新陶陶酒家

Open Now

Now Closed

中秋節和家人來澳門慶祝，預先這裡訂位和預定永遠都好味的鹽焗雞連雞什。其他小菜都好好食。最愛咕嚕肉，肉崧蒸水蛋超滑，粟米魚肚羮，喜歡翅的這裡亦很超值，蛋白蒸蟹亦出名。餐廳唯一要注意是沒有電梯要行上去的。

幾年前來過新陶陶食魚翅，印象唔錯，所以今日再來，點知谷氣到爆！叫了個最出名的雞包翅，$980!點知中招，翅少左好多，漿粉水就杰達達！味道有少少苦！咁既價錢，是旦係香港一間酒樓食最平的翅都好過佢，都唔知為乜來食！叫左個蠔王北菇，北菇冇味，又係得個杰達達的漿粉水！不過已經係最好的一樣食物！最後一個係咸魚肉餅，豬肉有怪味，唔新鮮，咸魚薄薄如紙！食完餐飯已經覺得被搵笨，埋單時仲激氣，我聽唔清楚幾錢，以為找小左，我好客氣問左句，點知個老闆好惡，碌大對眼啤住我好大聲咁講：1,273呀！嘩！使唔使咁惡呀，咁客氣問下咁都唔得！今時今日咁既服務態度，真係頂唔順，只好講一句，永不回頭！回到酒店，個肚好唔舒服！唉！

幾年前朋友帶過我黎食雞湯翅, 令我印象最深刻的不是翅而是酒. 在地下行上樓梯時, 係中間已經聞到好強烈的中國白酒香味, 上到去坐低原來旁邊的人在開五糧液, 酒香真係覆蓋全場.今次再黎搵食, 估唔到又係上到樓梯中間又聞到酒香, 係白蘭地既香味, 原來有人開軒仔XO. 一路食飯一路聞到酒香既感覺好正, 好似唔駛比錢有酒飲 因為對上一次已經食完葡國菜飽住個肚黎, 4個人食左煲翅已經飽到想死, 食唔到其他野. 今次黎主要想食既係水蟹蒸蛋, 點知哥仔話無, 得奄仔蟹2食. 就叫左薑蔥炒蟹, 蟹蓋蒸蛋, 紅燒包翅, 雲腿蒸雞.  肚子係今晚真係非常滿足, 奄仔蟹蒸蛋真係太美味.

晚飯去了氹仔新陶陶食中莱！叫了涼瓜牛肉，咕噜肉，粉絲蟹煲，待應叔叔話隻蟹可兩食，拎個蟹蓋去蒸蛋！上了年紀的待應叔叔仲好好 service!但我不大喜歡D坎汁，太杰身！但蟹兩味是不錯的！三個人都捧住個肚落樓！我和99 還嚷著要食木槺布旬，買下了边行边食返酒店！

之前約咗幾位香港朋友—齊過澳門食翅兼遊玩，終於揀咗呢日過去由於亨利仔之前於澳門工作咗年，食盡唔少好嘢，當晚就約咗五位朋友去呢間酒家聚會，由於唔熟路，—到碼頭就跳上的士呢條街，大部份都超過七十年歷史，好有懷舊feel，去到酒家，留意到附近嘅食肆都係將厨房建於門口奇怪…，雖然係舊式酒樓，但係就比人—種好懷念嘅感覺去到，主人家亨利仔己好客氣咁點咗幾味佢推介嘅餸:1)雞湯翅煲:好濃嘅老火湯雖然雞味唔夠香(可能用冰鮮雞)但每碗都有一大注魚翅，好味2)金華火腿雞:原隻雞去骨斬件，於每件雞上面放上—片金華火腿，雞肉雖然清淡，但加埋金華火腿—齊放入口，咸香提味，正呀，可惜嘅係多口嘅蝦餃仔就食到果隻起咗骨嘅雞有雞湯翅味，隻雞係湯渣，但味道真的不俗3)膏蟹蓋蒸蛋:膏質甘香飽滿，蒸熟後放入加咗牛奶嘅蛋漿，超滑，火喉控制—流!4)薑葱炒蟹:夠鑊氣，油小，Ok!5)炒龍萣球:肉質太鬆，七成熟6)龍萣頭骨皮煲:有冬瓜及，·好味見隔離張枱果碟幾靚，再加多味:7)菠蘿咕噜肉:同隔離唔同，因由兩個唔同嘅師博炒，略差，但特別嘅係用酸薑、橋頭炒，好懷舊，味道就普通成餐飯食完後並無某道餸有重味精嘅感覺，難得難得!亨利仔埋單:

