘》 #食在澳門 #新馬路📍新馬路十月初五街85-85A號地下-放假去唔到旅行就黎澳門搵野食 相信大家都對呢間餐廳唔陌生 相當舊式嘅冰室/茶餐廳 唔錯嘅🔹南屏三文治 $27其實姐係綜合三文治 有厚蛋 叉燒同火腿，蛋夠香仲幾滑 叉燒用瘦叉 火腿厚切 算係最好味嘅一款🔹叉燒米粉 $23同三文治嘅叉燒一樣 其實都幾唔錯 加埋旁邊嘅辣椒油 同平時嘅唔同 比較香D 唔錯 價錢都唔貴 份量亦唔小🔹蛋撻 $6外表唔討好 但雖然凍左味道都唔差 只係偏甜 好似葡撻咁甜 可一不可再🔹巧製地捫咖啡 $15其實我平時唔飲有奶嘅咖啡 不過既然佢係呢到嘅特色之一 咁就試返個原味啦 ok嘅 同一般茶餐廳有明顯嘅分別 啡味幾出 淡奶比例都控制得幾好 但未必會再飲🔹杏仁奶露 $15鐘意飲杏霜嘅朋友仔一定鐘意飲呢杯 平時我會覺得杏霜好臭 但呢杯又唔會，有d作病飲完即刻無事 （雖然唔知關唔關事😂😂🍴7/10

這店有朋友說必試，今天一併來試看看。🌈點了一個南屏三文治 $27個個都點這個，我們也點了一個試試。鬆軟的白麵包，夾上煎蛋，叉燒和火腿。煎蛋份量頗足，咬落香口但偏油膩，好吃但沒有驚喜，像一般的茶餐廳，未知道出名的原因在哪。🌈熱奶茶點了杯茶餐廳必點的奶茶，一看顏色就心想咁淡嘅？呷了一啖，真的奶味多於茶味。是香港茶餐廳的奶茶太濃嗎？這杯真的很淡，失望。試過後，未能理解這店出名的原因，態度普通，三文治普通，奶茶普通試過就算。

周末上午留係澳門執下屋先走，順便食下位於屋企樓下既<南屏雅叙>~~<南屏雅叙>係澳門第一間設有冷氣既茶餐廳，位於十月初五街，隔幾個鋪位有同樣出名既雞湯米，同另一知名食店<牛記>~~門口設有一個小窗口，售賣各樣麵包，每日朝早路過買早餐返工既街坊唔少（包括小弟）~~由於餐廳已經植根十月初五街多年，已經成爲好多老一輩街坊日常食住茶餐睇報紙，及同街坊吹水既聚脚地~~所以黎尼度，首先應該有一個覺悟，就係今時今日既<南屏雅叙>係食氛圍、食歷史，味道反而係其次~~黎到<南屏雅叙>，好多人都會試佢地既叉蛋治。。。由於小弟早餐加埋午餐一齊食，所以順路搭多個咸餐~~~咸餐包括一份腿蛋方包、火腿通粉同一杯飲品~~~先講腿蛋方包，以當日質素黎講，煎蛋用油稍微重手左D，火腿如果稍微再加熱會好少少，而火腿通粉則同其他一般茶餐廳無異，反而凍奶茶因爲茶同奶既比例幾好，飲落下甜度剛好之余仲OK滑~~至於另外叫既叉蛋治就真心推介，即叫即炒熱辣辣既蛋奄列包裹住微熱既蜜汁叉燒，叉燒偏瘦但帶少少肥肉，兩者加起上黎食落去感覺豐盈，既有蛋汁亦有叉燒既甜

早上興高采烈來到這裡，準備依照openrice指引飽餐一頓，結果上來的雞翼出前一丁上面有一隻炸死的小強⋯⋯⋯⋯⋯瞬間食慾全無⋯雖然是老字號，我也對廚房衛生沒有期待，但這也有點太過分了！

早已聽聞這家位於十月初五街的懷舊茶餐室，這次來澳門怎能錯過呢！離大三巴牌坊遊客區稍遠，但也是可步行到達的區域，幸好地點不難找。這次被安排到上層座位。實不相暪，這是我們第一次食沙翁。外面沾滿白砂糖，整體都偏甜的。而且有點冷掉，熱食應該會好一點。豬扒公仔麵根本就是以前中學小賣部出售的公仔麵一模一樣！只是沒有豬扒的版本。稱不上美味，吃的應該是一份懷舊感吧。最好吃的就是南屏文治，即是叉燒火腿蛋三文治。選用的火腿較厚身，叉燒偏瘦亦好吃！即叫即做，餡料足，簡單美味！地捫雜菓冰，就是罐頭雜菓，加水和冰塊而成。熱咖啡亦很一般。飲品不太令人滿意呢...說實在的，在這裡用餐，要有心理準備不能太介意環境衛生、侍應服務、漏單等問題。個人認為值得一吃的就只有三文治類別。