先后已到新陶陶十次八次了。首次是親戚帶我來的, 吃的是翅及蜆仔蟹 (涼瓜炆蟹及蟹蓋蒸蛋。自此每到官也街, 一想起食中菜便會到此。涼瓜炆蟹, 蜆仔蟹非常多膏, 膏與醬汁混而為一, 拿來撈飯真是極品。蒸蛋滑, 而蟹蓋亦留有大量肥膏, 因此香滑不膩。蔥油雞, 沒有肥脂, 新鮮雞味濃郁。薑蔥牛肉, 由於夠火喉, 故此爆得香噴噴, 牛肉剛熟, 夠稔, 而且肉汁滿溢, 非常可口。咕嚕肉, 不似出面的食肆般, 層粉厚過象皮。入口只得粉糰一堆。這裡的咕嚕肉採用半肥瘦的豬肉。入口沒有肥滯的感覺。

今次嚟澳門, 就係想食呢個雞煲翅, 已經好幾年無食了, 好多人都覺得新陶陶貴, 但我又覺得okay 啦, 起碼品質不錯, $800是最小的order, 我們兩個人食, 再加碟青菜, 飽到唔識走. 最後重order 咗個鋦禾蟲帶回香港添~

延續生日月活動去澳門，除左有得去橫琴食蠔外，因為有姐夫照，仲去食個好味鮑翅，作為一位澳門常客，新陶陶座的士就經過好多次，但今日終於有機會試吓：　高湯雞鮑翅：我唔識分啲翅靚唔靚，八佰多銀，應該靚，但個湯真係雞味濃到不得了，連平時要三崔四請既小朋友都係咁添食，以細路仔唔講大話既理論，就知呢煲翅靠得住再嚟個大班兩味　西芹炒班球：傳統做法，最緊要材料新鮮　枝竹火腩炆大班頭腩：嘩！上枱嗰啲香味，家吓諗起都仲聞得到，啲枝竹就肯定吸收哂日月精華，但連啲火腩都keep咁甘香，最好味係啲大班魚皮，滑到好似食花膠咁　咕嚕肉：好夠甜酸味，本來大家以為紅色既紅椒，所以停哂手，經資深樓面推介，原來紅色既係叫蘇薑，大家一試即刻喜歡，因為佢有子薑既偏酸，帶天然清甜味，所以大家一定要食呀　姐夫推介炒通菜莖，天熱先有得，奇怪地甜美！今日先識咁食!!家庭聚餐食得開心又滿足

我都有食雞湯翅, 咕嚕肉, 仲食左水蟹蒸蛋同埋炒菜. 好似呀終極纖體咁話: 翅既湯底真係超正! 雞湯好膠質! (絕非生粉糊!) 味道好鮮! 好似老火雞湯咁! 魚翅一梳梳, 果然真材實料! 只要三百幾有4碗(一窩), 唔怪得咁多名門幫襯! 我覺得好底食!!至於咕嚕肉, 特色係用紅色果d酸子薑造, 味道係幾特別既!水蟹蒸蛋, 蟹味入晒d蛋度, 空口食都好好! 而蟹我就冇心機拆, 所以唔知味道~

去到濠江，一日廿餐閒閒地，為左保持最佳狀態？等之後過去食水蟹粥，只係叫了個雞湯翅及咕嚕肉兩個響朵菜式。勁有膠質的翅淨飲湯都正，一梳梳的翅啖啖彈牙，雞殼就可以不理。望住奶白色的雞湯，上面浮住一個圈的黃油。如此可惡的食物，點可以唔清之而後快！不過食完之後，已經無信心挑戰下一回水蟹粥。