一直比較喜歡各種的地道小店和老字號一來老店見證過的歷史令人着迷二來小店更有人情味而這家正好滿足了這兩項條件而且聽聞一直深受本地人歡迎就算地點不近遊客區也吸引不少遊客專程來一嘗地道的風味在香港我一直喜歡到冰室茶餐廳感覺比連鎖式的更好所以難得有機會怎麼可以不去一試在網上資料搜集的時候還擔心會難找可是原來沿著議事亭前地的大馬路一直向前找到十月初五街轉進去然後繼續向前走很快就會看到她完全不顯眼非常低調的門面可是只從外觀已經能深深感受到這家店的歷史門口處的玻璃櫃放滿了自製的各種麵包菠蘿包雞尾包餐肉包卷蛋等等推門的瞬間就像是上了時光機回到了好幾十年前雖然去的時候完全不是飯點連下午茶時間也過了可是還是坐滿了顧客沿古舊的樓梯上了閣樓找了個位置阿姨就主動過來問想吃什麼點了最有名的南屏文治因為接近廚房和樓面下班時間所以文治就沒有烘底下單後不用十分鐘熱烘烘的文治就上桌了份量很足厚厚的奄列包裹著同樣厚身的火腿和叉燒加上薄薄的麵包拿上手還帶著熱氣真的是即製而成一口咬下去絕對的驚艷蛋香佩上火腿的咸味和叉燒的微甜真的是招牌沒有錯蛋不會過火 還有蛋汁讓麵包吸收火腿的厚度為三文治帶來更豐富的口感叉燒份量也絕不欺場 而且

我們第一次結伴離開香港，來到澳門。第一站，先吃個早餐。從港澳碼頭搭十六浦的穿梭巴士，落車後走少少路就到了。單是門口已充滿懷舊感覺，尤其是牆上的一粒一粒磚，喚起兒時回憶。裝潢古舊卻止理，近門口有各種麵包。金黃色的沙翁很吸引。杏霜很濃，真正的杏仁奶，就是有這奶香。叉燒蛋治對叉燒沒抱太大期望，沒想到它切成薄片，即使是瘦叉燒也不嚡不韌，帶很微的蜜味，為炒蛋加點口感。炒蛋又厚又滑，少少濕，既適合喜歡炒熟至乾身的他，又適合鍾愛濕又滑的我。白麵包看上去普通，不算鬆軟濕潤，但都不太差。牛肉反而不及有少少蜜味的叉燒好吃。吃完令人滿足的早餐，再出發去下一站，吃午餐！

今日去澳門飲飲食食 食完晏又無乜野搞 去呢度懷舊一下 順便tea 一tea 食下茶記好野食話明tea time 緊係要叫返杯野啦 茶記出名水滾茶靚 叫杯咖啡☕️一試就知龍與鳳 的確 茶濃既咖啡 係寧舍不同 平時會叫多奶 今日反而唔想多奶想試真d茶味 正😝食個蛋糕🍰仔 好香好濃蛋味 好軟新鮮出爐葡撻 唔係唔食麻 個皮可以再鬆化d 蛋就夠多喇 最後緊係試埋個蛋治啦 蛋的確好出色 好香 但同以前比 個蛋治好似縮左少少水 以前大份d ga

幾年前同朋友黎過一次，印象好深刻，所以今次就帶屋企人黎試下。一睇門口就知好懷舊啦。我就鍾意坐樓上多啲既，所以一黎就行左上去。枱面會放住張餐牌，佢冇套餐既，所以所有野散叫，一個人都大約4 50蚊。南屏文治南屏姐係間舖個名啦，入面包括蛋叉燒同火腿。個叉燒一啲都唔乾，蛋又夠嫩，咁樣既配搭超好食。滑肉波蛋出前一丁個麵同湯底味道適中，唔太咸。啲肉好嫩，有沙嗲牛肉麵既感覺，可惜個蛋黃唔係生既，我鍾意食生蛋黃多啲。南屏出前一丁都係南屏，所以材料一樣，但份量就多過文治啦。個叉燒一樣唔會乾淨淨，好好食。呢到既奶茶係葡式奶茶，飲慣港式既可能會唔太習慣同鍾意，但我係覺得okay既。沙翁真係好奈冇見過冇食過，點都要叫番個黎食下。味道我俾6 7分，但懷舊程度就10分滿分，真係唔係到到有呀。菠蘿油係冰火嫁。佢會整番熱個菠蘿包，再放舊凍冰冰既牛油入去，黎到既時候牛油已經有一半溶左。講真，冇話特別好食，同其他差唔多，係多左個feel姐。推薦同屋企人黎下，呢類咖啡室真係買少見少，聽下佢地既故事。同輩年輕既都黎下，可以睇下以前只係係電影見到既咖啡室，食一啲唔係周圍都食到既野。